હોટલ-ફ્લાઇટના ભાડાંએ ભૂક્કાં બોલાવ્યા: નાઇટ સ્ટે માટે ₹36000 ચૂકવવા તૈયાર, ફ્લાઇટના ભાડાં ₹35000 સુધી વધ્યા, હોટલ ઉદ્યોગને ₹200 કરોડનો નફો થશે
અમદાવાદની મોટાભાગની પ્રિમિયમ હોટેલ્સ હાઉસફૂલ
- Advertisement -
ખાસ-ખબર ન્યૂઝ અમદાવાદ
અમદાવાદ ફરી એક વખત ક્રિકેટ કાર્નિવલ માટે તૈયાર થઈ ગયું છે. IPL 2026ની ફાઈનલ મેચ હવે વિશ્વના સૌથી મોટા ક્રિકેટ સ્ટેડિયમ નરેન્દ્ર મોદી સ્ટેડિયમ ખાતે રમાવાની છે. BCCI દ્વારા ફાઈનલ અમદાવાદ ખસેડવાનો નિર્ણય થતા શહેરના હોટલ, ટ્રાવેલ, રેસ્ટોરન્ટ અને ટુરિઝમ ઇન્ડસ્ટ્રીમાં ભારે ઉત્સાહ જોવા મળી રહ્યો છે.
સામાન્ય રીતે મે મહિનાના અંતમાં હોટલ ઇન્ડસ્ટ્રી માટે ઓફ સિઝન માનવામાં આવે છે. શહેરની ઘણી મોટી મોટી હોટલોમાં અત્યારથી જ બુકિંગ થઈ રહ્યા છે. 30 અને 31 મે દરમિયાન અમદાવાદની મોટાભાગની પ્રીમિયમ હોટલો હાઉસફુલ છે. માત્ર બે દિવસમાં જ અંદાજે 200 કરોડથી વધુનો સીધો નફો હોટલ ઇન્ડસ્ટ્રીને થવાનો અંદાજ છે. તો બીજી તરફ અમદાવાદ આવતી તમામ ફ્લાઇટના ભાડા પણ 35000 સુધી વધીને આસમાને આંબી ગયા છે. જ્યારે હોટલમાં 1 રૂમમાં નાઇટ સ્ટેનો ચાર્જ પણ 36000 સુધી પહોંચ્યો છે.
અત્યારે અમદાવાદની હોટલમાં કુલ 20 હજાર જેટલા રૂમ ઉપલબ્ધ છે. જો કે ઈંઙકની ફાઈનલ મેચના કારણે તમામ રૂમ બુક થઈ જાય તેવો અંદાજ લગાવવામાં આવી રહ્યો છે. અત્યારે 200 જેટલી 3 સ્ટાર અને 5 સ્ટાર હોટલ છે. પરંતુ આગામી સમયમાં ઓલિમ્પિક ગેમ્સ અને કોમનવેલ્થ ગેમ્સ અમદાવાદમાં યોજવાની તૈયારીઓ ચાલી રહી છે. જેના કારણે આગામી સમયમાં હોટલોની સંખ્યા ડબલ થઈ જાય તો નવાઈ નહીં. અત્યારથી જ મોટાભાગની હોટલના ભાવમાં ધરખમ વધારો જોવા મળી રહ્યો છે. જે હોટલના ભાવ 8થી 10 હજાર સુધી રહેતા હતા તે હોટલના ભાવ અત્યારે 25થી 30 હજારને પર પહોંચી ગયા છે.
હોટલ એન્ડ રેસ્ટોરન્ટ એસોસિએશનના પ્રમુખ નરેન્દ્ર સોમાણીએ જણાવ્યું હતું કે,છેલ્લા ઘણા સમયથી નરેન્દ્ર મોદી સ્ટેડિયમમાં ઘણી મોટી મોટી મેચ રમાઈ રહી છે. તેમજ હવે આગામી દિવસમાં ઈંઙકની ફાઈનલ મેચ નરેન્દ્ર મોદી સ્ટેડિયમમાં રમાશે. પહેલા બેંગાલુરુમાં ઈંઙકની ફાઈનલ મેચ રમવાની હતી. જો કે હવે તેને શિફ્ટ કરીને નરેન્દ્ર મોદી સ્ટેડિયમમાં ખસેડી છે. જેના કારણે અમદાવાદના હોટેલ ઉદ્યોગને ઘણો મોટો ફાયદો થવાનો છે. ટુરિઝમ ઇન્ડસ્ટ્રીને પણ ઘણો મોટો ફાયદો ફાઇનલ મેચના કારણે થવાનો છે. અત્યારે વેકેશનના કારણે યંગસ્ટરને મેચ જોવાનો ક્રેઝ વધારે હોય છે.
હોટેલ ઇન્ડસ્ટ્રીને કેટલો ફાયદો થશે તેને લઈને નરેન્દ્ર સોમાણીએ જણાવ્યું હતું કે, જેથી આ વખતે વેકેશનમાં કારણે મોટી સંખ્યામાં લોકો મેચ જોવા માટે આવશે. જેથી 150થી 200 કરોડનો વધારાનો નફો હોટલ ઇન્ડસ્ટ્રીને થઈ શકે છે. અત્યારે અમદાવાદના હોસ્ટેલ ઇન્ડસ્ટ્રી માટે ઓફ સિઝન ચાલે છે. કઈ ટીમ ફાઈનલમાં આવે છે તેના આધારે હોટલના રૂમના ભાડામાં વધારો થઈ શકે છે. રૂટિન ભાવ કરતા હોટેલના રૂમના ભાવમાં અંદાજે 20 ટકા જેટલો વધારો થઈ શકે છે.
ફાઇનલનો શહેરની આખી બિઝનેસ સર્કિટને ફાયદો
ઈંઙક ફાઈનલનો સૌથી મોટો ફાયદો માત્ર હોટલ ઇન્ડસ્ટ્રીને જ નહીં, પરંતુ શહેરની આખી બિઝનેસ સર્કિટને થવાનો છે. મેચ જોવા માટે દેશભરમાંથી હજારો ક્રિકેટપ્રેમીઓ અમદાવાદ આવવાના છે. જેના કારણે ફ્લાઈટની ટિકિટમાં પણ ભારે વધારો જોવા મળી રહ્યો છે. જ્યારે ટ્રેન અને બસ ટિકિટોમાં પણ ડિમાન્ડ વધી ગઈ છે. અગાઉ પણ મોટી ક્રિકેટ ઇવેન્ટ્સ દરમિયાન અમદાવાદમાં ફ્લાઈટ ભાડામાં મોટો ઉછાળો નોંધાયો હતો. તેમજ ઈંઙકની ફાઈનલ મેચના કારણે એસજી હાઈવે, મોટેરા, ચાંદખેડા અને ગાંધીનગર વિસ્તારની હોટલોની સૌથી વધારે ડિમાન્ડ જોવા મળી રહી છે.
