PM મોદીએ સ્મિત મચ્છર સાથે ગુજરાતીમાં વાત કરી : કેપ્ટને પોતાનો અનુભવ વર્ણવ્યો

‘સતત હનુમાન ચાલીસા બોલતો હતો, બધાને મરવા ના દેવાય’

PMએ ભારતના બહાદુર પાયલટ કેપ્ટન સ્મિત મચ્છર સાથે વાત કરી. કેપ્ટન સ્મિતે પીએમ મોદીને તે ઘટનાની માહિતી આપતાં જણાવ્યું કે તેમને હિંમત કેવી રીતે મળી. બીજી તરફ PMએ તેમની બહાદુરીની પ્રશંસા કરી અને વહેલા સ્વસ્થ કરી. “PMએ કેપ્ટન સ્મિતને કહ્યું,” આખો દેશ તમારા માટે પ્રાર્થના કરી રહ્યો છે. તમારા અને તમારા સ્વાસ્થ્ય માટે મહામૃત્યુંજનનો જાપ કરવામાં આવી રહ્યો છે. તમારા સાહસ, સમજદારી અને સંયમને કારણે અનેક લોકોના જીવ બચ્યા. દેશ ગર્વથી કહી શકે છે કે ભારતીયો એવા નથી જેઓ બીજાના જીવ લે છે, પરંતુ તેઓ એવા છે જેઓ બીજાના જીવ બચાવવા માટે પોતાનો જીવ જોખમમાં મૂકવા તૈયાર રહે છે.’
ઘટનાના દિવસે પણ પીએમ મોદીએ કેપ્ટન મચ્છરની પ્રશંસા કરી હતી. તેમણે એકક્સ પર લખ્યું હતું કે ગઈકાલે બનેલી ઘટનામાં કેપ્ટન સ્મિતે જે ધૈર્ય, સમજદારી અને સાહસનો પરિચય આપ્યો, તેણે દેશને ગૌરવથી ભરી દીધો. તેમણે અત્યંત મુશ્કેલ પરિસ્થિતિમાં અસાધારણ બહાદુરી અને દૃઢતા દર્શાવી. પીએમએ તેમની બહાદુરીને સેંકડો લોકોના જીવ બચાવનાર પગલું ગણાવ્યું.

વડાપ્રધાન મોદીએ સ્મિતની માતાની પ્રશંસા કરી
વડાપ્રધાને વાતચીત દરમિયાન કેપ્ટન સ્મિતની માતા ગીતા બેનનો પણ ઉલ્લેખ કર્યો. તેમણે કહ્યું કે સ્મિતની માતાએ તેમને ભગવદ ગીતાના મૂલ્યો અને ઉપદેશો સાથે ઉછેર્યા છે. સ્મિતે જણાવ્યું કે વડાપ્રધાનનો ફોન આવવાથી તેઓ ખૂબ ગર્વ અનુભવી રહ્યા છે. તેમણે કહ્યું કે તેમના માટે આ એવી ક્ષણ છે, જેની તેમણે ક્યારેય કલ્પના પણ કરી ન હતી.