હરણીકાંડ બાદ શાળાના પ્રવાસ માટે 3 દિવસમાં નવી ગાઈડલાઈન જાહેર કરાશે

શાળાના પ્રવાસ માટે નવી ગાઈડલાઈન જાહેર કરવામાં આવશે. જેમાં આગામી ત્રણ દિવસોમાં નવા નિયમો સરકાર દ્વારા જાહેર કરવામાં આવશે. હરણીકાંડ બાદ પ્રવાસ પર રોક મુકવા છતા અમુક શાળાઓ દ્વારા પ્રવાસ કરાવવામાં આવ્યા છે. ત્યારે અન્ય કોઇ ઘટના ન ઘટે તેને લઇ શિક્ષણ વિભાગ દ્વારા સરકારને ગાઇડલાઇન સોંપવામાં આવી છે.

થોડા મહિનાઓ પહેલા રાજકોટમાં થયેલ અગ્નિકાંડને લઇ સરકાર દ્વારા શાળાઓના પ્રવાસ પર રોક લગાવી દેવામાં આવી હતી. પરંતુ રાજ્યની ઘણી શાળાઓ દ્વારા સરકારના આ નિર્ણયનું ઉલ્લંઘન કરીને પ્રવાસ ગોઠવવામાં આવ્યા હતા. ત્યારે શાળાઓની મનમાનીના કારણે શિક્ષણ વિભાગે પ્રવાસના નિયમોમાં ફેરફાર કર્યા છે.

નવી ગાઈડલાઈન

શાળાઓમાં થતા પ્રવાસ આયોજનને લઈને ટૂંક સમયમાં નવા નિયમો સરકાર દ્વારા લાગુ કરવામાં આવશે. કારણ કે શિક્ષણવિભાગે નવી ગાઈડલાઈન તૈયાર કરી દીધી છે. ઉપરાંત શિક્ષણવિભાગે તૈયાર કરેલી નવી ગાઈડલાઈન રાજ્ય સરકારને સોંપી દેવાઈ છે. ત્યારે રાજ્ય સરકાર આ નિયમોનો અભ્યાસ કરીને આગામી ત્રણ દિવસમાં નવા નિયમો સાથે પ્રવાસ માટેના નવા નિયમોને જાહેર કરવામાં આવે તેવી પ્રબળ શક્યતા છે.

મહત્વનું છે કે વડોદરામાં હરણીબોટકાંડ પછી રાજ્યની સ્કૂલોમાં પ્રવાસ આયોજન પર પ્રતિબંધન મુકવામાં આવ્યો હતો. જો કે આ દરમિયાન અનેક શાળાઓએ નિયમોનું અનાદર કરીને પ્રવાસ ગોઠવ્યા હતા. શાળાઓની મનમાનીને લઈને શિક્ષણવિભાગે પ્રવાસના નિયમોમાં ફેરફાર કર્યા છે. નવી ગાઈડલાઈન મુજબ જો નિયમનું ઉલ્લંઘન કરાશે તો, શાળાની એનઓસી રદ કરવા સુધીની કાર્યવાહી થાય તેવી જોગવાઈ હોવાની ચર્ચા જોવા મળી હતી.