20 વર્ષમાં ડ્રગ્સની મોટી જપ્તી: NCBએ 6 દાણચોરને પકડ્યા

15 હજાર LSD પેકેટ જપ્ત; ડાર્ક વેબથી સોદા કરતા હતા

ખાસ-ખબર સંવાદદાતા
નાર્કોટિક્સ કંટ્રોલ બ્યુરો (ગઈઇ) એ દેશભરમાં ફેલાયેલા એક મોટા ડ્રગ સિન્ડિકેટનો ખુલાસો કર્યો છે. એનસીબીના ડેપ્યુટી ડીજી જ્ઞાનેશ્વર સિંહે મંગળવારે પ્રેસ કોન્ફરન્સમાં જણાવ્યું હતું કે અલગ-અલગ દરોડામાં દેશમાં ડ્રગ સ્મગલિંગ ગેંગના 6 લોકોની ધરપકડ કરવામાં આવી છે. સિંહે કહ્યું કે દાણચોરો પાસેથી માદક દ્રવ્ય લિસેર્જિક એસિડ ડાયથિલામાઇડ (એલએસડી)ના 15,000 પેકેટ મળી આવ્યા છે. તેમની બજાર કિંમત હજારો કરોડમાં છે. ગઈઇ અનુસાર, આ 20 વર્ષમાં અત્યાર સુધીની સૌથી મોટી રિકવરી છે. અગાઉ, કર્ણાટક પોલીસ અને કોલકાતા ગઈઇએ 2021-2022માં કજઉના 5000 પાઉચ રિકવર કર્યા હતા.

સિંહના જણાવ્યા અનુસાર, શંકાસ્પદના કહેવા પર 2.5 કિલો ગાંજો અને 4.65 લાખ રૂપિયા રોકડા પણ જપ્ત કરવામાં આવ્યા છે. સાથે જ તેમના બેંક ખાતામાંથી 20 લાખ રૂપિયા પણ મળી ગયા છે. સિંહે જણાવ્યું કે દેશભરમાં ફેલાયેલું આ સિન્ડિકેટ ડાર્ક વેબ, ક્રિપ્ટો કરન્સી અને વિદેશી પોસ્ટ ઓફિસ દ્વારા આ કારોબાર ચલાવી રહ્યું હતું. સોશિયલ મીડિયા દ્વારા ડ્રગ્સનો વેપાર થતો હતો.

આ નેટવર્ક અમેરિકાથી કેરળ સુધી ફેલાયેલું હતું
એનસીબીના ડેપ્યુટી ડીજી જ્ઞાનેશ્વર સિંહે જણાવ્યું કે આ ડ્રગ્સ સિન્ડિકેટનું નેટવર્ક અમેરિકા, પોલેન્ડ, નેધરલેન્ડથી લઈને દિલ્હી-એનસીઆર, રાજસ્થાન, મહારાષ્ટ્ર, કેરળ, તમિલનાડુ અને ઉત્તર પ્રદેશ સુધી ફેલાયેલું હતું. ગઈઇ અને અન્ય રાજ્યોની દિલ્હી ઝોનલ ટીમની મદદથી આ સિન્ડિકેટનો પર્દાફાશ કરવામાં આવ્યો છે.