અમેરિકાએ ગેરકાયદે વસાહતીઓનો ‘દેશ નિકાલ’ ઝડપી બનાવ્યો : અઠવાડિયે 850 લોકો ડીપોર્ટ

રીમુવલ ફલાઈટની સંખ્યા રેકોર્ડ સ્તરે : કયા દેશોનાં નાગરિકોને તગેડાયા તે જાહેર ન કરાયું

ખાસ-ખબર ન્યૂઝ નવી દિલ્હી, તા.05

ટ્રમ્પે સત્તા સંભાળ્યાના બે મહિનામાં જ માસ ડિપોર્ટેશન ધીમું પડી ગયું છે તેવો ગણગણાટ થવા લાગ્યો હતો પરંતુ મે મહિનાથી ફરી તેણે જોરદાર સ્પીડ પકડી હોય તેવા આંકડા સામે આવી રહ્યા છે. હવે અમેરિકાથી રવાના થતી ડિપોર્ટેશનની સંખ્યા રેકોર્ડ સ્તરે પહોંચી ગઈ છે.

ICEની ફ્લાઈટ્સને ટ્રેક કરતા ઈમિગ્રેશન એડવોકેટ ટોમ કાર્ટરાઈટના જણાવ્યા અનુસાર મે મહિનાના પહેલા બે વીકમાં રોજના એવરેજ 850 લોકોને ડિપોર્ટ કરવામાં આવ્યા હતા.

મે મહિનાના ત્રીજા વીકમાં 50 રિમૂવલ ફ્લાઈટ્સને રવાના કરવામાં આવી હતી જ્યારે ચોથા વીકમાં આ આંકડો 40થી પણ વધારે રહ્યો હતો. જૂન મહિનામાં પણ અમેરિકાથી આ જ સ્કેલ પર ડિપોર્ટેશન ફ્લાઈટ્સ મોકલવામાં આવશે .મે મહિનામાં ICEએ કુલ 190 જેટલી ફ્લાઈટ્સ અલગ-અલગ દેશોમાં મોકલી હતી, જે સપ્ટેમ્બર 2021 પછીનો રેકોર્ડ છે. આ સિવાય ડોમેસ્ટિક ટ્રાન્સફર અને ડિપોર્ટેશન્સથી પાછી આવેલી ફ્લાઈટ્સની સંખ્યા ગણવામાં આવે તો મે 2025નો આંકડો 1,083 પર પહોંચે છે.એપ્રિલ 2025થી જ ડિપોર્ટેશનની કામગીરીમાં ઝડપ દેખાઈ રહી હતી અને ફ્લાઈટ્સ સિવાય ઘણા લોકોને બાય લેન્ડ પણ મેક્સિકો મોકલવામાં આવી રહ્યા છે. જોકે, ડિપોર્ટ કરાતા લોકોના ક્ધટ્રી ઓફ ઓરિજિનની માહિતી સરકાર દ્વારા જાહેર ના કરાતી હોવાથી કયા દેશના કેટલા ઈમિગ્રન્ટ્સને ડિપોર્ટ કરવામાં આવ્યા છે તેનો કોઈ ચોક્કસ આંકડો નથી જાણી શકાતો.બીજી એક મહત્વની વાત એ છે કે ICEની ડોમેસ્ટિક ફ્લાઈટ્સની સંખ્યામાં પણ મોટો ઉછાળો આવ્યો છે, જાન્યુઆરીથી જ ઈંઈઊ દ્વારા અવાડિયાની 100થી વધારે ડોમેસ્ટિક ફ્લાઈટ્સ ઓપરેટ થઈ રહી છે અને મે મહિનામાં એવરેજ 190ને પાર પહોંચી ગઈ હતી.ડોમેસ્ટિક ફ્લાઈટ્સની વધતી સંખ્યા એ વાતનો પુરાવો આપે છે કે યુએસમાં હવે અનડોક્યુમેન્ટેડ ઈમિગ્રન્ટ્સની ધરપકડનો આંકડો સતત વધી રહ્યો છે, નાના-મોટા શહેરો કે ગ્રામ્ય વિસ્તારમાંથી પકડાતા ઈમિગ્રન્ટ્સને મોટા ડિટેન્શન સેન્ટર્સમાં શિફ્ટ કરવા માટે તેમને ફ્લાઈટમાં ટ્રાન્સપોર્ટ કરાતા હોય છે.

ખાસ તો જેમને ડિપોર્ટ કરવાની પ્રોસેસ પૂરી થઈ જાય તેમને લ્યૂઝિયાના, ન્યૂ મેક્સિકો અને ટેક્સસ લાવવામાં આવે છે. જ્યારે જે ઈન્ડિયન્સને અમેરિકાથી ડિપોર્ટ કરાય છે તેમને મોટાભાગે નેવાર્કથી દિલ્હી જતી ફ્લાઈટ્સમાં રવાના કરાતા હોય છે. જાન્યુઆરી 2025થી અમેરિકાએ જેટલી પણ ડિપોર્ટેશન ફ્લાઈટ્સ મોકલી છે તેમાં ગ્વાટેમાલા ટોપ પર આવે છે જ્યાં 142 રિમૂવલ ફ્લાઈટ્સ મોકલાઈ હતી જ્યારે 116 ફ્લાઈટ્સ સાથે હોન્ડુરસ સેક્ધડ અને 101 ફ્લાઈટ્સ સાથે મેક્સિકો ત્રીજા નંબરે આવે છે.આ સિવાય અલ સાલ્વાડોર, ઈક્વાડોર, વેનેઝુએલા, નિકારાગુઆ, ડોમિનિક રિપબ્લિકન, પેરુ અને બ્રાઝિલમાં પણ મોટી સંખ્યામાં રિમૂવલ ફ્લાઈટ્સ મોકલવામાં આવી હતી.