રાજકોટ રેલવે ડિવિઝનનું એપ્રિલ માસમાં શ્રેષ્ઠ પ્રદર્શન
માર્ચ મહિનામાં 1.60 કરોડ રુપિયા વસુલ્યા
- Advertisement -
ખાસ ખબર સંવાદદાતા
રાજકોટ રેલવે ડિવિઝન દ્વારા ટિકિટ વિનાના મુસાફરી કરતાં લોકોને અટકાવવા માટે સઘન ટિકિટ ચેકિંગની કામગીરી હાથ ધરવામાં આવી હતી. રાજકોટ ડિવિઝન દ્વારા ટિકિટ ચેકિંગની આવકમાં નવા આયામો પ્રસ્થાપિત કરવામાં આવી રહ્યા છે. જે અન્વયે એપ્રિલ 2022માં રાજકોટ રેલવે ડિવિઝને નોંધપાત્ર કમાણી કરી છે. રાજકોટ ડિવિઝને ટિકિટ વિનાના અને અનિયમિત ટિકિટ સાથે મુસાફરી કરતાં 25,973 મુસાફરો પાસેથી રૂપિયા 1.99 કરોડ વસુલ કર્યા હતા. એપ્રિલ માસમાં જ આવડી મોટી રકમ વસુલ કરીને ટિકિટ ચેકિંગથી આવકનો અત્યાર સુધીનો સર્વશ્રેષ્ઠ આંકડો છે. રાજકોટ ડિવિઝનના સિનિયર ડીસીએમ શ્રી અભિનવ જેફના માર્ગદર્શન હેઠળ આસિસ્ટન્ટ કોમર્શિયલ મેનેજર પી.ચંદ્રશેખર, ડિવિઝનલ ચીફ ટિકિટ ઈન્સપેક્ટર કે.સી.ગુર્જર અને અન્ય ટિકિટ ચેકિંગ સ્ટાફ દ્વારા સઘન ચેકિંગ ઝુંબેશ ચલાવીને આ નોંધપાત્ર સિદ્ધિ હાંસલ કરી છે.
ઉલ્લેખનીય છે કે એપ્રિલ માસમાં ટિકિટ વિના અને અનિયમિત ટિકિટ ધરાવનાર 25,973 મુસાફરો પાસેથી કુલ રૂપિયા 1,99,49,720 વસુલવામાં આવ્યા છે જેમાંથી ટિકિટ વિના મુસાફરી કરતાં 25,948 મુસાફરો પાસેથી 1,99,41,520, ઓવર ટ્રાવેલિંગ કરતાં 3 મુસાફરો પાસેથી 1350, ઉચ્ચ વર્ગમાં મુસાફરી કરતાં 13 મુસાફરો પાસેથી 6350 અને વધુ સામાન લઈ જતાં 9 મુસાફરો પાસેથી 500 વસુલવામાં આવ્યા છે. આ ઉપરાંત માર્ચ મહિનામાં 22464 મુસાફરો પાસેથી રાજકોટ ડિવિઝને 1.61 કરોડ વસુલવામાં આવ્યા હતા.
