રામમંદિર દાન ચોરી નૈતિક પતનની પરાકાષ્ઠા : અલ્હાબાદ હાઈકોર્ટે

સરકાર કાયદામાં ફેરફાર કરે જેથી આરોપીઓને મૃત્યુદંડ મળે

રામમંદિરના ચઢાવાની ચોરી પર અલ્હાબાદ હાઈકોર્ટના જજે કહ્યું કે આ ઘટના ભારતીય સમાજના નૈતિક પતનની પરાકાષ્ઠા છે. તેમણે સૂચન કર્યું કે સરકારે કાયદામાં ફેરફાર કરવો જોઈએ જેથી ભ્રષ્ટાચારના આરોપીઓને મૃત્યુદંડ આપી શકાય. હાઈકોર્ટના જસ્ટિસ અતુલ શ્રીધરને આ ટિપ્પણી ત્યારે કરી જ્યારે તેઓ એક કેસમાં બુલડોઝર કાર્યવાહી પર સુનાવણી કરી રહ્યા હતા. તેમની સાથે બેન્ચમાં જસ્ટિસ સિદ્ધાર્થ નંદન પણ હાજર હતા.

જસ્ટિસ શ્રીધરને કહ્યું, “સામાન્ય ભારતીયે ભ્રષ્ટાચારને સામાન્ય માની લીધો છે. કારણ કે તે તેને ત્યાં સુધી ખોટું માનતો નથી, જ્યાં સુધી કોઈ પકડાઈ ન જાય. પારદર્શિતાની યાદીમાં ભારત દુનિયાના 182 દેશોમાં 91મા નંબરે છે, આનાથી પણ આપણને શરમ આવતી નથી.”

અયોધ્યા રામ મંદિર ચઢાવા ચોરી કેસમાં સુપ્રીમ કોર્ટે 20 જુલાઈએ ફરીથી SIT બનાવવાનો આદેશ આપ્યો છે. ચીફ જસ્ટિસ (CJI) સૂર્યકાંતે કહ્યું- નવેસરથી SIT બનાવવામાં આવે. વરિષ્ઠ IPS અધિકારી ટીમનું નેતૃત્વ કરે, જેથી તપાસ કોઈ નિર્ણાયક સ્તરે પહોંચે.
CJIએ કહ્યું- અમે ફક્ત સાવચેત કરવા માંગીએ છીએ. આ મામલે રાજકારણ ન કરો. પ્રથમ દ્રષ્ટિએ આ દંડ કાયદા હેઠળ ગુનાનો મામલો લાગે છે. તેની નિષ્પક્ષ, સ્વતંત્ર અને સંપૂર્ણ ઇમાનદારીથી તપાસ થવી જોઈએ. તપાસને તેના તાર્કિક નિષ્કર્ષ સુધી પહોંચાડવી જોઈએ. બસ અમારી આ જ વાત છે.