-સુપ્રીમ કોર્ટે કેસની આગામી સુનાવણી માટે 4 ઓગસ્ટની તારીખ નક્કી કરી, ગુજરાત સરકાર અને પૂર્ણેશ મોદીને ફટકારી નોટિસ
આજે રાહુલ ગાંધીની અરજી પર સુપ્રીમ કોર્ટમાં સુનાવણી થઈ હતી. જેમાં સુપ્રીમ કોર્ટે ‘મોદી અટક’ પર તેમની વિવાદાસ્પદ ટિપ્પણીને લગતા ફોજદારી માનહાનિના કેસમાં ગુજરાત હાઈકોર્ટના ચુકાદાને પડકારતી કોંગ્રેસ નેતા રાહુલ ગાંધીની અરજી પર ગુજરાતના ભૂતપૂર્વ પ્રધાન પૂર્ણેશ મોદી અને રાજ્ય સરકારનો જવાબ માંગ્યો હતો. મહત્વનું છે કે, ગુજરાત હાઈકોર્ટે આ કેસમાં રાહુલ દ્વારા દાખલ કરવામાં આવેલી અરજીને ફગાવી દીધી હતી, જેમાં તેમને દોષિત ઠેરવવા પર સ્ટે મૂકવાની વિનંતી કરવામાં આવી હતી.
- Advertisement -
સુપ્રીમ કોર્ટમાં જસ્ટિસ બીઆર ગવઈ અને જસ્ટિસ પીકે મિશ્રાની બેંચે રાહુલની અરજી પર સુનાવણી કરતી વખતે પૂર્ણેશ મોદી અને ગુજરાત સરકારને નોટિસ પાઠવી હતી. નોંધનીય છે કે, પૂર્ણેશ મોદીએ 13 એપ્રિલ 2019 ના રોજ કર્ણાટકના કોલારમાં એક ચૂંટણી રેલી દરમિયાન ‘મોદી અટક’ વિશેની તેમની વિવાદાસ્પદ ટિપ્પણી માટે વર્ષ 2019માં કોંગ્રેસ નેતા વિરુદ્ધ માનહાનિનો કેસ દાખલ કર્યો હતો.
'Modi surname' remark | Supreme Court begins hearing of plea filed by Congress leader Rahul Gandhi challenging the Gujarat High Court order which declined to stay his conviction in the criminal defamation case in which he was sentenced to two years in jail by Surat court. pic.twitter.com/vr3RTwfhvv
— ANI (@ANI) July 21, 2023
- Advertisement -
રાહુલ ગાંધીના વકીલે શું કહ્યું ?
રાહુલ ગાંધી તરફથી હાજર રહેલા વરિષ્ઠ વકીલ અભિષેક સિંઘવીએ કહ્યું કે, કોંગ્રેસના નેતાએ 111 દિવસ સુધી સહન કર્યું છે, સંસદના એક સત્રમાં હાજરી આપવાની તક ગુમાવી છે અને બીજા સત્રમાં હાજરી આપવાની તક ગુમાવવાના છે. સુપ્રીમ કોર્ટે કેસની આગામી સુનાવણી માટે 4 ઓગસ્ટની તારીખ નક્કી કરી છે. રાહુલ ગાંધીએ 15 જુલાઈએ દાખલ કરેલી અરજીમાં કહ્યું હતું કે, જો 7 જુલાઈના રોજ આપવામાં આવેલા આદેશ પર સ્ટે નહીં મુકવામાં આવે તો તે વાણી, અભિવ્યક્તિ, અભિપ્રાય અને નિવેદનની સ્વતંત્રતાનો ગૂંગળામણ થઈ જશે.
'Modi surname' remark | Supreme Court begins hearing of plea filed by Congress leader Rahul Gandhi challenging the Gujarat High Court order which declined to stay his conviction in the criminal defamation case in which he was sentenced to two years in jail by Surat court. pic.twitter.com/vr3RTwfhvv
— ANI (@ANI) July 21, 2023
રાહુલ ગાંધીને ‘મોદી અટક’ વિશેની તેમની વિવાદાસ્પદ ટીપ્પણીને લગતા ગુનાહિત માનહાનિના કેસમાં ગુજરાતની અદાલતે તેમને દોષિત ઠેરવ્યા અને બે વર્ષની જેલની સજા ફટકાર્યા બાદ 24 માર્ચે લોકસભાના સભ્ય તરીકે ગેરલાયક ઠેરવવામાં આવ્યા હતા. રાહુલની સજા પર સ્ટે મુકવાથી તેમના લોકસભાના સભ્ય તરીકે પુનઃસ્થાપિત થવાનો માર્ગ મોકળો થઈ શક્યો હોત પરંતુ તેમને સેશન્સ કોર્ટ અને ગુજરાત હાઈકોર્ટમાંથી કોઈ રાહત મળી ન હતી.
