પાકિસ્તાનમાં ચેમ્પિયન્સ ટ્રોફી પર આતંકી હુમલાનો ખતરો

ખાસ-ખબર ન્યૂઝ  પાકિસ્તાન, તા.25
પાકિસ્તાન ઇન્ટેલિજન્સ બ્યુરોએ દેશમાં ચાલી રહેલી ચેમ્પિયન્સ ટ્રોફી દરમિયાન આતંકવાદી હુમલાના ખતરાની ચેતવણી જારી કરી છે. ગુપ્ત માહિતી અનુસાર, આતંકવાદી સંગઠન ઇસ્લામિક સ્ટેટ ખોરાસન (ઈંજઈંજ-ઊં) વિદેશી નાગરિકોનું અપહરણ કરવાની યોજના બનાવી રહ્યું છે. આ સંગઠન ટુર્નામેન્ટ જોવા આવતા વિદેશી દર્શકોનું ખંડણી માટે અપહરણ કરી શકે છે.
ઈંજઈંજ-ઊંના સભ્યો એરપોર્ટ, ઓફિસો અને બંદરો તેમજ રહેણાંક સ્થળો પર નજર રાખી રહ્યા છે જ્યાં વિદેશી નાગરિકો સતત આવતા-જતા રહે છે.
આ રિપોર્ટ એવા સમયે આવ્યો છે જ્યારે પાકિસ્તાનમાં આંતરરાષ્ટ્રીય કાર્યક્રમોમાં સુરક્ષા વ્યવસ્થા અંગે પ્રશ્ર્નો ઉભા થઈ રહ્યા છે. આજે રાવલપિંડીમાં રમાઈ રહેલી બાંગ્લાદેશ અને ન્યુઝીલેન્ડ વચ્ચેની મેચ દરમિયાન પાકિસ્તાનના કટ્ટરપંથી પક્ષ તહરીક-એ-લબ્બૈકના એક સમર્થકે મેદાનમાં ઘૂસી ગયો. તેણે તહરીક-એ-લબ્બૈક પાર્ટીના નેતા સાદ રિઝવીનો ફોટો પકડ્યો હતો.
ઈંજઈંજ-ઊં શહેરોની બહારના વિસ્તારમાં મિલકત ભાડે લેવાની યોજના ધરાવે છે. જ્યાં કેમેરા સર્વેલન્સ ન હોય ત્યાં જાણી જોઈને મિલકત ભાડે લો. આ મિલકતો સુધી પહોંચવા માટે પરિવહનનું એકમાત્ર સાધન રિક્ષા અથવા મોટરસાઇકલ હોય. અપહરણ કરાયેલા લોકોને રાત્રિના અંધારામાં આ સલામત ઘરોમાં લઈ જવાય જેથી સુરક્ષાને છેતરવામાં આવે.
અપહરણના કાવતરા અંગે ચેતવણી આપ્યા બાદ તહરીક-એ-તાલિબાન પાકિસ્તાન (ઝઝઙ), ઈંજઈંજ-ઊં અને બલુચિસ્તાનમાં સ્થિત અનેક આતંકવાદી જૂથો સામે ચેતવણી જારી કરવામાં આવી છે.
લાહોર અને રાવલપિંડીમાં યોજાનારી મેચો દરમિયાન 12હજાર પોલીસ કર્મચારીઓ તૈનાત રહેશે. આમાં 18 વરિષ્ઠ અધિકારીઓ, 54 ડીએસપી, 135 નિરીક્ષકો, 1200 ઉચ્ચ ગૌણ અધિકારીઓ, 10556 કોન્સ્ટેબલ અને 200થી વધુ મહિલા પોલીસ અધિકારીઓનો સમાવેશ થશે.
ભારતીય ટીમે પહેલાથી જ પાકિસ્તાન જઈને ચેમ્પિયન્સ ટ્રોફીની કોઈપણ મેચ રમવાનો ઇનકાર કરી દીધો છે. આ કારણે, ભારતની બધી મેચો ઞઅઊ માં યોજાઈ રહી છે. જો ટીમ ઈન્ડિયા સેમિફાઈનલ અને ફાઇનલમાં પહોંચે છે તો વિરોધી ટીમે યુએઈ આવીને મેચ રમવી પડશે.