સમગ્ર શિક્ષા વિભાગ દીવ દ્વારા યોજાયેલાં સમર કેમ્પનું સમાપન

વિદ્યાર્થીઓ માટે જોય ફૂલ લર્નિંગ, એકટીવીટી બેઇઝ લર્નિંગ દ્વારા શિક્ષણની વ્યવસ્થા

ખાસ-ખબર ન્યૂઝ ગિર-સોમનાથ, તા.10
દાદરા અને નગરહવેલી અને દમણ- દીવના પ્રશાસક પ્રફુલભાઇ પટેલ ના સફળ નેતૃત્વ અને માર્ગદર્શન હેઠળ દીવ સમગ્ર શિક્ષા, શિક્ષણ વિભાગ દિવ દ્વારા 10 દીવસીય સમર કેમ્પનું આયોજન કરવામાં આવ્યું હતુ. જેનો ગઈ કાલે સમાપન કાર્યક્રમ યોજાયો હતો.જેમાં દીવની સરકારી શાળાના ધોરણ 8 અને 9 ના 120 વિદ્યાર્થીઓને આ કેમ્પમાં સમાવેશ કરવામાં આવ્યા. 10 દિવસના સમર કેમ્પમાં વિદ્યાર્થીઓને અંગ્રેજી, વિજ્ઞાન, ગણિત અને ગુજરાતી અને સામાજિક વિજ્ઞાન વિષયોને જોય ફૂલ લર્નિંગ, એકટીવીટી બેઇઝ લર્નિંગ દ્વારા આનંદદાયી શિક્ષણ મળે તે માટે દરેક વિષયના શિક્ષકો અને તજ્જ્ઞની વ્યવસ્થા કરવામાં આવેલ છે. સાથે કલા, સ્કીલ, રમત ગમત વગેરે પ્રવૃત્તિઓ આયોજન કરવામાં આવ્યું હતુ.

સમગ્ર શિક્ષા, શિક્ષણ વિભાગ દિવ દ્વારા સમર કેમ્પમાં વિદ્યાર્થીઓને ગાયન, ચિત્ર, યોગ , લાઠી બેલેન્સ, લાંબી કૂદ, ત્રિપગી દોડ વગેરે રમતની સ્પર્ધામાં પ્રથમ, બીજો અને ત્રીજો ક્રમ પ્રાપ્ત કરનાર વિદ્યાર્થીઓને ઇનામ તથા સર્ટિફિકેટ આપી સન્માનિત કર્યા. આ કાર્યક્રમના મુખ્ય મહેમાન શિવમ મિશ્રા સર એસ. ડી. એમ/એડિશનલ ડાયરેક્ટર ઓફ એજ્યુકેશન દીવ ઉપસ્થિત રહી બાળકોને માર્ગદર્શન અને પ્રોત્સાહિત કર્યા. નાનાજી જેઠવા અઙઘ દીવ, ઇછઈઈ દિવ્યેશ જેઠવા, હરખચંદ બારીયા, નાનાજી સોલંકી ઉપસ્થિત રહ્યા હતા.

આ કેમ્પમાં વિવિધ વિષયો, આર્ટ, કલા, રમત- ગમતના શિક્ષકોને સર્ટિફિકેટ આપી સન્માનિત કર્યા કર્યા. અરવિંદ સોલંકી સાહેબે મહેમાનોનું સ્વાગત અને કેમ્પ વિશેની પ્રવૃત્તિ વિશે માહિતગાર કર્યા હતા. અને પિયુષ મારુ સાહેબે આ કેમ્પને સફળ બનાવવામાં મદદરૂપ બનેલ હેલ્થ, પોલીસ,ઙઠઉ, વાલીઓ નો આભાર માન્યો. આ કાર્યક્રમનું સંચાલન માનશીન બામણિયા દ્વારા કરવામાં આવ્યું અને કેમ્પને સફળ બનાવવામાં સમગ્ર શિક્ષા સ્ટાફે ખૂબ જહેમત ઉઠાવી હતી.