Vogue મેગેઝીનના એડિટરની ફન્ડરેઝિંગ ઇવેન્ટ
ફેશન વર્લ્ડની ચર્ચિત મેટ ગાલા નાઈટ દર વર્ષે ખૂબ જ ચર્ચામાં રહે છે. ન્યુ યોર્કના મેટ્રોપોલિટન મ્યુઝિયમ ઓફ આર્ટ સ્થળ પર તેનું આયોજન થાય છે. જોકે આ મ્યુઝમના કોસ્ચયુમ ઇન્સ્ટિટ્યૂટ માટે એક ફન્ડરેઝિંગ ઇવેન્ટ છે. મેટ ગાલાનું આયોજન Vogue મેગેઝીનના એડિટર ઈન ચીફ અન્ના વીંટુર કરે છે. તેમના દ્વારા ઘડવામાં આવેલ નિયમો થકી મેટ ગાલા નાઈટ દર વર્ષે સફળ રહે છે. જેમાં મહેમાનોનું લિસ્ટ, તેમનાં પહેરવેશથી લઈ બેઠક વ્યવસ્થા તે જ નક્કી કરે છે.
- Advertisement -
લાખો- કરોડોની પ્રવેશ ટિકિટ
આ ઉપરાંત મેટ ગાલામાં પ્રવેશ મેળવવા અને ભાગ લેવા ટિકિટો ખરીદવાની રહે છે. પરંતુ જેને આમંત્રિત કરવામાં આવેલ હોય તે જ પ્રવેશ મેળવી શકે છે. 64 લાખ રૂપિયાની એક ટિકિટ હોય છે જયારે એક ટેબલ બુકિંગ લગભગ 2.94 કરોડમાં થાય છે. જોકે ઘણીવાર ફેશનહાઉસ પોતે આ કિંમત ચૂકવતી હોય છે.
આઉટફિટ અંગે કડક નિયમો
- Advertisement -
મેટ ગાલામાં પ્રવેશતાની સાથે જ મોબાઈલ-ફોનના ઉપયોગ પર નિષેધ રહે છે. લાઈવ સોશ્યલ મીડિયા પર ફોટોસ કે વિડીયો શેર કરવા તેના કાયદાઓનું ઉલ્લંઘન કર્યા બરાબર છે. સેલિબ્રિટીઝના પહેરવેશની વાત કરીએ તો તેમને પોશાકની મંજૂરી AWOK (Anna Wintour OK) થકી મળે છે. અન્ના વીંટુર નક્કી કરે છે કે ક્યુ આઉટફિટ કોણ ધારણ કરશે અને રેડ કાર્પેટ પર જશે?
મોંઘા પહેરવેશ ન બગડે તે અંગે જોગવાઈઓ
મેટ ગાલામાં દરેકના પોશાક ખરાબ ન થાય તેનું પણ ચોક્કસ નિયમો વડે ધ્યાન રાખવામાં આવે છે. જેમકે, ધૂમ્રપાન કરવાની સખત મનાઈ છે. આયોજકોનું કહેવું છે કે કોઈ પણ ગેસ્ટ માટે મેટ ગાલામાં પ્રતિબંધ મૂકવાનું સૌથી સામાન્ય કારણ ગેલેરીમાં ધૂમ્રપાન કરવું છે. લોકોના કિંમતી કપડાં બગડે નહીં તે માટે બ્રુશેટા જેવો લિક્વિડ ખોરાક પણ પીરસવામાં આવતો નથી. એવી કોઈ પણ વસ્તુ પ્રતિબંધિત હોય છે કે જેનાથી મોંમાંથી દુર્ગંધ આવી શકે અથવા દાંતમાં કંઈક અટવાઈ શકે છે જેમકે ડુંગળી, લસણ જેવી વસ્તુઓ ડિનરના મેનુમાં રાખવામાં આવતી નથી. બેઠક વ્યવસ્થામાં સામાન્ય રીતે કપલને સાથે રાખવામાં આવતા નથી. જેથી કરીને તેઓ નવા લોકોને મળે અને વાતચીત કરે. આવા અનેક નિયમોનું પાલન કરી મેટ ગાલા દર વર્ષે દુનિયાના ખ્યાતનામ સેલિબ્રિટીઝને આવકરી ફેશનના ક્ષેત્રને આગળ વધારે છે.
