કેશોદ 108 એમ્બ્યુલન્સ સેવાની ટીમને EMRI ગ્રીન હેલ્થ સર્વિસીસ દ્વારા નેશનલ એવોર્ડ અપાયો

ખાસ-ખબર ન્યૂઝ જૂનાગઢ, તા.19
કેશોદ 108 એમ્બ્યુલન્સની ટીમ દ્વારા બાળકને ઊખછઈં એટલે કે છાતી પર દબાણ આપી અને કૃત્રિમ શ્વાસ આપી બાળકનો જીવ બચાવવા બદલ અને માતાનો જીવ બચાવવાની ઉત્કૃષ્ટ કામગીરી બદલ પ્રથમ રાજ્ય કક્ષાએ અને ત્યાર બાદ રાષ્ટ્રિય કક્ષા એ સર્વ શ્રેષ્ઠ કેસ તરીકે નો એવોર્ડ ઇએમઆરઆઇ ગ્રીન હેલ્થ સર્વિસીસ દ્વારા એનાયત કરાયો.

જૂનાગઢ જિલ્લાના નાક્રરા ગામના માતાની ડિલિવરી 108 એમ્બ્યુલન્સમાં થયેલ.પરંતુ જન્મ બાદ બાળકના ધબકારા અયોગ્ય હતા અને રડતું પણ ના હતું. ગુજરાત સરકાર દ્વારા કાર્યરત અને ઇએમઆરઆઇ ગ્રીન હેલ્થ સર્વિસીસ દ્વારા સંચાલિત જૂનાગઢ જિલ્લાના કેશોદ 108 ની ટીમને રાષ્ટ્રીય કક્ષાએ એવોર્ડ આપી સન્માનિત કરવામાં આવ્યા છે. કેશોદ 108ને માણાવદરના નાકરા ગામનો કેસ મળતાની સાથેજ સ્થળ પર પહોંચી તપાસ કરતા જાણવા મળ્યું કે એક સગર્ભા માતા ને પ્રસુતિની અસહ્ય પીડા હતી.જોખમી ડિલિવરી 108માં કરાવામાં આવી પરંતુ જ્યારે બાળકનો જન્મ થાય ત્યારે બાળક સામાન્ય રીતે રડતું હોય છે પરંતુ આ બાળક રડતું ન હતું તેમજ તેના જે હદયના ધબકારા હતા એ પણ ખૂબ જ ઓછા હતા જે થી ઇએમટી પૂનમ વાઘેલા દ્વારા બાળકને તુરંત લઈ અને તેની સારવાર આપવાની ચાલુ કરી હતી જે અંતર્ગત નવજાત શિશુને હદયના ધબકારા ઓછા હતા એટલે ઈઙછ એટલે કે છાતી પર દબાણ અને કુત્રિમ શ્વાસ આપીને બાળકનો જીવ બચાવ્યો હતો. તેમજ પ્રસુતી બાદ માતાની હાલત પણ નબળી હોય જે થી 108 કોલ સેન્ટર પર ઊપસ્થિત ઉપરી ડોક્ટર સાથે વાતચીત કરી અને એમની સૂચના મુજબ જરૂરી ઈન્જેકશન અને બોટલ ચડાવવામાં આવ્યા હતા.

આમ ઇએમટી પૂનમ વાઘેલા અને પાઇલોટ પ્રકાશ પરમાર દ્વારા યોગ્ય સમયસૂચકતા વાપરી અને પોતાની સૂજબુજથી નવજાત બાળક અને માતા ને સમયસર યોગ્ય સારવાર આપી જીવ બચાવવામાં આવ્યો હતો અને હોસ્પિટલ ખાતે લઇ જવામાં આવ્યા હતા.આમ આ મુજબ આ કેસને રાષ્ટ્રીય સ્તરે સર્વશ્રેષ્ઠ કેસ તરીકેનું સિલેક્શન થયું અને આ કેસમાં સારવાર આપનાર ઈએમટી અને પાઇલોટ બંને કર્મચારીઓને ઇએમઆરઆઇ ગ્રીન હેલ્થ સર્વિસીસ દ્વારા રાષ્ટ્ર કક્ષાનું એવોર્ડ એનાયત કરાયો.