70મો નેશનલ એવોર્ડ વિજેતા રિષભ શેટ્ટીની ‘કાંતારા’ને દર્શકોનો અપ્રતિમ પ્રતિસાદ મળ્યો છે અને ક્રિટિક્સ દ્વારા પણ ખૂબ વખાણ થયા છે ત્યારે ફેન્સ ‘કાંતારા 2’ની આતુરતાથી રાહ જોઈ રહ્યા છે.
રિષભ શેટ્ટી એ ‘કાંતારા 2’નુ ટીઝર રીલીઝ કરીને ફેન્સની આતુરતાનો અંત લાવ્યો છે. ટીઝરમાં રિષભ શેટ્ટીનો દમદાર અવતાર સામે આવ્યો છે. રુદ્રાક્ષ પહેરીને હાથમાં ત્રિશુળ લઈને લોહીમાં લથપથ તેઓ નજરે આવી રહ્યા છે. ટીઝરના સંવાદો પણ લોકોને પસંદ આવી રહ્યા છે.
- Advertisement -
‘કાંતારા’ના સંવાદો પણ વખણાયા
ટીઝરની શરૂઆત જ દમદાર ડાયલોગથી થાય છે અને બેકગ્રાઉન્ડમાં ધૂંધળી તસવીર દેખાય છે જેમાં રિષભ શેટ્ટી હાથમાં મશાલ લઈને ઉભેલા છે અને બીજા એક્ટર શિવ રૂપમાં નજરે આવે છે તેમના હાથમાં ત્રિશુળ છે અને રુદ્રાક્ષ પહેરેલો છે અને તેઓ લોહીથી લથપથ છે, જેવા તે બંને આગળ વધે છે તેવો પાછળથી અવાજ આવે છે કે, “પ્રકાશ! પ્રકાશમે સબ કુછ દિખાઈ દેતા હૈ, લેકિન યહ પ્રકાશ નહીં હૈ, યહ એક દર્શન હૈ..!” ટીઝરના સંવાદોને પણ લોકોમાં વધારે ઉત્સુકતા જગાવી રહ્યું છે.
- Advertisement -
કાંતારા એ લીજેન્ડ ચેપ્ટર-1 2025માં થશે રીલીઝ
રિષભ શેટ્ટી લિખિત અને નિર્દેશિત ‘કાંતારા- અ લીજેન્ડ ચેપ્ટર-1’ 2 ઓકટોબર 2025ના ગાંધી જયંતિના દિવસે રીલીઝ થશે. ‘કાંતારા’ એ આ ફિલ્મની પ્રિક્વલ હતી અને તેના માટે રિષભ શેટ્ટીને ઘણા એવોર્ડસ પણ મળ્યા છે અને ફેન્સ ક્યારના તેના બીજા ભાગ માટે રાહ જોઈ રહ્યા છે. રિષભ શેટ્ટીની કાંતારા સૌથી વધારે કમાણી કરવાવાળી ફિલ્મોમાંથી એક હતી. કાંતારાએ વર્લ્ડ વાઈડ 406.75 કરોડનો બિઝનેસ કર્યો હતો.
