ICC T20 ઈન્ટરનેશનલ ટીમ ઓફ ધ યરની આ ટીમમાં પૂર્વ કેપ્ટન વિરાટ કોહલીને પણ સ્થાન મળ્યું છે. ટીમમાં જગ્યા મળતાની સાથે જ કોહલીએ એક ખાસ રેકોર્ડ તેના નામે કરી લીધો છે.
ઇન્ટરનેશનલ ક્રિકેટ કાઉન્સિલ (ICC) દ્વારા વર્ષ 2022ના એવોર્ડસ માટે જાહેરાત કરવાની શરૂઆત થઈ ગઈ છે. જણાવી દઈએ કે સોમવારે સૌથી પહેલા ICC T20 ઈન્ટરનેશનલ ટીમ ઓફ ધ યરની જાહેરાત કરવામાં આવી હતી જેમાં ટીમ ઈન્ડિયાનો દબદબો જોવા મળ્યો હતો. ICC T20 ઈન્ટરનેશનલ ટીમ ઓફ ધ યરની આ ટીમમાં ત્રણ ભારતીય ખેલાડીઓને સ્થાન મળ્યું છે જેમાં ટીમ ઈન્ડિયાના પૂર્વ કેપ્ટન વિરાટ કોહલીને પણ સ્થાન મળ્યું છે. ટીમમાં જગ્યા મળતાની સાથે જ કોહલીએ એક ખાસ રેકોર્ડ તેના નામે કરી લીધો છે.
- Advertisement -
વિરાટ કોહલી હવે આઇસીસીની વનડે, ટેસ્ટ અને ટી-20 ટીમ ઓફ ધ યરમાં શામેલ થવાવાળા દુનિયાના પહેલા ક્રિકેટર બની ગયા છે. આ પહેલા વિરાટ કોહલીને બે વખત ટેસ્ટ ટીમ ઓફ ધ યરમાં જગ્યા મળી ચૂકી છે. આ સાથે જ તેને ODI ફોર્મેટ માટે છ વખત આ સિદ્ધિ મેળવી છે. તેનો મતલબ કે વિશ્વના અન્ય કોઈ ક્રિકેટરે આ નથી કરી બતાવ્યું જે કિંગ કોહલીએ કર્યું છે.
આઈસીસી ટીમોમાં અત્યાર સુધી વિરાટ કોહલી
ICC ODI ટીમ ઓફ ધ યર: 2012, 2014, 2016 (કેપ્ટન), 2017 (કેપ્ટન), 2018 (કેપ્ટન), 2019 (કેપ્ટન).
ICC ટેસ્ટ ટીમ ઓફ ધ યર: 2017 (કેપ્ટન), 2018 (કેપ્ટન), 2019 (કેપ્ટન).
ICC T20 ટીમ ઓફ ધ યર: 2022
The ICC Men's T20I Team of the Year 2022 is here 👀
- Advertisement -
Is your favourite player in the XI? #ICCAwards
— ICC (@ICC) January 23, 2023
એશિયા કપમાં કોહલીએ કર્યું હતું શાનદાર પ્રદર્શન
આપણે બધા જાણીએ છીએ કે કોહલી એશિયા કપ 2022માં તેના જૂના ફૉર્મમાં જોવા મળ્યો હતો અને તે ટૂર્નામેન્ટમાં કોહલીએ અફઘાનિસ્તાન સામેની મેચમાં સદી ફટકારીને લગભગ ત્રણ વર્ષની રાહનો અંત આણ્યો હતો. સાથે જ ટી20 ઈન્ટરનેશનલમાં કોહલીની આ પહેલી સદી પણ હતી. જણાવી દઈએ કે એશિયા કપ 2022માં કોહલીએ પાંચ મેચમાં 276 રન સાથે ટુર્નામેન્ટનો બીજો સૌથી વધુ રન બનાવનાર ખેલાડી બન્યો હતો. કોહલીએ T20 વર્લ્ડ કપમાં પણ તેનું શાનદાર પ્રદર્શન દર્શાવ્યું હતું. પાકિસ્તાન સામેની મેચમાં કોહલીની અણનમ 82 રનની ઇનિંગ રમી હતી, આ સાથે જ T20 વર્લ્ડ કપ 2022માં કોહલી સૌથી વધુ 296 રન બનાવનાર બેટ્સમેન બન્યો હતો. જણાવી દઈએ કે કોહલીએ બાંગ્લાદેશ અને શ્રીલંકા સામેની સીરિઝમાં પણ બે સદી ફટકારી હતી.
સૂર્યા-હાર્દિકનો પણ T20 ટીમમાં સમાવેશ
વિરાટ કોહલી ઉપરાંત સૂર્યકુમાર યાદવ અને હાર્દિક પંડ્યાને પણ T20 ટીમમાં સ્થાન મળ્યું છે. સૂર્યકુમાર યાદવ ગયા વર્ષે T20 ઈન્ટરનેશનલમાં સૌથી વધુ રન બનાવનાર બેટ્સમેન હતા. જ્યારે હાર્દિક પંડ્યાએ પોતાની ઓલરાઉન્ડ રમતથી બધાને પ્રભાવિત કર્યા હતા. ન્યૂઝીલેન્ડ સામેની ટી20 સીરીઝમાં હાર્દિક ટીમ ઈન્ડિયાની કેપ્ટનશીપ કરવા જઈ રહ્યો છે, જ્યારે સૂર્યાને વાઇસ કેપ્ટનની જવાબદારી સોંપવામાં આવી છે.
ICC T20 ઈન્ટરનેશનલ ટીમ ઓફ ધ યરમાં ટીમ ઇન્ડિયાનો દબદબો
ICC દ્વારા વર્ષ 2022 માટેના જાહેર કરવામાં આવેલ ICC T20 ઈન્ટરનેશનલ ટીમ ઓફ ધ યરમાં T20 ટીમમાં સ્થાન મેળવનારા ટીમ ઈન્ડિયાના ખેલાડીઓમાં સૂર્યકુમાર યાદવ સહિત વિરાટ કોહલી અને હાર્દિક પંડ્યાનું નામ પણ શામેલ છે. જો કે ICC દ્વારા આ ટીમની કમાન જોસ બટલરને સોંપવામાં આવી છે. જણાવી દઈએ કે જોસ બટલરના નેતૃત્વમાં ઇંગ્લેન્ડે T20 વર્લ્ડ કપ જીત્યો હતો.
ICC મેન્સ T20 ઇન્ટરનેશનલ ટીમ ઑફ ધ યર 2022
1. જોસ બટલર (કેપ્ટન, વિકેટકીપર) (ઇંગ્લેન્ડ)
2. મોહમ્મદ રિઝવાન (પાકિસ્તાન)
3. વિરાટ કોહલી (ભારત)
4. સૂર્યકુમાર યાદવ (ભારત)
5. ગ્લેન ફિલિપ્સ (ન્યુઝીલેન્ડ)
6. સિકંદર રઝા (ઝિમ્બાબ્વે)
7. હાર્દિક પંડ્યા (ભારત)
8. સેમ કુરન (ઈંગ્લેન્ડ)
9. વાનિન્દુ હસરાંગા (શ્રીલંકા)
10. હરિસ રૌફ (પાકિસ્તાન)
11. જોશ લિટલ (આયર્લેન્ડ)
