જૂનાગઢ શહેરમાં ગરમીનો પારો 42 ડિગ્રીએ પહોંચ્યો

ગત સપ્તાહમાં 39 ડિગ્રીએ તાપમાન પહોંચ્યું હતું
ખાસ ખબરસંવાદદાતા
જૂનાગઢમાં ફરી ગરમીનો પારો 42 ડિગ્રીએ પહોંચી ગયો છે. ગત સપ્તાહમાં ગુરૂવારે ગરમીનો પારો 39 ડિગ્રીએ હતો. ગુરૂવાર બાદ ગરમીમાં સતત વધારો થયો રહ્યો છે. સોમવારે ગરમીનો પારો 42 ડિગ્રીએ પહોંચી ગયો હતો. જોકે આજે સવારમાં વાદળછાયું વાતાવરણ રહ્યું હતું.
આ અંગે મળતી વિગત મુજબ જૂનાગઢ શહેરમાં ગુરૂવાર બાદથી ગરમીમાં સતત થોડો વધારો થતો રહ્યો છે. ગુરૂવારે 39 ડિગ્રી ગરમી રહ્યા બાદ શુક્રવારે 40.5, શનિવારે 41, રવિવારે 41.5 અને સોમવારે 42 ડિગ્રી ગરમી પડી હતી.દરમિયાન હવામાન વિભાગના જણાવ્યા અનુસાર હજુ ગરમીથી રાહત મળવાના કોઇ એંધાણ નથી. ઉલ્ટાનું ગરમી વધીને 43 ડિગ્રી સુધી જઇ શકે છે. આમ, હજુ પણ આકરી ગરમીનો સામનો કરવો પડશે. ખાસ કરીને બપોરના સમયે ગરમ લૂં ફેંકાતી હોય લોકો હેરાન પરેશાન થઇ ગયા છે. આ લૂના કારણે રાત્રીના મોડે સુધી વાતાવરણમાં ગરમાવો રહે છે. ક રાત્રીના 11 કે 12 પછી વાતાવરણમાં ઠંડક અનુભવાય છે. સોમવારે લઘુત્તમ 25 અને મહત્તમ 42 ડિગ્રી ગરમી રહી હતી.
જ્યારે ભેજનું પ્રમાણ સવારે 79 ટકા અને બપોર બાદ 23 ટકા તેમજ પવનની ઝડપ 7.5 કિમી પ્રતિ કલાકની રહેવા પામી હતી.