જસદણ, ગોંડલ, જામકંડોરણા, ઉપલેટા, ભાડલામાં જુગાર રમતા 27 પકડાયા
ખાસ-ખબર સંવાદદાતા
ગોંડલ તાલુકાના કમરકોટડા ગામે વાડીમાં ચાલતી ઘોડીપાસાની ક્લબ ઉપર ગ્રામય એલસીબીએ દરોડો પાડી 28 લોકોને 53 લાખના મુદામાલ સાથે પકડી લીધાની ઘટનાના ઘેરા પ્રત્યાઘાતો પડ્યા ચએ રેન્જ આઇજી અશોક યાદવએ તાત્કાલિક અસરથી સુલતાનપૂર પીએસઆઈ ડી પી ઝાલાને સસ્પેન્ડ કરવાનો હુકમ કરતાં પોલીસબેડામાં ચકચાર મચી જવા પામી છે ત્યારે આ પ્રકરણને લઈને સ્થાનિક પોલીસ દોડતી થઈ ગઈ હોય તેમ જિલ્લાભરમાં જુગારના કેસો કરવામાં આવી રહ્યા છે જસદણ, ગોંડલ, જામકંડોરણા, ઉપલેટા, ભાડલામાં જુગારની રેઇડ કરી 27 જુગારીઓને પકડી પાડવામાં આવ્યા છે.
જસદણ પોલીસે લીલાપુર ગામની સીમમાં ધનજી રવજી રામાણીની વાડીમાં દરોડો પાડી વાડી માલીક ધનજી રામાણી સહીત સંજય મોહનદાસ દેસાણી, મહેન્દ્રગીરી શંકરગીરી ગોસાઈ, જીજ્ઞેશ લાખા રામાણીને પકડી પાડી 4 મોબાઈલ ફોન સહિત કુલ રૂા.1,05,600 મુદામાલ કબ્જે કર્યો હતો ગોંડલ તાલુકા પોલીસે આંબરડી ગામમાં આવેલ ગોવિંદ લખમણ મકવાણાની વાડી પાસે દરોડો પાડી ગોવિંદ લખમણ મકવાણા, વલ્લભ નાગજી ભુવા, કલ્પેશ ઉર્ફે હકાભાઈ ગીરધરભાઈ સોજીત્રા, સુજીત મનજી રામાણી, જમન ચના ભુવા, ગીરીરાજસિંહ જીલુભા જાડેજા, ગોપાલ ઉર્ફે ગોપીભાઈ હરગોવિંદ સાયરાને પકડી પાડી રોકડ 30630 કબ્જે કરી ગુન્હો નોંધ્યો હતો જામકંડોરણા પોલીસે સોડવદર ગામે ઝાંઝમેર જવાના રસ્તે પ્યાસા પાન એન્ડ કોલ્ડ્રીંકસ નામની દુકાનની બાજુમાં દરોડો પાડી પતા ટીંચતા હિંમત બચુ સોલંકી મુન્ના ઉર્ફે મનુભાઈ ધમાભાઈ ફતેહપુરા, અર્જુન ઉર્ફે હકુ રીયાભાઈ ઢાપા, લખમણ ગોબર ઢાપાને પકડી પાડી રોકડ 10280 કબ્જે કર્યા હતા ઉપલેટા પોલીસે પંચહાટડી ચોક પાસે જાહેરમાં વરલી ફિચર આંકડાનો જુગાર રમતા ઈમરાન મોહમદ હનીફ કાદરી, આદમ હાજી મંદરાને પકડી પાડી કુલ 2380નો મુદામાલ કબ્જે કર્યો છે જયારે ભાડલા પોલીસે દહીસરા ગામની સીમમાં પરબત બાબુ સોસાની વાડીના મકાનમાં દરોડો પાડી વાડી માલીક પરબત બાબુ સોસા સહિત જગદીશ ધીરૂ કુકડીયા, હકાભાઈ ગાંડાભાઈ વેજીયા, મહેશ ધનજી રામાણી, ભાવેશ વસંત મેણીયા, મનુ ગોકળ મેણીયા, હરેશ ધનજી કુકડીયા, રમેશ સગરામ ગોહિલ, અરવિંદ મેરામ હદાણીને પકડી પાડી 24860નો મુદામાલ કબ્જે કર્યો હતો તેમજ બીજા દરોડામાં ભાડલાના કનેસરા ગામ પાણીના ટાંકા પાસે જાહેરમાં વરલી ફિચર આંકડાનો જુગાર રમતો દીનેશ ઉર્ફે બાઠો સુરાભાઈ કુંકડીયાને પકડી પાડી 250 કબ્જે કરી પોલીસે ગુન્હો નોંધી કાર્યવાહી હાથ ધરી હતી.
