જયપુરમાં ભારે ગરમીના કારણે રસ્તાઓ પર પાણીનો છંટકાવ
ખાસ-ખબર ન્યૂઝ નવી દિલ્હી
- Advertisement -
ઉત્તર, મધ્ય અને દક્ષિણ ભારતમાં વરસાદનો દોર ચાલુ છે. ઉત્તર પ્રદેશ, ઉત્તરાખંડ, બિહાર, ઝારખંડ, છત્તીસગઢ, હરિયાણા, હિમાચલ પ્રદેશ, પશ્ચિમ બંગાળ અને આંધ્રપ્રદેશમાં બુધવારે વરસાદ થયો. જ્યારે બિહાર, હરિયાણા અને હિમાચલ પ્રદેશમાં કરા પણ પડ્યા. ઉત્તર પ્રદેશના ગાઝીપુરમાં ગોદામમાં રાખેલ 100 ક્વિન્ટલ ઘઉં પલળી ગયા. રાજ્યમાં મહત્તમ તાપમાન 40 ડિગ્રી થી નીચે આવી ગયું છે. આજે 44 જિલ્લાઓમાં વાવાઝોડા-વરસાદનું એલર્ટ છે. બિહારમાં પટનાના વિસ્તારોમાં કરા પણ પડ્યા. અહીં બપોરના સમયે જ અંધારું છવાઈ ગયું. પૂર્ણિયામાં આકાશી વીજળી પડવાથી બે લોકોના મોત થયા. ઉત્તરાખંડના કેદારનાથ ધામ સહિત ઊંચી પર્વતમાળાઓ પર સતત ચોથા દિવસે હિમવર્ષા થઈ.
ગુજરાતનું રાજકોટ દેશમાં સૌથી ગરમ રહ્યું. અહીંનું તાપમાન 42.9 ડિગ્રી નોંધાયું. રાજસ્થાનના ફલોદીમાં સૌથી વધુ તાપમાન 42.8 ડિગ્રી નોંધાયું.
જયપુર સહિત ઘણા જિલ્લાઓમાં બુધવારે તેજ તડકો રહ્યો. જયપુરમાં રસ્તાઓ પર પાણીનો છંટકાવ પણ કરવામાં આવ્યો. હવામાન વિભાગે આજે અને કાલે 7 જિલ્લાઓમાં વાવાઝોડા-વરસાદનું યલો એલર્ટ જાહેર કર્યું છે. જ્યારે 8 મેથી હીટવેવની પણ ચેતવણી આપી છે.
આગામી બે દિવસના હવામાનની સ્થિતિ
8 મે: આસામ, મેઘાલય અને અરુણાચલમાં વીજળી પડવા અને કેટલીક જગ્યાએ ભારે વરસાદનું એલર્ટ છે. યુપી, બિહાર, ઝારખંડ અને ઓડિશામાં વીજળી પડવાનો ખતરો રહેશે. મધ્યપ્રદેશ, છત્તીસગઢ અને દક્ષિણ ભારતના ભાગોમાં તેજ પવન સાથે હળવો વરસાદ થઈ શકે છે.
9 મે: જમ્મુ-કાશ્મીર, હિમાચલ અને ઉત્તરાખંડમાં વરસાદ સાથે 30-50 કિમી/કલાકની ઝડપે પવન ફૂંકાઈ શકે છે. પંજાબ, હરિયાણા, દિલ્હી, યુપી અને રાજસ્થાનમાં તીવ્ર વાવાઝોડા-વરસાદનું એલર્ટ છે. બિહાર, ઝારખંડ, ઓડિશા અને પશ્ચિમ બંગાળમાં વરસાદની સાથે વીજળી પડવાનો ખતરો છે.
