યમુના એક્સપ્રેસ પર ગંભીર અકસ્માત, 5 ની મૃત્યુ અને 2 ઇજાગ્રસ્ત

– ઉત્તર પ્રદેશના મુખ્યમંત્રી યોગી આદિત્યનાથએ આ રોડ દુર્ઘટનામાં 5 લોકોના મૃત્યુ પર દુ:ખ વ્યક્ત કર્યુ છે.

ઉત્તર પ્રદેશના ગ્રેટર નોઇડામાં ગુરૂવારના સવારે થયેલા એક ગંભીર એક્સિડેન્ટમાં 5 લોકોની ઘટનાસ્થળે મૃત્યુ થઇ ગઇ છે. મૃતકોમાં 4 મહિલાઓનો સમાવેશ થાય છે. અકસ્માત યમુના એક્સપ્રેસ વે પર થયો, જેમાં 2 લોકો ગંભીર રૂપથી ઇજાગ્રસ્ત થયા છે. ઇજાગ્રસ્તોની સારવાર માટે નજીકના હોસ્પિટલમાં સારવાર માટે દાખલ કરવામાં આવ્યા છે.

પોલીસએ આપેલી જાણકારી મુજબ, ગાડી આગ્રાથી નોઇડા જઇ રહી હતી. અકસ્માત જેવર ટોલ પ્લાઝા પહેલા 40 કિલોમીટર સ્પીડથી પસાર થઇ છે. અકસ્માત સવારે 5 વાગ્યાની આસપાસ થયો. બોલેરી ગાડી ટ્ર્કમાં પાછળથી અથડાય. જેમાં ગાડીમાં બેઠેલા 7 લોકોમાંથી 5ના તો ઘટનાસ્થળે જ મૃત્યુ થઇ ગયા. અકસ્માતમાં ઘાયલ થયેલા લોકોને જેવરના નજીકની કૈલાશ હોસ્પિટલમાં સારવાર માટે મોકલવામાં આવ્યા. પોલીસએ ટ્રકને જપ્ત કરી લીધો.

અકસ્માતમાં મૃત્યુ પામનાર 4 લોકો મહારાષ્ટ્રના પુણેના બારામતીના, જ્યારે 1 મહિલા કર્નાટકના બેલગામના રહેવાસી હતા. ઉત્તર પ્રદેશના મુખ્યમંત્રી યોગી આદિત્યનાથએ આ રોડ દુર્ઘટનામાં 5 લોકોના મૃત્યુ પર દુ:ખ વ્યક્ત કર્યુ છે. તેમણે મૃતકોના પરિવારને શાંતવના પાઠવી છે. તેમજ અકસ્માતમાં ઇજાગ્રસ્ત લોકોને યોગ્ય સારવાર મળી રહે તેવા આદેશ આપ્યા છે.