અરશદ વારસીએ તેમની પત્ની મારિયા ગોરેટી સાથે ફરી એકવાર લગ્ન કર્યા છે. અભિનેતાએ 14 ફેબ્રુઆરી, 1999ના લગ્ન કર્યા હતા પરંતુ છેલ્લા 25 વર્ષોમાં એમના લગ્નનું રજિસ્ટ્રેશન કરાવ્યું નહતું.
બોલિવૂડ એક્ટર અરશદ વારસી ઈન્ડસ્ટ્રીના એવા સ્ટાર્સમાંથી એક છે જે પોતાની પર્સનલ અને પ્રોફેશનલ લાઈફને અલગ રાખે છે. તે તેના અંગત જીવન વિશે ભાગ્યે જ વાત કરે છે. એવામાં હાલ તેઓ એમના અંગત જીવનને કારણે લોકો વચ્ચે ચર્ચાનો વિષય બન્યા છે. અરશદ વારસીએ તાજેતરમાં જ કોર્ટ મેરેજ કર્યા હતા.
- Advertisement -
વાત એમ છે કે અભિનેતાએ તેની પત્ની મારિયા ગોરેટી સાથે સ્પેશિયલ મેરેજ એક્ટ હેઠળ ફરી એકવાર લગ્ન કર્યા છે. હવે તમે વિચારી રહ્યા હશો કે તેણે આવું કેમ કર્યું, તો જણાવી દઈએ કે અભિનેતાએ છેલ્લા 25 વર્ષોમાં એમના લગ્નનું રજિસ્ટ્રેશન કરાવ્યું નહોતું અને હવે લગ્નનું રજિસ્ટ્રેશન કરાવી લીધું છે.
.@ArshadWarsi and @mariagorettiz, married for nearly 25 years, have finally registered their marriage ahead of their 25th wedding anniversary 💖🎉 #ArshadWarsi #MariaGoretti #Bollywood #weddinganniversary
Read: https://t.co/7nXB6Sy9nW pic.twitter.com/o8i4uyCpcX
- Advertisement -
— BombayTimes (@bombaytimes) February 12, 2024
અરશદ વારસી અને મારિયા ગોરેટી 14 ફેબ્રુઆરી, 2024ના રોજ તેમની 25મી વર્ષગાંઠ ઉજવશે. તેમણે 14 ફેબ્રુઆરી, 1999ના રોજ મારિયા ગોરેટી સાથે લગ્ન કર્યા હતા. આવી સ્થિતિમાં, તેઓ 14 ફેબ્રુઆરીએ તેમની લગ્નની વર્ષગાંઠની સિલ્વર જ્યુબિલી પણ ઉજવશે. પરંતુ આટલો લાંબો સમય વીતી જવા છતાં પણ આ કપલે ક્યારેય રજીસ્ટ્રેશન કરાવ્યું નથી. મીડિયા રિપોર્ટ્સ અનુસાર, અભિનેતા અને તેની પત્નીએ 23 જાન્યુઆરીએ તેમના લગ્નનું રજીસ્ટ્રેશન કરાવ્યું અને કોર્ટમાં લગ્ન કર્યા હતા.
આ વિશે વાત કરતા અરશદ વારસીએ એક ઈન્ટરવ્યુમાં કહ્યું હતું કે ‘લગ્ન રજીસ્ટર કરાવવાની વાત એમને ક્યારેય મગજમાં આવી નહતી અને તેની જરૂર પણ લાગી નહતી. જોકે, તેને સમજાયું કે પ્રોપર્ટી ખરીદતી વખતે આ ખૂબ જ જરૂરી છે. તેમજ બેમાંથી એકનું મૃત્યુ થાય તો અમે કાયદા ખાતર આવું કર્યું છે. નહિંતર, એક પાર્ટનર તરીકે મારૂ આટલું જ માનવું છે કે તમે એકબીજા માટે કમિટેડ છો આટલું જ મહત્વનું છે.’
વર્ક ફ્રન્ટની વાત કરીએ તો અરશદ વારસી હાલમાં ડાન્સ રિયાલિટી શો ઝલક દિખલા જામાં જોવા મળે છે. ફિલ્મોની વાત કરીએ તો અરશદ ટૂંક સમયમાં સંજય દત્ત સાથે સ્ક્રીન શેર કરતો જોવા મળશે.