ત્રણ વાહન સહિત 46 લાખનો મુદ્દામાલ કબજે
ખાસ-ખબર ન્યૂઝ ગોંડલ
રાજકોટ ગ્રામ્ય પોલીસે ગોંડલની જામવાડી પાસે દરોડો પાડી 519 પેટી દારૂ સાથે બે શખ્સોને દબોચી લઈ 46 લાખનો મુદામાલ કબજે કર્યો છે. દિવાળીના શુભ દિવસે જ ગ્રામ્ય પોલીસે ગોંડલ પંથકમાં દરોડો પાડી દારૂનો મોટો જથ્થો જપ્ત કર્યો છે ગોંડલ જામવાડી પાસે વડવાળા હોટલની પાછળ દારૂનું કટિંગ થતું હોવાની માહિતી આધારે ગ્રામ્ય એલસીબી પીઆઇ વી વી ઓડેદરા અને પીએસઆઈ ભાનુભાઇ મિયાત્રા, અનિલભાઈ ગુજરાતી, ભગીરથસિંહ જાડેજા, મહિપાલસિંહ ચુડાસમા, વાઘાભાઈ આલ, જયવીરસિંહ રાણા, પ્રહલાદસિંહ રાઠોડ સહિતના સ્ટાફે દરોડો પાડી 519 પેટી દારૂનો જથ્થો ઝડપી પાડ્યો હતો પોલીસે મૂળ ઓરિસ્સાના હાલ રાજકોટ રહેતા શંભુનાથ બારીક દિનબંધુ બારીક અને મૂળ પશ્ચિમ બંગાળના અને હાલ રાજકોટ રહેતા પુલિન પત્રા અનંતા પત્રાની ધરપકડ કરી હતી પોલીસે 6228 બોટલ દારૂ, ત્રણ વાહનો, બે મોબાઈલ, રોકડ સહિત કુલ 46 લાખનો મુદ્દામાલ કબજે કર્યો હતો.
