-અન્ડર-19 વર્લ્ડકપમાં ચેમ્પિયન બનવા બદલ વડાપ્રધાનએ પાઠવી શુભકામના
-BCCI સચિવ જય શાહે ટીમને અમદાવાદમાં ભારત-ન્યુઝીલેન્ડ વચ્ચે રમાનારો નિર્ણાયક T20 મુકાબલો જોવા માટે કરી આમંત્રિત
- Advertisement -
ભારતીય અન્ડર-19 મહિલા ટીમે સાઉથ આફ્રિકાના પોચેફસ્ટ્રુમમાં ઈતિહાસ રચી દીધો છે. ટી-20 વર્લ્ડકપના ફાઈનલ મુકાબલામાં ભારતે ઈંગ્લેન્ડને સાત વિકેટે પરાજિત કર્યું છે. આ જીત સાથે જ ભારતીય મહિલા ટીમનું વર્લ્ડકપનો ખિતાબ જીતવાનું સ્વપ્ન પૂર્ણ થઈ ગયું છે.
આ પહેલાં ભારતની સીનિયર કે જુનિયર મહિલા ટીમ ક્યારેય ખિતાબ જીતી શકી નથી. બીજી બાજુ ટીમ ઈન્ડિયાની જીત બાદ બીસીસીઆઈએ ખેલાડીઓ અને સપોર્ટ સ્ટાફ માટે ખજાનો ખોલતાં પાંચ કરોડ રૂપિયાના ઈનામની જાહેરાત કરી છે.
Women’s Cricket in India is on the upswing and the World Cup triumph has taken the stature of women’s cricket several notches higher. I am delighted to announce INR 5 crore for the entire team and support staff as prize money. This is surely a path-breaking year.
- Advertisement -
— Jay Shah (@JayShah) January 29, 2023
બીસીસીઆઈ સચિવ જય શાહે આ અંગેની જાહેરાત કરતાં કહ્યું કે, ભારતમાં મહિલા ક્રિકેટ પૂરપાટ ઝડપે આગળ વધી રહ્યું છે અને વર્લ્ડકપની જીતે મહિલા ક્રિકેટનું કદ અત્યંત ઉંચું કરી દીધું છે. ઈનામના રૂપમાં આખી ટીમ અને સપોર્ટ સ્ટાફ માટે પાંચ કરોડ રૂપિયાની જાહેરાત કરતા મને આનંદ થઈ રહ્યો છે.
આ ઉપરાંત તેમણે 1 ફેબ્રુઆરીએ અમદાવાદના નરેન્દ્ર મોદી સ્ટેડિયમ પર ભારત-ન્યુઝીલેન્ડ વચ્ચે નિર્ણાયક ટી-20 મુકાબલો જોવા આવવા માટે પણ ટીમને આમંત્રિત કરી છે.
Congratulations to the Indian Team for a special win at the @ICC #U19T20WorldCup. They have played excellent cricket and their success will inspire several upcoming cricketers. Best wishes to the team for their future endeavours. https://t.co/BBn5M9abHp
— Narendra Modi (@narendramodi) January 29, 2023
આવી જ રીતે વડાપ્રધાન નરેન્દ્રભાઈ મોદીએ ટીમને જીત બદલ શુભકામના પાઠવતાં લખ્યું કે આઈસીસી અન્ડર-19 વિશ્વકપમાં વિશેષ જીત માટે ભારતીય ટીમને શુભકામના. તેમણે શ્રેષ્ઠ ક્રિકેટ રમ્યું છે અને તેની સફળતાથી ભવિષ્યના અનેક ક્રિકેટરોને પ્રેરણા મળશે.
ફાઈનલ મુકાબલાની વાત કરવામાં આવે તો ભારતીય ટીમને જીત માટે 69 રન બનાવવાના હતા જે તેણે 36 બોલ બાકી રાખીને સરળતાથી બનાવી લીધા હતા. ભારત વતી સૌમ્યા તીવારી 24 રન બનાવી અણનમ રહી હતી. જ્યારે ત્રિશાએ પણ 24 રનની ઈનિંગ રમી હતી. કેપ્ટન શેફાલી વર્માની વાત કરવામાં આવે તો તેણે 15 રનનું યોગદાન આપ્યું હતું.
