ઝ20 વર્લ્ડ કપમાં ભારતની સૌથી મોટી હાર: સુપર-8માં સાઉથ આફ્રિકાએ 76 રને હરાવ્યું

સેમિફાઈનલમાં પહોંચવા માટે હવે બાકીની બંને મેચ જીતવી પડશે

ખાસ-ખબર ન્યૂઝ અમદાવાદ

વર્લ્ડ ચેમ્પિયન ટીમ ઈન્ડિયાને ઝ20 વર્લ્ડ કપના ઇતિહાસમાં સૌથી મોટી હારનો સામનો કરવો પડ્યો છે. રવિવારે તેને સાઉથ આફ્રિકાએ ત્રીજી સુપર-8 મેચમાં 76 રનના અંતરથી હરાવ્યું છે. આની સાથે જ ટુર્નામેન્ટમાં ભારતની જીતનો સિલસિલો પણ અટકી ગયો છે. આ પહેલા ઈન્ડિયાએ સતત 12 મેચ જીતી હતી. અમદાવાદના નરેન્દ્ર મોદી સ્ટેડિયમમાં આફ્રિકી ટીમે ટોસ જીતીને બેટિંગ પસંદ કરી. ટીમે 20 ઓવરમાં 7 વિકેટ પર 187 રન બનાવ્યા. જવાબમાં ભારતીય ટીમ 18.5 ઓવરમાં 111 રન પર ઓલઆઉટ થઈ ગઈ. માર્કો યાન્સેને 4 વિકેટ ઝડપી. કેશવ મહારાજે 3 વિકેટ લીધી. કોર્બિન બોશને 2 અને એડન માર્કરમને એક વિકેટ મળી. શિવમ દુબેએ સૌથી વધુ 42 રન બનાવ્યા. આ પહેલાં, સાઉથ આફ્રિકા તરફથી ડેવિડ મિલરે 35 બોલ પર 63 રન બનાવ્યા. જ્યારે ડેવાલ્ડ બ્રેવિસે 45 રન બનાવ્યા. ટ્રિસ્ટન સ્ટબ્સે 24 બોલ પર અણનમ 44 રન બનાવ્યા. ભારત માટે જસપ્રીત બુમરાહે 3 વિકેટ ઝડપી. અર્શદીપ સિંહે 2 વિકેટ લીધી..

‘માહી’ મેજિક ચાલું રહેશે: ઈંઙક 2026માં ધોનીના રમવાની સત્તાવાર પુષ્ટિ, ફેન્સમાં ભારે ઉત્સાહ

ઈજઊંના ઈઊઘ કાશી વિશ્ર્વનાથને અટકળો પર મૂક્યો વિરામ: ઋતુરાજ ગાયકવાડના નેતૃત્વમાં ધોની મેદાનમાં ઉતરશે
ભારતીય ક્રિકેટના દિગ્ગજ ખેલાડી મહેન્દ્રસિંહ ધોનીના ચાહકો માટે સૌથી મોટા અને આનંદના સમાચાર સામે આવ્યા છે. લાંબા સમયથી ચાલી રહેલી અટકળોનો અંત લાવતા ચેન્નાઈ સુપર કિંગ્સ (ઈજઊં)ના ચીફ એક્ઝિક્યુટિવ ઓફિસર કાશી વિશ્વનાથને સત્તાવાર રીતે પુષ્ટિ કરી છે કે ધોની ઈંઙક 2026ની સિઝનમાં રમશે. આ સમાચાર સોશિયલ મીડિયા પર વાયુવેગે પ્રસરતા ’થલા’ના કરોડો ફેન્સમાં ખુશીની લહેર દોડી ગઈ છે. ગઈ સિઝન ચેન્નાઈ સુપર કિંગ્સ માટે ઇતિહાસની સૌથી ખરાબ સિઝન સાબિત થઈ હતી. કેપ્ટન ઋતુરાજ ગાયકવાડની ઈજા બાદ ધોનીએ ફરીથી ટીમનું સુકાન સંભાળ્યું હતું, પરંતુ ટીમ 14માંથી માત્ર 4 મેચ જીતીને પોઈન્ટ ટેબલમાં છેલ્લે રહી હતી. હવે 2026ની સિઝનમાં ધોની ફરી એકવાર મેદાનમાં ઉતરીને ટીમના પ્રદર્શનને સુધારવા અને યુવા ખેલાડીઓને માર્ગદર્શન આપવા સજ્જ છે. આ સિઝનમાં ટીમનું નેતૃત્વ ઋતુરાજ ગાયકવાડના હાથમાં રહેશે, પરંતુ મેદાન પર ધોનીની હાજરી વિરોધી ટીમો માટે ચોક્કસપણે પડકારરૂપ બની રહેશે. ઈંઙકના ઇતિહાસમાં ધોની અને ચેન્નાઈ એકબીજાના પર્યાય છે. અત્યાર સુધીમાં 278 મેચ રમીને 5,439 રન બનાવનાર ધોનીએ ઈજઊંને પોતાની કેપ્ટનશિપ હેઠળ પાંચ વખત ચેમ્પિયન બનાવી છે. વર્ષ 2023માં છેલ્લે ટાઈટલ જીત્યા બાદ ચેન્નાઈની નજર હવે છઠ્ઠી વખત ટ્રોફી જીતીને ઈતિહાસ રચવા પર છે. 2026માં ધોનીની અનુભવી સલાહ અને ફિનિશિંગ ટચ ટીમને ફરી એકવાર ચેમ્પિયન બનાવવા માટે મહત્વના સાબિત થઈ શકે છે.