રાજકોટમાં પોલીસના લોકદરબારને પણ પડકાર ફેંકતા વ્યાજના વરુઓ
મકાન પડાવી લઈ, મારી નાખવાની ધમકી આપતા મહિલાએ ફિનાઇલ પી લીધું
વ્યાજખોર બેલડી સહિત ત્રણ સામે પ્ર.નગર પોલીસ સ્ટેશનમાં નોંધાવી ફરિયાદ
ખાસ-ખબર ન્યૂઝ રાજકોટ
- Advertisement -
રાજકોટના પોપટપરામાં રહેતા નીકીતાબેન રાજેશભાઇ તલવાર ઉ.27એ બે વ્યાજખોર સદામભાઇ બદવાણી, જાવેદભાઇ અને એક અજાણ્યા સહિત ત્રણ સામે પ્રનગર પોલીસ મથકમાં ફરિયાદ નોંધાવી છે.
ફરિયાદમાં જણાવ્યું હતું કે હું ઉપર જણાવેલ સરનામે મારા પતિ રાજેશભાઇ તલવાર તથા એક દીકરી અને એક દીકરા સાથે રહુ છુ મારા પતી હુ બંને સિઝનેબલ ચીજ-વસ્તુનો વેપાર ધંધો કરી અમારૂ ગુજરાન ચલાવીએ છીએ ગઇ તા. 07/04/2025 ના સાંજના સાતેક વાગ્યે હુ તથા મારો પતી રાજેશ તથા મારા બહેન પુજા તથા મારા સાસુ ગીતાબેન તથા મારા જેઠાણી અનીતા અને જેઠ રાજાભાઇ તથા મારા છોકરાઓ અને સસરા અનીલભાઇ ઘરે હાજર હતા ત્યારે સદામભાઇ બદવાણી અને એક અન્ય માણસ અમારી ઘરે આવેલ અને છરી બતાવી મારા પતી રાજેશને ઘરથી બહાર લઇ જઇ ઢોર માર મારેલ અને તેઓને ખુબજ ઇજા થયેલ હતી અને મારા પતિ મોડી રાત્રે ઘરે આવેલ અને ખુબ જ ગભરાઇ ગયેલ હતા આ સદામભાઇ પાસેથી મારા પતિ રાજેશે દોઢેક વર્ષ પહેલ ત્રણ લાખ રૂપીયા વ્યાજથી 10% લેખે લીધેલ હતા અને તેનુ વ્યાજ ચુકવેલ છે મારા પતી પાસેથી આશરે આઠ લાખ રૂપીયા જેટલુ વ્યાજ લઇ લીધેલ છે અને આઠેક માસ પહેલા જાવેદભાઇ પાસેથી મારા પતિ રાજેશે એક લાખ રૂપીયા વ્યાજે લીધેલ હતા તેને પણ અમે સાત-આઠ લાખ રૂપીયા જેટલુ વ્યાજ ભરેલ છે તેમ છતા આ જાવેદભાઇ અમને હેરાન કરે છે અને વધુ વ્યાજના રૂપીયા માંગે છે અને સદામભાઇને આટલુ વ્યાજ આપેલ હોય તેમ છતા અમારૂ પોપટપરા પોલીસ ગ્રાઉન્ડ સામે આવેલ મકાન પડાવી લીધેલ છે અને તેમા કબ્જો કરી લીધેલ છે તેમ છતા આ બન્ને જણા જાવેદભાઇ અને સદામભાઇ અવાર-નવાર મારા ઘરવાળા રાજેશને માર મારી વ્યાજના રૂપિયા ભરવા દબાણ કરે છે અમને વારંવાર મારી નાખવાની ધમકી ધમકી આપે છે તમે વ્યાજે આપેલ રૂપિયા પાછા નહી આપો તો તમને મારી નાખશુ તેવી અમને ધમકી આપે છે ગત તા. 07/04/2025 ના રાત્રે મારા ઘરવાળાને માર મારેલ જેથી તે બીકના લીધે ઘરેથી ભાગી ગયેલ છે અને અમને ફરીયાદ ન કરવા પણ આ બંને દબાણ કરે છે અને અમે તેઓને રૂપિયા આપવાનો ટાઈમ આપીએ તો પણ તે ધમકી આપી વ્યાજના રૂપીયાની ઉઘરાણી કરે છે આ બંનેના ત્રાસથી હું કંટાળી ગયેલ હોય જેથી ગઇ તા. 08/04/2025ના સાંજના પોપટપરાના મેડીકલ સ્ટોર માથી ફીનાઇલની બોટલ લઇ આવી અને પી ગયેલ હતી અને આ લોકોના ત્રાસથી જ મેં ફીનાઇલ પીધી છે પોલીસે ગુનો નોંધી તપાસ હાથ ધરી છે.
