વૈભવના વાવાઝોડાંમાં SRH આખી તણાઇ ગઇ

હવે ક્વોલિફાયર-2માં GT vs RR વચ્ચે જંગ જામશે: વૈભવ સૂર્યવંશીએ માત્ર 29 બોલમાં 12 સિક્સર સાથે 97 રન ફટકાર્યા; ક્રિસ ગેલનો 14 વર્ષ જૂનો મોટો રેકોર્ડ તોડ્યો

ખાસ-ખબર ન્યૂઝ નવી દિલ્હી, તા.28

સનરાઇઝર્સ હૈદરાબાદની ટીમ આઈપીએલ (IPL 2026) માંથી સત્તાવાર રીતે બહાર થઈ ગઈ છે. ટૂર્નામેન્ટની રસાકસીભરી એલિમિનેટર મેચમાં રાજસ્થાન રોયલ્સે શાનદાર પ્રદર્શન કરતા હૈદરાબાદને 47 રનથી પરાજય આપ્યો છે. આ જીત સાથે જ રાજસ્થાને આગામી રાઉન્ડમાં પ્રવેશ કર્યો છે. હવે 29 મેના રોજ ન્યૂ ચંદીગઢ ખાતે રમાનારી હાઈવોલ્ટેજ ક્વોલિફાયર-2 મેચમાં રાજસ્થાન રોયલ્સનો સામનો ગુજરાત ટાઇટન્સ (GT) સામે થશે. આ મહત્વપૂર્ણ મેચમાં જે પણ ટીમ વિજેતા બનશે, તે 31 મેના રોજ અમદાવાદના નરેન્દ્ર મોદી સ્ટેડિયમ ખાતે રોયલ ચેલેન્જર્સ બેંગલુરુ (RCB) સામે ફાઇનલ જંગ રમવા મેદાનમાં ઉતરશે.
મુલ્લાનપુરના મહારાજા યાદવેન્દ્ર સિંહ સ્ટેડિયમ ખાતે રમાયેલી આ મેચમાં ટોસ હાર્યા બાદ રાજસ્થાન રોયલ્સે પ્રથમ બેટિંગ કરતા નિર્ધારિત 20 ઓવરમાં 8 વિકેટ ગુમાવીને 243 રનનો પહાડ જેવો વિશાળ સ્કોર ખડક્યો હતો. રાજસ્થાન વતી વિસ્ફોટક ઓપનર વૈભવ સૂર્યવંશીએ માત્ર 29 બોલમાં 334.48ની ધમાકેદાર સ્ટ્રાઈક રેટથી 97 રનની તોફાની ઇનિંગ્સ રમી હતી, જેમાં તેણે 12 છગ્ગા અને 5 ચોગ્ગા ફટકાર્યા હતા. આ સાથે વૈભવ એક ઈંઙક સિઝનમાં સૌથી વધુ છગ્ગા ફટકારનાર બેટર બન્યો છે. તેણે વર્ષ 2012માં ક્રિસ ગેલે બનાવેલો 59 છગ્ગાનો 14 વર્ષ જૂનો રેકોર્ડ તોડીને આ સિઝનમાં પોતાના નામે 65 સિક્સર નોંધાવી દીધી છે. વૈભવ ઉપરાંત મિડલ ઓર્ડરમાં ધ્રુવ જુરેલે પોતાની કરિયરની સૌથી ફાસ્ટેસ્ટ ફિફ્ટી માત્ર 20 બોલમાં ફટકારીને 51 રનનું યોગદાન આપ્યું હતું. હૈદરાબાદ તરફથી બોલિંગમાં પ્રફુલ હિંગેએ સૌથી વધુ 3 વિકેટ લીધી હતી. 244 રનના તોતિંગ ટાર્ગેટને ચેઝ કરવા ઉતરેલી સનરાઇઝર્સ હૈદરાબાદની શરૂઆત અત્યંત ખરાબ રહી હતી. રાજસ્થાનના સ્ટાર ફાસ્ટ બોલર જોફ્રા આર્ચરે પહેલી જ ઓવરમાં ઇન-ફોર્મ ઓપનર અભિષેક શર્માને શૂન્ય રને આઉટ કરીને મોટો ઝટકો આપ્યો હતો. ત્યારબાદ આર્ચરે ઘાતક બોલિંગ ચાલુ રાખીને ઈશાન કિશન (33) અને ટ્રેવિસ હેડ (17)ને પણ સસ્તામાં પેવેલિયન ભેગા કરીને મેચનું પાસું આખું રાજસ્થાન તરફ પલટી નાખ્યું હતું. પ્રારંભિક ઝટકાઓ બાદ નીતિશ રેડ્ડીએ 38 રન અને સલિલ અરોરાએ 35 રન બનાવીને ટીમને જીતાડવા માટે સંઘર્ષ જરૂર કર્યો હતો, પરંતુ રન રેટનું દબાણ સતત વધતા આખી ટીમ 19.2 ઓવરમાં 196 રન બનાવીને ઓલઆઉટ થઈ ગઈ હતી. રાજસ્થાન રોયલ્સની બોલિંગ લાઇન-અપની વાત કરીએ તો જોફ્રા આર્ચર સૌથી સફળ બોલર રહ્યો હતો, જેણે પોતાની 4 ઓવરમાં 58 રન આપીને 3 મહત્વની વિકેટો ઝડપી હતી. આર્ચર ઉપરાંત નાન્દ્રે બર્ગર, રવીન્દ્ર જાડેજા અને સુશાંત મિશ્રાએ પણ ધારદાર લાઈન-લેન્થ પર બોલિંગ કરી 2-2 વિકેટ મેળવી હતી, જ્યારે સ્પિનર યશ પુંજાને 1 સફળતા મળી હતી.

વૈભવ સૂર્યવંશી IPLનો નવો ’સિક્સર કિંગ’: 65 સિક્સ ફટકારી ક્રિસ ગેલનો 14 વર્ષ જૂનો રેકોર્ડ તોડ્યો

રાજસ્થાન રોયલ્સે ઈંઙક એલિમિનેટરમાં સનરાઇઝર્સ હૈદરાબાદને 47 રનથી હરાવીને ક્વોલિફાયર-2માં સ્થાન મેળવી લીધું. મુલ્લાંપુરના મહારાજા યાદવિન્દ્ર સિંહ સ્ટેડિયમમાં રેકોર્ડ્સનો દિવસ વૈભવ સૂર્યવંશીના નામે રહ્યો. સૂર્યવંશી ઈંઙક ઇતિહાસમાં 600 રન બનાવનાર સૌથી યુવા ખેલાડી બની ગયો. તેણે એક સિઝનમાં સૌથી વધુ છગ્ગા લગાવવાનો રેકોર્ડ પણ પોતાના નામે કરી લીધો. તેના નામે હવે 65 સિક્સ થઈ ગઈ છે. વૈભવે માત્ર 16 બોલમાં ફિફ્ટી ફટકારી દીધી. ઈંઙકમાં આ પાંચમી વાર રહ્યું, જ્યારે તેમણે 20 કે તેથી ઓછા બોલમાં ફિફ્ટી ફટકારી. 15 વર્ષના વૈભવે 97 રન બનાવ્યા. આ ઇનિંગ્સ દરમિયાન તેણે આ સિઝનમાં પોતાના 600 રન પણ પૂરા કર્યા. તે ઈંઙકની એક સિઝનમાં 600 કે તેથી વધુ રન બનાવનાર સૌથી યુવા બેટ્સમેન બન્યો. આ પહેલા આ રેકોર્ડ ઋષભ પંતના નામે હતો, જેણે 20 વર્ષની ઉંમરે 2018માં આ સિદ્ધિ મેળવી હતી.