ખાસ-ખબર ન્યૂઝ નવી દિલ્હી, તા.4
ભારતમાં સૌથી વધારે લોકસભાની સીટ ઘરાવતા ઉત્તર પ્રદેશથી દિલ્લીની સત્તાનો માર્ગ છે ત્યારે ઉત્તર પ્રદેશ 80 લોકસભા સીટો પર સૌની નજર છે. છેલ્લી બે સામાન્ય ચૂંટણીઓમાં ભાજપે એકતરફી પ્રદર્શન રહ્યું હતું. 2014માં ભાજપે 71 બેઠકો જીતી હતી, જ્યારે 2019માં 78 બેઠકો જીતી હતી.
ઉત્તર પ્રદેશની કન્નૌજ લોકસભા સીટ પર સમાજવાદી પાર્ટીના વડા અખિલેશ યાદવ આગળ 99466 મતોથી આગળ ચાલી રહ્યા છે. અખિલેશ યાદવને અત્યાર સુધીમાં 3,73,985 મત મળ્યા છે. અખિલેશ યાદવ આ સીટ પર 99,466 વોટથી આગળ છે
અમેઠી લોકસભા સીટ પર કોંગ્રેસના ઉમેદવાર કિશોરી લાલ શર્મા લગભગ 96 હજાર મતોના અંતરથી આગળ છે. ભાજપના ઉમેદવાર સ્મૃતિ ઈરાનીને અત્યાર સુધીમાં 2,46,182 મત મળ્યા છે જ્યારે કોંગ્રેસના ઉમેદવાર કિશોરી લાલ શર્માને 3,43,131 વોટ મળ્યા છે. અત્યાર સુધીના આંકડાઓ મુજબ અખિલેશ યાદવ ની પાર્ટી સમાજવાદી પાર્ટી 35 બેઠકો પર, ભાજપ 34, કોંગ્રેસ સાત, છકઉ બે, અજઙઊંછ અને અઉઅક એક-એક બેઠક પર આગળ છે. સમાજવાદી પાર્ટી અને ભાજપ વચ્ચે કાંટાની ટક્કર જોવા મળી રહી છે. કોંગ્રેસ હાલ સહારનપુર, અમરોહા, સીતાપુર, રાય બરેલી, અમેઠી, ઈલાહાબાદ અને બારાબંકી બેઠક પર આગળ ચાલી રહી છે.
- Advertisement -
કોંગ્રેસ સાત બેઠક પર આગળ
સહારનપુરમાં ઈમરાન મસૂદ, અમરોહામાં કુંવર દાનિશ અલી, સીતાપુરમાં રાકેશ રાઠોડ, રાયબરેલીમાં રાહુલ ગાંધી, અમેઠીમાં કિશોરી લાલ, અલ્હાબાદમાં ઉજ્જવલ રમણ સિંહ અને બારાબંકી સીટ પર તનુજ પુનિયા આગળ ચાલી રહ્યા છે.