સ્ટેટ બેન્ક, યુનિયન બેન્ક, બેન્ક ઓફ બરોડા તથા PGVCLના અધિકારી-કર્મીઓ ઉપસ્થિત રહ્યા
ખાસ-ખબર ન્યૂઝ જૂનાગઢ, તા.11
- Advertisement -
વિસાવદર કોર્ટ બિલ્ડીંગ ખાતે કોર્ટના મુખ્ય ન્યાયાધીશ અને તાલુકા કાનુની સેવા સમિતિના ચેરમેન એસ.એસ.ત્રિવેદીના માર્ગદર્શન હેઠળ અને અધિક જિલ્લા ન્યાયાધીશ જે.એલ.શ્રીમાળીની ઉપસ્થિતીમાં નેશનલ લોક અદાલતનું આયોજન કરવામાં આવેલ હતું.
લોક અદાલતમાં લીટીગેશન અને પ્રિલિટીગેશન સહિતના કુલ રૂ.2 કરોડ વધુના 309 કેસોમાં પક્ષકારો હાજર રહેલા હતા અને 309 કેસોનો સુખદ નિકાલ થતાં લોક અદાલતનું 100% પરિણામ પ્રાપ્ત થયુ હતું. જેમાં સ્પેશિયલ સિટિંગમાં કુલ- 64 કેસમાં રૂ. 12,800નો દંડ વસુલ લેવામાં આવેલ હતો. જેમાં ચાલુ 248 કેસોનો નિકાલ કરવામાં આવેલ તથા 61 પ્રિલિટીગેશન કેસો મળી કુલ 309 કેસોનો ઐતિહાસિક ન્યાયિક નિકાલ કરતા વિસાવદર કોર્ટમાં લોક અદાલતનું ઐતિહાસિક રેકોર્ડબ્રેક પરિણામ આવ્યું હતું આ તકે બાર એસો.ના પ્રમુખ રમેશ ધાધલ, સીરાજભાઈ માડકીયા, વિજય જેઠવા,સિનિયર ધારાશાસ્ત્રી દિનેશભાઇ શાહ, નયનભાઇ જોશી, અશ્વિનભાઈદુધરેજીયા, સમીરભાઈપટેલ, કમલેશભાઈજોશી, યુ.બી.દાહીમાં, એચ.કે.સાવલિયા તથા સ્ટેટ બેન્ક, યુનિયન બેન્ક, બેન્ક ઓફ બરોડા તથા પી.જી.વી.સી.એલની જુદી જુદી કચેરીઓના અધિકારીઓ તથા સ્ટાફ મોટી સંખ્યામાં ઉપસ્થિત રહ્યા હતા.
