જમ્મુ અને કાશ્મીર પ્રશાસને તેની આબકારી નીતિમાં ફેરફાર કર્યો છે, જે હેઠળ જમ્મુ અને કાશ્મીરના મોટા શહેરોમાં મોટી કરિયાણાની દુકાનો અને ડિપાર્ટમેન્ટલ સ્ટોર્સ ટૂંક સમયમાં જ કાઉન્ટરો પર બીયર અને અન્ય રેડી-ટુ-ડ્રિંક (RTD) પીણાં વેચી શકશે.
કેન્દ્રશાસિત પ્રદેશ જમ્મુ-કાશ્મીરમાં હવે ટૂંક સમયમાં જ ડિપાર્ટમેન્ટલ સ્ટોર્સ પર બીયર વેચી શકાશે. જમ્મુ અને કાશ્મીર પ્રશાસને તેની આબકારી નીતિમાં ફેરફાર કર્યો છે, જે હેઠળ જમ્મુ અને કાશ્મીરના મોટા શહેરોમાં મોટી કરિયાણાની દુકાનો અને ડિપાર્ટમેન્ટલ સ્ટોર્સ ટૂંક સમયમાં જ કાઉન્ટરો પર બીયર અને અન્ય રેડી-ટુ-ડ્રિંક (RTD) પીણાં વેચી શકશે. વાસ્તવમાં, લેફ્ટનન્ટ ગવર્નર મનોજ સિન્હાની વહીવટી પરિષદે ગયા અઠવાડિયે શ્રીનગરમાં યોજાયેલી બેઠકમાં શહેરી વિસ્તારોમાં બીયર અને અન્ય રેડી-ટુ-ડ્રિંક (RTD) પીણાં વેચવા માટે ડિપાર્ટમેન્ટલ સ્ટોર્સને અધિકૃત કરવાના પ્રસ્તાવને મંજૂરી આપી હતી.
- Advertisement -
લાયસન્સ JKEL-2A પ્રદાન કરવાની મંજૂરી આપી
મીડિયા રિપોર્ટ્સ અનુસાર, કરિયાણાની દુકાનો અને ડિપાર્ટમેન્ટલ સ્ટોર્સમાં મળતા રેડી-ટુ-ડ્રિંક (RTD) પીણાંની યાદીમાં બીયર ઉપરાંત આલ્કોહોલિક અને નોન-આલ્કોહોલિક ડ્રિંક્સનો સમાવેશ થઈ શકે છે. નોન-આલ્કોહોલિક પીણાંમાં આઈસ્ડ ટી, ચોકલેટ મિલ્ક, એનર્જી ડ્રિંક્સ વગેરેનો સમાવેશ થઈ શકે છે, જ્યારે આલ્કોહોલિક પીણાંમાં હાર્ડ લેમોનેડ, હાર્ડ કોલા અને વોડકા વગેરેનો સમાવેશ થઈ શકે છે. એવું કહેવામાં આવી રહ્યું છે કે, એડમિનિસ્ટ્રેટિવ કાઉન્સિલે જમ્મુ અને કાશ્મીર લિકર લાયસન્સ અને વેચાણ નિયમ, 1984 અને આબકારી નીતિ, 2023-24માં જોગવાઈઓને સામેલ કરવા માટે ડિપાર્ટમેન્ટલ સ્ટોર્સમાં બીયર અને રેડી-ટુ-ડ્રિંક પીણાંના છૂટક વેચાણ માટે લાયસન્સ JKEL-2A પ્રદાન કરવાની મંજૂરી આપી છે.
દરેક સ્ટોર્સને નહીં અપાય મંજૂરી
જોકે, તમામ ડિપાર્ટમેન્ટલ સ્ટોર્સ પર બીયરના વેચાણને મંજૂરી આપવામાં આવશે નહીં. માત્ર એવા ડિપાર્ટમેન્ટલ સ્ટોર્સ જ આ યોજના માટે અરજી કરવા પાત્ર હશે, જે કોમર્શિયલ કોમ્પ્લેક્સમાં હોય અને લઘુત્તમ 1200 ચોરસ ફૂટ વિસ્તાર ધરાવતા હોય. સાથે જ જમ્મુ અને શ્રીનગર શહેરોમાં આવેલા આવા ડિપાર્ટમેન્ટલ સ્ટોર્સનું વાર્ષિક ટર્નઓવર ઓછામાં ઓછું પાંચ કરોડ હોય અને અન્ય જિલ્લાના શહેરી વિસ્તારોમાં આવેલા ડિપાર્ટમેન્ટલ સ્ટોર્સનું વાર્ષિક ટર્નઓવર 2 કરોડથી વધુનું હોય. આ સિવાય 10 કરોડ રૂપિયાથી વધુનું વાર્ષિક ટર્નઓવર ધરાવતા ડિપાર્ટમેન્ટલ સ્ટોર્સ, જેમની પૂરી ચેઈન હોય, તેઓ તેમના દરેક સ્ટોર માટે અલગ લાયસન્સ માટે અરજી કરવા પાત્ર છે.
લાગુ પડશે આ શરત
એટલું જ નહીં, આ ડિપાર્ટમેન્ટલ સ્ટોર્સનું આપનિંગ તાજેતરમાં થયેલું ન હોવું જઈએ. અરજીની તારીખથી 12 પહેલા પહેલા ડિપાર્ટમેન્ટલ સ્ટોર્સનું ઓપનિંગ થયેલું હોવું જોઈએ. જો કે, આ શરત ડિપાર્ટમેન્ટલ સ્ટોરની ચેઈન સાથે સંબંધિત નવા અથવા તાજેતરમાં ખોલવામાં આવેલા ડિપાર્ટમેન્ટલ સ્ટોર મામલે લાગુ પડશે નહીં, જેનું વાર્ષિક ટર્નઓવર રૂ. 10 કરોડથી વધુ છે. ડિપાર્ટમેન્ટલ સ્ટોર્સ ઓછામાં ઓછી છ કરિયાણાની વસ્તુઓમાં ફ્રોઝન ખાદ્ય પદાર્થ, કન્ફેક્શનરી, બેકરી આઈટમ્સ, ઘરગથ્થુ સામાન, વાસણો, રમતગમતનો સામાન, ઈલેક્ટ્રોનિક સાધનો, વસ્ત્રો અને સ્ટેશનરીનું વેચાણ કરી રહ્યા હોય તેઓ અરજી કરી શકે છે.
