હવે ખાનગી સ્કૂલોને મળશે ગ્રેડ-રેટિંગ રિઝલ્ટ નહીં ક્વૉલિટી ચેક થશે

ગુજરાતમાં 54 હજાર સરકારી અને ખાનગી સ્કૂલનું ગ્રેડિંગ સાર્વજનિક થશે

ધો.1-12ની સ્કૂલોનું રિપોર્ટ કાર્ડ હવે ૠઈઊછઝની સાઈટ પર

100% પરિણામ નહીં, સ્કૂલની ક્વૉલિટી રિપોર્ટ જોશે પેરેન્ટ્સ

બ્રાન્ડ-માર્કેટિંગના નામે ચાલતી સ્કૂલોની ગુણવત્તા સામે આવશે

ખાસ-ખબર ન્યૂઝ રાજકોટ

હવે ગુજરાતમાં સ્કૂલોની ગુણવત્તા ફક્ત તેમની ચમકતી ઈમારતો, એરકન્ડિશન ક્લાસરૂમ અને ભારે ભરખમ ફીના આધારે નક્કી નહીં થાય. આગામી સમયમાં વાલીઓ એડમિશન લેતા પહેલા સ્કૂલનું સંપૂર્ણ ‘શૈક્ષણિક રિપોર્ટ કાર્ડ’ જોઈ શકશે. રાજ્ય સરકાર 2026-27ના શૈક્ષણિક વર્ષથી સરકારી અને ખાનગી બંને સ્કૂલોનું જાહેર મૂલ્યાંકન શરૂ કરવા જઇ રહી છે. તે માટે રાજ્યની ધો.1-12ની 54 હજાર સ્કૂલનું ગ્રેડિંગ અને સ્ટાર રેટિંગ ૠઈઊછઝની વેબસાઇટ પ્રકાશિત કરાશે. કેન્દ્ર સરકારના નિર્દેશ બાદ, ગુજરાત સરકારે આ મોટો નિર્ણય લીધો છે. અત્યાર સુધી રાજ્યની સ્કૂલોનું મૂલ્યાંકન પ્રવેશોત્સવ અને ગુણોત્સવ જેવા કાર્યક્રમો દ્વારા કરાતું હતું, પરંતુ આ મૂલ્યાંકન જાહેર કરાતું નહોતું. તેનાથી વાલીઓ સ્કૂલની સાચી ગુણવત્તા જાણી શકતા ન હતા. હવે પહેલીવાર, સરકાર બધી સ્કૂલો માટે શૈક્ષણિક રિપોર્ટ કાર્ડ જાહેર કરશે.

મૂલ્યાંકન કેમ જરૂરી ?
18,000 સ્કૂલમાં
સ્માર્ટ ક્લાસરૂમ નથી
4,000 સ્કૂલમાં
કમ્પ્યુટરની સુવિધા નથી
1400 સ્કૂલમાં
શૌચાલયની સુવિધા નથી
6230 સ્કૂલોમાં
કોઈ મેદાન કે કેમ્પસ જ નથી
2,000 સ્કૂલમાં
ઇન્ટરનેટની સુવિધા નથી
2,000 સ્કૂલમાં
લાઇબ્રેરીની વ્યવસ્થા નથી
43,000 સ્કૂલમાં ઈતર-પ્રવૃત્તિનો ક્લાસરૂમ નથી
(સ્રોત: ગુજરાતના આંકડા, ઞઉઈંજઊ+ 2024-25)

2026-27થી મૂલ્યાંકન શરૂ થઇ જશે

મૂલ્યાંકન કોણ કરશે?: ગુજરાત સ્ટેટ સ્કૂલ ક્વોલિટી એક્રેડિટેશન કાઉન્સિંગ (ૠજચઅઈ)ના સ્થાને સ્ટેટ સ્કૂલ સ્ટાન્ડર્ડ ઓથોરિટી કરશે.
વાલી સ્કૂલનો રિપોર્ટ ક્યાં જોઈ શકશે?: ધો. 1થી 12ની સ્કૂલોનું રિપોર્ટ કાર્ડ ગુજરાત કાઉન્સિલ ઑફ એજ્યુકેશન રિસર્ચ એન્ડ ટ્રેનિંગ (ૠઈઊછઝ)ની સાઈટ પર જાહેર કરાશે.
કેવી રીતે મૂલ્યાંકન થશે? : વહીવટી અને શૈક્ષણિક ભાગમાં મૂલ્યાંકન. તે માટે 6 મુખ્ય ક્ષેત્ર નક્કી કરાયા છે. અભ્યાસ, મૂલ્યાંકન, શાળા વ્યવસ્થાપન સહિત 52 ડોમેઈન અને ગુણવત્તાના કુલ 211 માપદંડ હશે.
વાલીઓ માટે સરળતા: સ્કૂલ પસંદ કરવા બાબતે વાલીઓ પાસે ઓછી જાણકારી રહેતી હતી. પરંતુ હવે અભ્યાસનું સ્તર, શિક્ષકોની ગુણવત્તા, સુવિધા વગેરે જોઇ શકશે.
શું બદલાઈ શકે છે?: પારદર્શિતા વધશે, સારી સ્કૂલ પસંદ કરવામાં મદદ મળી શકે છે.

ખાનગી સ્કૂલો પર વધુ અસર, દર ત્રીજી સ્કૂલ પ્રાઇવેટ

હાલ સુધી ખાનગી સ્કૂલો જાહેરાત, અંગ્રેજી મીડિયમ અને આધુનિક કેમ્પસના આધારે ઓળખ બનાવતા હતા પરંતુ હવે તેનું શૈક્ષણિક માપદંડ પર મૂલ્યાંકન થશે. યુનિફાઈડ ડિસ્ટ્રિક્ટ ઇન્ફર્મેશન સિસ્ટમ ફોર એજ્યુકેશન (ઞઉઈંજઊ+) ના રિપોર્ટ મુજબ, ગુજરાતમાં 54 હજારમાંથી 36% એટલે કે 19 હજાર સ્કૂલો ખાનગી છે. એક શિક્ષક ધરાવતી 2953 સ્કૂલોમાં વિદ્યાર્થીઓની સંખ્યા પણ 1 લાખ પાર થઇ ગઇ છે. વિદ્યાર્થી-શિક્ષક રેશિયોમાં પણ ગુજરાત છેલ્લેથી બીજા ક્રમે છે. નવી એજ્યુકેશન પોલિસી મુજબ, કેન્દ્ર સરકારે રાજ્યોને નિર્દેશ આપ્યો છે કે સ્કૂલોનું મૂલ્યાંકન માત્ર સરકારી ફાઈલો સુધી મર્યાદિત ના રહે. તેને પણ સાર્વજનિક કરાય. પારદર્શિતા વધારવા સ્કૂલોનું રેટિંગ પણ વાલીઓ સુધી પહોંચવું જોઇએ.