ગોવાથી 8748 દારૂની બોટલ ભરીને રાજસ્થાની ટ્રક ચાલક રાજકોટ પહોંચે તે પહેલાં જ નવસારી પાસે પકડાયો
રૂ.1.30 કરોડનો મુદ્દામાલ કબ્જે, નવસારી એલસીબી ટીમને મળી સફળતા
ખાસ-ખબર ન્યૂઝ રાજકોટ
- Advertisement -
દારૂની હેરાફેરી બેરોકટોક થાય છે તે ફલિત થતું રહ્યું છે ત્યારે રાજકોટ આવતો રૂ. 1.04 કરોડનો વિદેશી દારૂ ભરેલો ટ્રક નવસારીથી પકડયો છે. નવસારી એલસીબી ટીમે બાતમીના આધારે ગોઠવેલી વોચ દરમિયાન શંકાસ્પદ ટ્રકને અટકાવી તપાસ કરતા પૂઠાના બોક્સમાં છુપાવેલો 729 પેટી દારૂ મળી આવ્યો હતો.
પોલીસે દારૂની 8748 બોટલ, ટ્રક, રોકડ, મોબાઈલ મળી કુલ રૂ. 1.30 કરોડનો મુદ્દામાલ કબ્જે ચાલકની ધરપકડ કરી છે. દારૂ મંગાવનાર અને મોકલનાર સહીતના શખ્સોની શોધખોળ શરૂ કરવામાં આવી છે.
દરોડાની વિગત મુજબ, નવસારી પોલીસને બાતમી મળી હતી કે, એક ક્ધટેનર ટ્રકમાં ગોવાથી ઈંગ્લીશ દારૂનો જથ્થો ભરી નેશનલ હાઈવે નં.48 ઉપર વલસાડથી ચીખલી વાયા નવસારી થઈ સુરત તરફ જનાર છે. જે બાતમીના આધારે નવસારીની હદમાં નેશનલ હાઈવે નંબર 48 મુંબઈ થી અમદાવાદ જતા રોડ ઉપર વોચ ગોઠવી ક્ધટેનર ટ્રકને ઝડપી પાડયો હતો. પોલીસે તેમાં તપાસ કરતા 729 પૂઠાના બોક્સમાં ભારતીય બનાવટની વિદેશી દારૂની કુલ 8748 બોટલ જેની કિંમત 1,04,97,600 મળી આવી હતી. જેથી પોલીસે દારૂનો જથ્થો, ક્ધટેનર, એક મોબાઈલ તેમજ આરોપીની અંગઝડતીમાંથી મળી આવેલા રોકડા રૂપિયા 1900 સહીત કુલ 1,30,40, 500 રૂપિયાનો મુદામાલ જપ્ત કર્યો હતો. આ ઘટનામાં પોલીસે રાજસ્થાનના વતની ડુંગરસિહ પ્રતાપસિંહ ચૌહાણ (ઉ.46) નામના ટ્રક ચાલક ઝડપી પાડ્યો છે. જયારે આ ઘટનામાં સુરેન્દ્ર હજારીસિંગ રાજપૂત અને સતુભાઇ ઉર્ફે બાપુ ઉર્ફે બુઢોને વોન્ટેડ જાહેર કરી.
આ મામલે કાયદેસરની કાર્યવાહી હાથ ધરી હતી. ઉલ્લેખનીય બાબત છે કે, પોલીસે ચાલકની પૂછપરછ કરતા દારૂનો જથ્થો રાજકોટ લઈને આવવાનો હતો તેવું જણાવ્યું હતું.
