જિલ્લાની 17 ટીમો માટે ક્રિકેટ મેચ : SP, DYSP, LCB, SOG, PI સહિતના અધીકારીઓની હાજરી
ખાસ-ખબર ન્યૂઝ ગિર-સોમનાથ, તા.10
ગીર સોમનાથ જીલ્લા પોલીસ દ્રારા ગીર રક્ષક કપ 2024 અંતર્ગત જીલ્લાના પોલીસની 17 ટીમોનો ક્રિકેટ ટુર્નામેન્ટ મેચનુ આયોજન કરાયુ હતુ જેમા પ્રથમ મેચ પોલીસ અને પત્રકારો વચ્ચે રોમાંચક રખાયો હતો. 24 કલાકની ભાગદોડ અને જવાબદારીઓ વચ્ચે પ્રજાની વચ્ચે રહેનારા તેમજ તેમની સુરક્ષા સાથે કાયદાની વ્યવસ્થાઓ પણ જળવાઇ રહે તે રીતે રહેતા પોલીસ તંત્ર દ્રારા ગીરસોમનાથ જીલ્લાના તાલાલા તાલુકાના વિરપુર ગીર ગામે રમણીય વાતાવરણ અને ક્રિકેટ સ્ટેડિયમ ખાતે ગીરસોમનાથ જીલ્લા એસપી મનોહરસિંહ જાડેજાની સૂચનાથી જીલ્લાની 17 પોલીસ ની ટીમો વચ્ચે ગીર રક્ષક ક્રિકેટ ટુર્નામેન્ટ નુ ભવ્ય આયોજન કરાયુ હતુ જેમા પ્રથમ મેચ ગીરસોમનાથ જીલ્લાના મુખ્ય પત્રકારો સાથે ફ્રેન્ડલી રમવાનુ આયોજન કરાયુ જેમા ગીરસોમનાથ જીલ્લાના પત્રકારોની પત્રકાર ઇલેવન ની ટીમ સામે ગીર સોમનાથ જીલ્લા એસપી મનોહરસિંહ જાડેજા ( કેપ્ટન) , ડીવાય એસપી , એલસીબી , એસ ઓજી, પીઆઇ સહીતની ટીમનો ક્રિકેટ મેચ રમાયો હતો. તાલાલા પાલીકાના પૂર્વ પ્રમુખ અમીત ઉનડકટ સહીત અગ્રણીઓ ની પણ ઉપસ્થિત રહી હતી . લાઇવ પ્રસારણ અને કોમેન્ટરી સાથે પ્રથમ ટોસ પત્રકાર ટીમે જીતી બેટીંગ કરી હતી ભારે રસાકસી અને રોમાંચક ક્રિકેટ મેચ જોવા આસપાસ ના ગામના લોકો અને યુવાવર્ગ ઉમટી પડ્યો હતો .અને આ ફ્રેન્ડલી ક્રિકેટ મેચ મા ન કોઇની હાર અને ન કોઇની જીત આમ બન્ને એક સીકાની બે બાજુ પોલીસ અને પત્રકાર ઇલેવન બન્ને નો જય જયકાર થયો હતો. સમગ્ર કાર્યક્રમ નુ સફળ સંચાલન એલસીબી પીઆઇ અરવિંદસિંહ જાડેજા તથા ટીમે કરેલ હતુ.
