દોઢ દાયકા બાદ 150 ફૂટ રિંગ રોડનો 10 કિમીનો માર્ગ રી-ડિઝાઈન કરાશે
ન્યારી ફિલ્ટર પ્લાન્ટમાં વધુ 25 MLDનો પ્લાન્ટ બનાવાશે
ખાસ-ખબર ન્યૂઝ રાજકોટ
- Advertisement -
રાજકોટ મહાનગર પાલિકાની આજે સ્ટેન્ડિંગ કમિટીની બેઠક મળી હતી જેમાં કુલ 116 કરોડની અલગ અલગ 76 દરખાસ્તોને મંજૂરી આપવામાં આવી છે. મુખ્યત્વે રાજકોટમાં ન્યારી ડેમ અંતર્ગત વધુ એક 25 ખકઉનો નવો ફિલ્ટર પ્લાન્ટ બનાવવા માટેની દરખાસ્ત મંજુર કરવામાં આવી છે. જેના થકી નવા રાજકોટના 2 લાખ જેટલા લોકોને પાણી ઉપયોગી થશે. આ ઉપરાંત દોઢ દાયકા પહેલા બનેલા રાજકોટના હાર્દ સમા 150 ફૂટ રિંગરોડ પર માધાપર ચોકથી ગોંડલ ચોકડી સુધીના 10.5 કિલોમીટરના માર્ગને રી-ડિઝાઇન કરવા દરખાસ્ત મંજુર કરવામાં આવી છે આ માટે સુરતની સરકારી સંસ્થાને સલાહકાર તરીકે રોકવા અને સંપૂર્ણ રીપોર્ટ તૈયાર કરવા દરખાસ્ત મંજુર કરવામાં આવી છે. ઉલ્લેખનીય છે કે આ સંસ્થા દ્વારા અમદાવાદના સરખેજ ગાંધીનગર રોડ, જઙ રિંગ રોડ, સીંધુંભવન રોડ જેવા રસ્તાની ડિઝાઇન તૈયાર કરી છે જેમના દ્વારા અભ્યાસ કરી બાદમાં રાજકોટના 150 ફૂટ રિંગરોડ પર સર્વે કરી બાદમાં 10.7 કિલોમીટરના માર્ગ પર રી-ડિઝાઇન તૈયાર કરવામાં આવશે.
આજે રાજકોટ મહાનગર પાલિકાની સ્ટેન્ડિંગ કમિટીની બેઠક મળી હતી આ બેઠકમાં કુલ 76 દરખાસ્તો આવી હતી જેનો અભ્યાસ કરવામાં આવ્યા બાદ ચર્ચા વિચારણા કરી અંતે 116 કરોડથી વધુ કિંમતની તમામ 76 દરખાસ્તો મંજુર કરવામાં આવી હતી. મુખ્યત્વે આજે રાજકોટમાં જે દરખાસ્તો મંજુર કરવામાં આવી તે પૈકી એક એવી દરખાસ્ત કે જેમાં શાક માર્કેટ, ફ્લાવર માર્કેટ, અને ખડપીઠમાં થડા આવેલ છે જેમાં અત્યારસુધી માસિક દર રૂ.500 વસુલવામાં આવતો હતો જેમાં વધ કરી રૂ.1000 લેવા તેમજ સફાઈ ચાર્જ રૂ.500 લેવા માટે કમિશનર દ્વારા દરખાસ્ત આપવામાં આવી હતી જે અંગે સ્ટેન્ડિંગ કમિટીના સભ્યો દ્વારા સંકલન સમિતિમાં ચર્ચા કરી બાદમાં માસિક ચાર્જ રૂ.500 યથાવત રાખી સફાઈ માટેનો રૂ.500 દર વસૂલવા દરખાસ્ત ને મંજૂરી આપવામાં આવી છે.
આ ઉપરાંત રાજકોટ શહેરમાં દોઢ દાયકા પહેલા 108 કરોડના ખર્ચે બનેલા 10.07 કિલોમીટરના 150 ફૂટ રિંગરોડ પર રી-ડિઝાઇન માટે સુરતની સરકારી સંસ્થાને સર્વે કરવા કામ સોંપવા દરખાસ્ત મુકવામાં આવી હતી જેને પણ મંજૂરી આપવામાં આવી છે. આ સંસ્થા દ્વારા માધાપર ચોકથી ગોંડલ ચોક સુધીના રસ્તામા ક્યાં રસ્તો પહોળો કરવાની જરૂર છે, ક્યાં પાણી ભરાઈ છે, ક્યાં સાયકલ ટ્રેકની જરૂર છે ક્યાં સર્વિસ રોડમાં ફેરફાર કરવો સહિતનો અભ્યાસ કરી રોડની રી-ડિઝાઇન સર્વે કરવામાં આવશે અને રિપોર્ટ તૈયાર કરી સુપ્રત કરવામાં આવશે. આ માટે 1 કિલોમીટરના સર્વેના 9 લાખ રૂપિયા ચાર્જ હોય છે અને જેમ કામગીરી થતી જાય એમ તબક્કા વાર પેમેન્ટ કરવાનું રહેતું હોય છે. ઉલ્લેખનીય છે કે વર્ષ 2009-10માં રાજકોટનો પહેલો 150 ફુટનો રીંગ રોડ બન્યો હતો. આ સમયથી આ રોડ સરકારી ચોપડે બાયપાસ હોય, ટ્રાવેલની બસો, ટ્રક સહિતના ભારે વાહનો પસાર થાય છે. આ બાદ 10.7 કિ.મી.નો વિશાળ સિમેન્ટ ટ્રેક સાથેનો બીઆરટીએસ રૂટ બનાવવામાં આવ્યો હતો. જે તે સમયે 108 કરોડનો ખર્ચ કરવામાં આવ્યો હતો.
