રાજકોટની વ્યાજખોર બેલડી, જમીન ખાલી કરવાનો હવાલો લેનાર સહિત 5 સામે તાલુકા પોલીસમાં ફરિયાદ

‘જમીન જોઈતી હોય તો વધુ 70 લાખ આપવા પડશે, જમીનમાં પગ મુકશો તો જાનથી મારી નાખીશ’ તેવી ધમકી આપી

ધ્રોલના ખેડૂતે વ્યાજે લીધેલા 21 લાખ સામે 30 લાખ ચુકવ્યા છતાં જમીન બારોબાર વેંચી નાખી

ખાસ-ખબર ન્યૂઝ રાજકોટ

ધ્રોલના વાંકીયા ગામે રહેતાં જયસુખભાઈ મોહનભાઈ ભીમાણી ઉ.46એ રાજકોટના અલ્પેશ દોંગા, નૈમિશ રામાણી, ધ્રોલનો ભૂરો ભરવાડ, મોરબીના નારાણ ભરવાડ અને પુરીબેન ભરવાડ સામે તાલુકા પોલીસ સ્ટેશનમાં છેતરપીંડી, મનીલેન્ડ એક્ટ સહિતની કલમ હેઠળ નોંધાવેલી ફરીયાદમાં જણાવ્યું હતું કે, તે ખેતીકામ કરે છે 2022માં તેમને ધંધાકીય કામ માટે પૈસાની જરૂરત હોય જેથી તા.15/07/2022ના રાજકોટ નાના મૌવા રોડ પર આવેલ મની પ્લસ શરાફી મંડળી ધરાવતા અલ્પેશ દોંગા પાસેથી 21 લાખ માસિક 2 ટકા વ્યાજે લીધા હતા વ્યાજે આપેલ રકમની સામે સિક્યુરીટી પેટે જમીનનો પેન્ડીંગ દસ્તાવેજ કરી આપવાનું કહ્યું હતું અને અલ્પેશએ પ્રથમ રૂ.5 લાખ રોકડા આપ્યા હતા અલ્પેશના કહેવાથી તા.27/03/2022ના વાંકીયા ગામની સ.નં. 119 ની ખેતીની જમીન હે.આ.ચોમી. 2-71-34 નો નૈમિશ રામાણીને સિક્યુરીટી પેટે પેન્ડીંગ દસ્તાવેજ કરી આપેલ હતો નૈમિષએ દસ્તાવેજમાં જણાવેલ રકમ રૂ.6.51 લાખનો ચેક આપેલ હતો.દસેક દિવસ બાદ અલ્પેશએ પોતાની ઓફીસે બોલાવી રૂ.9.49 લાખ રોકડા આપેલ હતા જે લીધેલ રકમ ઉપર ત્રણેક મહિના સુધી માસિક 2 ટકા લેખે વ્યાજ ચૂકવ્યું હતું બાદ વ્યાજ ચુકવી શકતો ન હોય જેથી એકાદ વર્ષ બાદ અલ્પેશએ પોતે વ્યાજે આપેલ રકમ વ્યાજ સહિત પરત આપવા કહેતા તા.16/10/2023 ના રોકડા 15 લાખ તથા ત્રણ દિવસ બાદ રોકડા 15 લાખ મળી કુલ રૂ.30 લાખ ચુકવી આપ્યા હતા અલ્પેશ તથા નૈમિષએ 21 લાખ બે ટકા વ્યાજે આપવાના બહાને વિશ્વાસમાં લઈ રકમ વ્યાજે આપી સિક્યુરીટી પેટે પેન્ડિંગ દસ્તાવેજના બદલે રજીસ્ટર્ડ વેંચાણ દસ્તાવેજ કરાવી લઈ તેના બદલામાં 9 લાખ જેટલું ઉચું વ્યાજ વસુલ કર્યું હતું બાદ જમીનનો દસ્તાવેજ પરત કરી આપવાની વાત કરતા બંનેએ દસ્તાવેજની રકમ પેટેના રૂ.6.51 લાખ ચેકથી ચુકવવા પડશે તો જ તમારી જમીનનો દસ્તાવેજ કરી આપશું તેમ કહી વધુ રૂપીયાની માંગણી કરી હતી બાદમાં બંને શખ્સોએ જમીનનો પરત દસ્તાવેજ કરી આપવા માટેની અલગ-અલગ તારીખો તથા સબ રજીસ્ટ્રાર કચેરીના ટોકનો આપેલ હતા પણ આવ્યા ન હતા તેમજ અલ્પેશને તેને રૂપીયા પરત ચુકવી આપેલ હોય તે બાબને લખાણ કરી આપવાનું કહેતા તા.20/12/2023 ના રૂ.300 ના સ્ટેમ્પ ઉપર સમજુતી કરારનું લખાણ કરી આપેલ જેમાં તેઓએ રૂ.6.51 લાખ દસ દિવસમાં પરત ચુકવી આપ્યેથી તેઓના નામે દસ્તાવેજ પરત કરી આપશે તેવી બાંહેધરી આપેલ હતી.

ત્યારબાદ બંને આરોપીને જમીનનો દસ્તાવેજ પરત કરી આપવા જણાવતા બન્નેએ કહેલ કે, હવે તમારે જમીન પાછી જોઇતી હોય તો બીજા વધારાના 70 લાખ આપવા પડશે કહીં ઉશ્કેરાઈ ગયેલ અને જમીન ભુલી જવાનું કહેતા રકમની વ્યવસ્થા કરવા હા પાડી હતી વધારે રકમની માંગણી કરતા હોય તે રકમ ચુકવવા માટે તૈયાર હોય તેમ છતા દસ્તાવેજ કરી આપ્યો ન હતો નૈમિષે જમીનનો દસ્તાવેજ પોતાના નામનો હોય જેથી ફરિયાદીને જમીન 11 માસ માટે વાવવા માટે આપેલ છે તેવો કરાર કરાવી લીધેલની વાત કરેલ હતી તા.20/04/2024 ના ધ્રોલ બસ સ્ટેન્ડ સામે ચા ની દુકાન ધરાવતા ભૂરાભાઈ ભરવાડ રાત્રીના સમયે ખેતરે આવેલ અને મારા ખેતરમાં કામ કરતા મજુરોને ધમકાવી તમારા માલીકને કહેજો આ જમીન મેં લઇ લીધેલ છે હવે જમીન ઉપર પગ ના મુકે તેવી ધમકી આપી હતી. બીજા દિવસે બપોરે ફરી ભુરો ભરવાડ ખેતરે આવેલ અને આ જમીન પોતે લઈ લીધેલ હોવાની વાત કરી માથાકુટ કરી તમે આ જમીન ઉપર પગ મુકશો તો જાનથી મારી નાંખીશ તેવી ધમકી આપેલ હતી. ત્યાર બાદ તપાસ કરતાં જાણવા મળેલ કે, તા.30/06/2024 ના નૈમિષે ફરિયાદીની માલીકીની જમીન કોઈ પુરીબેન જીવણ ભરવાડને વેંચી નાંખેલ છે જો તમારે જમીનનો દસ્તાવેજ કરવો હોય તો 70 લાખ આપો તે અમારા માણસો છે તમને દસ્તાવેજ કરી આપશે તેમ જણાવેલ હતુ ત્યારબાદ ભુરો ભરવાડ એકાદ બે વખત જમીન ખાતે આવેલ અને જમીન ખાલી કરાવવાનો હવાલો નારણ ભરવાડે આપેલ હોવાનું કહી અવાર-નવાર જમીનનો કબ્જો ખાલી કરી આપવા ધમકીઓ આપતો હતો જેથી અલ્પેશ દોંગા તથા નૈમિષ રામાણી વધુ રૂપીયા પડાવવા તેઓનો માલીકી અને કબ્જા ભોગવટા વાળી જમીન પુરીબેન ભરવાડને વેંચી નાંખી તેઓ વતી ભુરા ભરવાડે જમીનનો કબ્જો ખાલી કરાવવા માટે હવાલો લઈ મને ધાક-ધમકી આપી તમામ આરોપીએ જમીન પચાવી પાડવાના ઇરાદે કાવતરૂ રચી મારી જમીનનો દસ્તાવેજ કરી લીધેલ હતો. બનાવ અંગેની ફરીયાદ પરથી તાલુકા પોલીસે ગુનો નોંધી પીઆઈ ડી. એમ.હરિપરા અને ટીમે તપાસ હાથ
ધરી હતી.