ભારતની નબળી શરૂઆત હતી જેમાં 98 રન પર 5 વિકેટ ગુમાવ્યા બાદ રિષભ પંતની સદી અને જાડેજાની શાનદાર અર્ધી સદી જોવા મળી હતી.
ઈંગ્લેન્ડ સામે એજબેસ્ટોનમાં ગઇકાલે પાંચમી અને છેલ્લી ટેસ્ટ મેચમાં પહેલા દિવસની રમતનાં અંતે ભારતનો સ્કોર 7 વિકેટે 338 થયો છે. વરસાદ બાદ પ્રથમ દિવસને અંતે 73 ઓવર્સની રમત શક્ય બની હતી જેમાં ભારતની નબળી શરૂઆત હતી. જેમાં 98 રન પર 5 વિકેટ ગુમાવ્યા બાદ રિષભ પંતની સદી અને જાડેજાની શાનદાર અર્ધી સદી જોવા મળી હતી. આ બંનેની સજેદારીએ ટીમ ઇન્ડીયાને 300 રન સુધી પંહોચાડી દીધી હતી.
- Advertisement -
A massive 200 run partnership between R & R for #TeamIndia @RishabhPant17 🤝 @imjadeja
Live – https://t.co/xOyMtKJzWm #ENGvIND pic.twitter.com/wdFqXeZatM
— BCCI (@BCCI) July 1, 2022
- Advertisement -
છઠ્ઠી વિકેટ માટે 222 રનની પાર્ટનરશીપ
પંતે 89 બોલમાં 15 ચોગ્ગા અને 1 છગ્ગાની મદદથી પોતાની સદી પૂરી કરી હતી. આ તેની કારકિર્દીની 5મી ટેસ્ટ સદી છે. તેણે આ ફોર્મેટમાં ઈંગ્લેન્ડ સામે તેની ત્રીજી સદી ફટકારી છે. આ સાથે જ રવિન્દ્ર જાડેજાએ કારકિર્દીની 18મી અડધી સદી ફટકારી હતી. બંને એ 239 બોલમાં 222 રનની સજેદારી બનાવી હતી. રિષભ પંતે 111 બોલમાં 146 રન બનાવ્યા હતા અને જાડેજા એ 163 બોલમાં 83 રન બનાવ્યા હતા. પણ આ સજેદારીને જો રૂટે તોડી હતી. ભારતના 320 રનના સ્કોર પર જો રૂટે છઠ્ઠી વિકેટ લીધી હતી.
આ વચ્ચે રિષભ પંત ટેસ્ટ મેચમાં 2000 રન પૂરા કરનાર પહેલા યુવા ભારતીય વિકેટકીપર ખેલાડી બની ગયા છે. એમને ભારતના પૂર્વ વિકેટકીપર એમએસ ધોનીનો રેકોર્ડ તોડ્યો છે. રિષભે 52 મેચોમાં 2000 રન બનાવ્યા છે જ્યારે ધોની એ 60 મેચ રમીને 2000 રન બનાવ્યા હતા.
Rishabh Pant becomes youngest wicketkeeper-batter to hit 2,000 Test runs
Read @ANI Story | https://t.co/sp9cNz0S1V#ENGvsIND #Cricket #RishabhPant pic.twitter.com/yUhxaJ2X9V
— ANI Digital (@ani_digital) July 1, 2022
આ સજેદારી પહેલા ભારતના ટોપ ઓર્ડરના બેટ્સમેનો નિષ્ફળ રહ્યા હતા. ઓપનર શુભમન ગિલ 17 અને ચેતેશ્વર પૂજારાએ 13 રન બનાવી જેમ્સ એન્ડરસનને વિકેટ આપી હતી. હનુમા વિહારી 20, વિરાટ કોહલી 11 અને શ્રેયસ અય્યર 15 રન બનાવીને આઉટ થયા હતા. જો કે ભારતીય ટીમના પૂર્વ કેપ્ટન વિરાટ કોહલીનું ખરાબ ફોર્મ ચાલુ જ રહ્યું છે. ઇંગ્લેન્ડ સામેની પાંચમી ટેસ્ટની પ્રથમ ઇનિંગમાં વિરાટના બેટથી 19 બોલમાં માત્ર 11 રન જ આવ્યા હતા. તેને મેથ્યુ પોટ્સે બોલ્ડ કર્યો હતો. વિરાટ ઓફ સ્ટમ્પની બહાર જતા બોલને છોડવા માંગતો હતો, પરંતુ બોલ બેટની કિનારી લઈને સ્ટમ્પસ સાથે અથડાઈ ગયો હતો. ચાહકો હજુ પણ કોહલીની 71મી સદીની રાહ જોઈ રહ્યા છે. વિરાટની છેલ્લી સદી 23 નવેમ્બર 2019ના રોજ ફટકારી હતી.
