સલમાનને મારી નાખવાની ધમકી: પાંચ કરોડની માંગણી

‘સલમાન ખાનના હાલ બાબા સિદ્દીકીથી પણ ખરાબ થશે’: મુંબઇ ટ્રાફિક પોલીસને સલમાનના નામનો ધમકીભર્યો મેસેજ મળ્યો: મેસેજ કરનારે ખુદને લોરેન્સ બિશ્ર્નોઈ ગેંગનો નજીકનો ગણાવ્યો

સલમાન ખાન સાથે જોડાયેલા લોકોનું માનવું છે કે મામલો વાસ્તવમાં લોકોને જે કહેવામાં આવી રહ્યો છે તેના કરતા મોટો હોઈ શકે છે
ખાસ-ખબર ન્યૂઝ મુંબઈ

મહારાષ્ટ્ર સરકારના પૂર્વ મંત્રી અને નેશનલ કોંગ્રેસ પાર્ટીના નેતા બાબા સિદ્દીકીની હત્યા બાદ દેશભરમાં સનસનાટી મચી ગઈ હતી. શુક્રવારે બાબા સિદ્દીકીના નજીકના ફિલ્મ અભિનેતા સલમાન ખાનને જાનથી મારી નાખવાની ધમકી મળી હતી. તેને ધમકી આપનાર વ્યક્તિએ વોટ્સએપ મેસેજ પર 5 કરોડ રૂપિયાની માંગણી કરી છે.

જો કે પોલીસે આ ધમકી અંગે ખુલાસો કર્યો છે. આ ધમકીમાં કહેવામાં આવ્યું છે કે, આને હળવાશથી ન લો, જો સલમાન ખાન જીવતો રહેવા માંગે છે અને લોરેન્સ બિશ્ર્નોઈ સાથેની દુશ્ર્મની ખતમ કરવા માંગે છે તો તેણે 5 કરોડ રૂપિયા ચૂકવવા પડશે. જો પૈસા નહીં આપવામાં આવે તો સલમાન ખાનની હાલત બાબા સિદ્દીકી કરતા પણ ખરાબ થઈ જશે. બાબા સિદ્દીકીની હત્યા બાદ મુંબઈ પોલીસ ઘણી સતર્ક છે. ખાસ કરીને અભિનેતા સલમાન ખાનને લઈને. તેને બાબા સિદ્દીકીના પરિવારની ખૂબ નજીક માનવામાં આવે છે અને ઘણીવાર તેને જાનથી મારી નાખવાની ધમકીઓ મળે છે. શુક્રવારે સવારે જ્યારે તેને વોટ્સએપ મેસેજ પર ધમકી મળી ત્યારે પોલીસે તરત જ કોલ ઈન્ટરસેપ્ટ કર્યો હતો. તેણે કહ્યું કે આ વોટ્સએપ મેસેજ ન તો લોરેન્સ બિશ્ર્નોઈ દ્વારા મોકલવામાં આવ્યો હતો કે ન તો કોઈ ગેંગસ્ટર દ્વારા. તે એક ટીખળ વોટ્સએપ મેસેજ હતો. પોલીસે કહ્યું કે આ કોઈની ટીખળ હતી.

મુંબઈ પોલીસે ધમકીભર્યો વોટ્સએપ મેસેજ મોકલનાર વ્યક્તિની શોધ શરૂ કરી છે. બોલિવૂડ સ્ટારને છેલ્લા કેટલાક મહિનાઓથી જાનથી મારી નાખવાની ધમકીઓ મળી રહી છે. વાસ્તવમાં મહારાષ્ટ્રના પૂર્વ મંત્રી અને ગઈઙ નેતા બાબા સિદ્દીકીની હત્યા બાદ તેમની સુરક્ષા પણ વધારી દેવામાં આવી છે. બાબા સિદ્દીકીની 12 ઓક્ટોબરે ત્રણ લોકોએ ગોળી મારીને હત્યા કરી હતી. સિદ્દીકીની હત્યાના સંબંધમાં અત્યાર સુધીમાં ચાર લોકોની ધરપકડ કરવામાં આવી છે, જ્યારે અન્ય હજુ પણ ફરાર છે. બાબા સિદ્દીકીની હત્યાના કેસમાં તપાસ કરવામાં આવી રહેલી લોરેન્સ બિશ્ર્નોઈ ગેંગનું સીધું કનેક્શન છે. ગેંગસ્ટર લોરેન્સ બિશ્ર્નોઈએ સોશિયલ મીડિયા પર પોસ્ટ જારી કરી હતી.

સલમાન ખાન સાથે સંબંધિત એક સૂત્રએ જણાવ્યું હતું કે અભિનેતાનો પરિવાર અને તેના મિત્રો બહાદુરી બતાવી રહ્યા હોવા છતાં તે અંદરથી ખૂબ જ પરેશાન અને ડરેલા છે. તેઓ એવી આશા પણ સેવી રહ્યા છે કે સરકાર અને પોલીસ આ કેસ સાથે સંબંધિત સાચા ગુનેગારને પકડી લેશે. સલમાન ખાન સાથે જોડાયેલા લોકોનું માનવું છે કે મામલો વાસ્તવમાં લોકોને જે કહેવામાં આવી રહ્યો છે તેના કરતા મોટો હોઈ શકે છે. બાબા સિદ્દીકીની હત્યા અને સલમાન ખાનને મળેલી ધમકી પર સૂત્રએ કહ્યું હતું કે, સ્વાભાવિક રીતે લોરેન્સે આ બધાની જવાબદારી લીધી છે. પરંતુ ઘણાને લાગે છે કે આ બધુ નાટક કોઈ મોટા ષડયંત્રને છુપાવવા માટે કરવામાં આવી રહ્યું છે. શું કોઈ માટે જેલમાંથી આ બધું કરવું આટલું સહેલું છે? વળી, સલમાનને ડરાવવા માટે કોઈ બાબા સિદ્દીકી પર હુમલો કેમ કરશે તે અંગે પણ અનેક સવાલો ઉભા થાય છે. આ વર્ષની શરૂઆતમાં, સલમાને પોલીસને આપેલા પોતાના નિવેદનમાં કહ્યું હતું કે તેને શંકા છે કે લોરેન્સ બિશ્ર્નોઈ ગેંગ તેના ઘરની બહાર તેના પર હુમલો કરે છે અને આ તેને અને તેના પરિવારના લોકોને મારવાના ઈરાદાથી કરવામાં આવ્યું હતું. સલમાનનું નિવેદન પોલીસે આ કેસમાં દાખલ કરેલી ચાર્જશીટનો એક ભાગ છે. સલમાને જણાવ્યું હતું કે જાન્યુઆરી 2024માં બે અજાણ્યા લોકોએ નકલી ઓળખ દ્વારા પનવેલ નજીક તેના ફાર્મહાઉસમાં ઘૂસવાનો પ્રયાસ કર્યો હતો.