ઈરાને ઈઝરાયલ સામેના યુદ્ધને વિશ્વ યુદ્ધમાં ફેરવવાની ધમકી આપી છે. આ માટે ઈરાને સ્પેશિયલ-9 પ્લાન પણ તૈયાર કર્યો છે. સાથે જ કહેવામાં આવી રહ્યું છે કે હવે ચીન અને રશિયા પણ આ યુદ્ધમાં ઉતર્યા છે.
છેલ્લા 17 દિવસથી ગાઝા પટ્ટી પર ઈઝરાયલ બોમ્બમારો કરી રહી છે અને તેને કોઈને લાગી રહ્યું છે કે આ યુદ્ધ વિશ્વયુદ્ધમાં ફેરવાઈ શકે છે. કારણ કે ઈરાન સહિત મધ્ય પૂર્વના 57 દેશોએ એવી ધમકી આપી છે કે જો ઈઝરાયલની સેના ગાઝા પટ્ટીમાં પ્રવેશ કરશે તો યુદ્ધ થશે. હવે પરિસ્થિતિ એવી છે કે ઈઝરાયલની સેના ગાઝા સરહદમાં ઘૂસી ગઈ છે તો શું હવે વિશ્વયુદ્ધ થશે?
- Advertisement -
ઈઝરાયલની સેના ગાઝા સરહદમાં ઘૂસી
મહત્વનું છે કે ગાઝામાં ઈઝરાયલી સેનાના પ્રવેશ બાદ પ્રથમ વખત તેની હમાસ સાથે જમીની ટક્કર થઈ હતી અને તેમાં હમાસે ઈઝરાયલી સૈનિકો પર એન્ટી ટેન્ક મિસાઈલ પણ છોડ્યા હતા. જો કે પરિસ્થિતિ જોતાં ઇઝરાયલ સમજી રહ્યું છે કે મધ્ય પૂર્વ પણ યુદ્ધમાં સામેલ થઈ શકે છે અને એ કારણોસર ઇઝરાયલે સીરિયા પર પણ હુમલો કરવાનું શરૂ કર્યું છે.
યુદ્ધ માટે ઈરાને સ્પેશિયલ-9 પ્લાન તૈયાર કર્યો છે
એવામાં હવે ઈરાને ઈઝરાયલ સામેના યુદ્ધને વિશ્વ યુદ્ધમાં ફેરવવાની ધમકી આપી છે. આ માટે ઈરાને સ્પેશિયલ-9 પ્લાન પણ તૈયાર કર્યો છે. સ્પેશિયલ-9 પ્લાન હેઠળ ઈરાને માત્ર ફાઇટર જ નહીં પરંતુ 9 વ્યૂહાત્મક શસ્ત્રો પણ એકત્રિત કરવાનું શરૂ કર્યું છે. ઈરાનની આ યોજના હેઠળ નવ ફાઇટરના નવ જૂથોને નવ વ્યૂહાત્મક હથિયારો આપવામાં આવશે. આ હથિયારોમાં ફતહ-11 બેલેસ્ટિક મિસાઈલ, સ્કડ મિસાઈલ, કહર-1 મિસાઈલ, ખૈબર શિકાન મિસાઈલ, બદર-1 મિસાઈલ, બુરકાન-2એચ મિસાઈલ, કિયામ મિસાઈલ, શોર્ટ રેન્જ રોકેટ, શાહેદ 131/136 સુસાઈડ ડ્રોનનો સમાવેશ થાય છે. અહેવાલો અનુસાર, ઇઝરાયેલ નવ મોરચે ઘેરાયેલું રહેશે જેમાં લેબનોન, સીરિયા, વેસ્ટ બેંક, જોર્ડન, ઇજિપ્ત, ભૂમધ્ય સમુદ્ર, રેડ સી અને ઇરાક છે.
Hamas doesn’t care who stands in their way of annihilating Israel—even when it’s the people of Gaza: pic.twitter.com/jLrphrrAee
- Advertisement -
— Israel Defense Forces (@IDF) October 23, 2023
ચીન અને રશિયા પણ આ યુદ્ધમાં ઉતર્યા
મધ્ય પૂર્વના 57 મુસ્લિમ દેશોમાં ઈઝરાયલ વિરુદ્ધ વિરોધ પ્રદર્શન થઈ રહ્યા છે અને આ દરમિયાન એવી આશંકા દર્શાઇ રહી છે કે ગાઝા-ઈઝરાયેલ યુદ્ધ વચ્ચે વિશ્વની મહાસત્તાઓ પણ સામસામે આવીને ઊભી રહી શકે છે. કારણ કે હવે ચીન અને રશિયા પણ આ યુદ્ધમાં ઉતર્યા છે.
યમન તરફથી ઈઝરાયલ તરફ ત્રણ મિસાઈલો છોડવામાં આવી
એવું કહેવામાં આવી રહ્યું છે કે રશિયન ફાઇટર પ્લેન તેમની સૌથી ખતરનાક મિસાઇલો સાથે બ્લેક સીમાં તૈનાત છે. રશિયાએ દાવો કર્યો છે કે બ્લેક સીના આકાશમાં એક-બે નહીં પરંતુ ત્રણ બ્રિટિશ વિમાનોને અટકાવવામાં આવ્યા છે. રશિયન સેનાનો દાવો છે કે 19 ઓક્ટોબરે ત્રણ બ્રિટિશ સૈન્ય વિમાનોએ તેમની સરહદમાં ઘૂસણખોરી કરી હતી, પરંતુ સદનસીબે સ્થિતિ વધુ બગડે તે પહેલા બ્રિટિશ વિમાનોએ વિસ્તાર છોડી દીધો હતો. દરમિયાન પ્રશ્ન એ છે કે ત્રણ બ્રિટિશ લશ્કરી વિમાન રશિયન સરહદ સુધી કેવી રીતે પહોંચ્યા?
આ સાથે જ રશિયાના રાષ્ટ્રપતિ પુતિને બ્લેક સીમાં ફાઈટર પ્લેન તૈનાત કર્યા છે. યમન તરફથી ઈઝરાયલ તરફ એક-બે નહીં પરંતુ ત્રણ મિસાઈલો છોડવામાં આવી છે. અમેરિકાનું કહેવું છે કે જો મિસાઈલોને અટકાવવામાં ન આવી હોત તો તેનું નિશાન ઈઝરાયલ હોત.
