બાલેન શાહની બંપર જીત, પાર્ટી 70 બેઠક પર આગળ: ભારત વિરોધી કેપી ઓલી પાછળ
ખાસ-ખબર ન્યૂઝ નવી દિલ્હી
- Advertisement -
નેપાળની સામાન્ય ચૂંટણીમાં મતગણતરી ચાલી રહી છે. 92 બેઠકો પર આવેલા શરૂઆતના વલણો દર્શાવે છે કે રેપર અને કાઠમંડુના ભૂતપૂર્વ મેયર બાલેન શાહની રાષ્ટ્રીય સ્વતંત્ર પાર્ટી 1 બેઠક જીતવા સાથે 70 બેઠક પર આગળ છે.
ગગન થાપાની નેપાળી કોંગ્રેસ 8 બેઠક પર આગળ છે, જ્યારે કેપી શર્મા ઓલીની કોમ્યુનિસ્ટ પાર્ટી ઓફ નેપાળ 6 બેઠક પર આગળ છે. કેપી ઓલી પોતે ઝાપા-5માં બાલેન શાહથી લગભગ 1,800 મતથી પાછળ છે.
ગુરુવારે યોજાયેલી ચૂંટણીમાં 60%થી વધુ મતદારોએ મતદાન કર્યું, જે ગયા સપ્ટેમ્બરના હિંસક વિરોધ પ્રદર્શનો પછીની પહેલી ચૂંટણી છે. ગણતરીમાં ત્રણથી ચાર દિવસ લાગવાની ધારણા છે. ચૂંટણી પંચે કહ્યું છે કે તે 9 માર્ચ સુધીમાં ગણતરી પૂર્ણ કરવાનો પ્રયાસ કરશે.
ઝાપા-5 મતવિસ્તારમાં બાલેન શાહે મજબૂત લીડ મેળવી છે. તેમને અત્યાર સુધીમાં 2,878 મત મળ્યા છે. રાષ્ટ્રીય સ્વતંત્ર પાર્ટીએ તેમને પોતાના વડાપ્રધાન પદના ઉમેદવાર જાહેર કર્યા છે. ચાલુ મત ગણતરીમાં, શાહ ભૂતપૂર્વ વડાપ્રધાન અને ઈઙગ-ઞખક અધ્યક્ષ કેપી શર્મા ઓલી કરતાં આગળ છે. ઓલીને અત્યાર સુધીમાં 1,130 મત મળ્યા છે.
નેપાળી કોંગ્રેસના યોગેશ ગૌચન થકાલીએ મુસ્તાંગ જિલ્લામાં ચૂંટણી જીતી છે. યોગેશ ગૌચન થકાલીને 3,307 મત મળ્યા. તેમના નજીકના હરીફ, સીપીએન-યુએમએલના ઇન્દ્રધરા બિષ્ટને 1,806 મત મળ્યા.
બાલેન શાહ રેપરથી કાઠમંડુના મેયર બન્યા, હવે PM બનવાની નજીક
કાઠમંડુના મેયર બનતા પહેલા, બાલેન તરીકે જાણીતા બાલેન શાહ નેપાળના અનેડરગ્રાઉન્ડ હિપ-હોપ સીનમાં દેખાતા હતા, ક્યારેક છત પર રેપ બેટલ કરતા અને ક્યારેક મ્યુઝિક વીડિયો બનાવતા હતા. તેમના ગીતોમાં ગરીબી, પછાતપણા અને ભ્રષ્ટાચારના મુદ્દાઓને સંબોધવામાં આવતા હતા. આ ગીતોએ તેમને યુવાનોમાં ખૂબ જ લોકપ્રિય બનાવ્યા. તેમના રેપમાં ઘણીવાર રાજકારણીઓનું અપમાન કરતું હતું, પરંતુ જ્યારે બેલેને મે 2022માં કાઠમંડુના મેયર પદ માટે ચૂંટણી લડવાનો પોતાનો ઇરાદો જાહેર કર્યો ત્યારે લોકો ચોંકી ગયા. બાલેન બ્લેક બ્લેઝર, બ્લેક જીન્સ અને ઘેરા સનગ્લાસમાં ચૂંટણી પ્રચાર કર્યો, જેનાથી વ્યાપક ધ્યાન ખેંચાયું. માત્ર 33 વર્ષની ઉંમરે, સ્વતંત્ર ઉમેદવાર તરીકે ચૂંટણી લડનારા બાલેને અગ્રણી ઉમેદવારોને હરાવ્યા. તેઓ મેયરની ચૂંટણી જીતનાર પ્રથમ સ્વતંત્ર ઉમેદવાર બન્યા. નેપાળમાં, કાઠમંડુના મેયરને ઘણા કેન્દ્રીય મંત્રીઓ કરતાં વધુ પ્રભાવશાળી માનવામાં આવે છે. પરિણામે, આ જીતની ચર્ચા ફક્ત નેપાળમાં જ નહીં પરંતુ વિશ્ર્વભરમાં થઈ. 2023માં, ટાઈમ મેગેઝિને તેમને વિશ્ર્વના ટોચના 100 સૌથી પ્રભાવશાળી લોકોની યાદીમાં સામેલ કર્યા. ધ ન્યૂયોર્ક ટાઈમ્સે પણ તેમના પર એક પ્રોફાઇલ સ્ટોરી કરી હતી.
