નવા વર્ષે મૌની રોય અને સૂરજ નામ્બિયાર જાન્યુઆરીમાં કરશે લગ્ન, જાણો વિગત..

ટીવીની સુંદર અભિનેત્રી મૌની રોય છેલ્લા કેટલાક સમયથી તેના લગ્નને લઈને ચર્ચામાં છે. ઘણા સમયથી મૌની અને સૂરજ એકબીજાને ડેટ કરી રહ્યા છે, સૂરજ દુબઈમાં બેંકર તથા બિઝનેસમેન છે.

મૌની વિશે એવા અહેવાલ હતા કે તે દુબઈ સ્થિત બિઝનેસમેન સૂરજ નામ્બિયાર સાથે લગ્ન કરી શકે છે. હવે નવીનતમ અપડેટ મુજબ, નાગિન અભિનેત્રી 27 જાન્યુઆરી, 2022 ના રોજ સૂરજ સાથે લગ્ન કરી શકે છે.મૌની રોય અને સૂરજ નામ્બિયારના લગ્નને લઈને સોશિયલ મીડિયા પર ઘણા સમયથી અલગ-અલગ વાતો થઈ રહી છે. હવે અભિનેત્રીના લગ્ન વિશે જે અપડેટ આવ્યું છે તે જાણીને ચાહકો ચોક્કસ ખુશ થશે. એક મીડિયા ના  અહેવાલ મુજબ  મૌની 27 જાન્યુઆરીએ સૂરજ સાથે  સાત ફેરા લઈ શકે છે અને તમામ વિધિ 26 જાન્યુઆરીથી શરૂ થશે.

આ અહેવાલમાં જણાવવામાં આવ્યું છે કે મૌનીના પિતરાઈ ભાઈએ પશ્ચિમ બંગાળના કૂચ બિહારના એક સ્થાનિક અખબારને પુષ્ટિ આપી હતી કે તે જલ્દી જ સૂરજ સાથે લગ્ન કરશે. લગ્ન દુબઈ અથવા ઈટલીમાં થશે. તેણે એમ પણ કહ્યું હતું કે કૂચ બિહારમાં પણ રિસેપ્શન હશે.જો કે, એક સૂત્રએ કહ્યું, ‘તેના નજીકના મિત્રોને તારીખ સાચવવા માટે કહેવામાં આવ્યું છે. હજુ સુધી સ્થળનો ખુલાસો કરવામાં આવ્યો નથી. તે ડેસ્ટિનેશન વેડિંગ હોઈ શકે છે. તેમના વતન કૂચ બિહારમાં પણ એક કાર્યક્રમનું આયોજન કરવામાં આવશે. પરંતુ તમને જણાવી દઈએ કે બંને તરફથી આ અંગે કંઈ કહેવામાં આવ્યું નથી.

તમને જણાવી દઈએ કે થોડા મહિના પહેલા મૌની રોયે સૂરજ સાથેના ડેટિંગના સમાચારોને ફગાવ્યા હતા. નાગિન અભિનેત્રીએ કહ્યું હતું કે તે હજુ સુધી યોગ્ય વ્યક્તિ શોધી શકી નથી. જો આપણે સૂરજ નામ્બિયારની વાત કરીએ, તો તે દુબઈમાં બેંકર અને બિઝનેસમેન છે.