વડાપ્રધાન નરેન્દ્ર મોદી BRICS સમિટમાં ભાગ લેવા માટે સાઉથ આફ્રિકા જવા રવાના થયા છે. ત્યારે બધાની નજર તેમની અને ચીનના રાષ્ટ્રપતિ શી જિનપિંગ વચ્ચેની સંભવિત બેઠક પર છે.
દક્ષિણ આફ્રિકાના જોહાનિસબર્ગ (Johannesburg)માં આજથી BRICS સમિટ શરૂ થઈ રહી છે. કોરોના પછી પહેલીવાર બ્રિક્સ દેશોની બેઠક ઓફલાઈન યોજાશે. ચીનના રાષ્ટ્રપતિ શી જિનપિંગ જોહાનિસબર્ગ પહોંચી ચૂક્યાં છે, જ્યારે વડાપ્રધાન નરેન્દ્ર મોદી બ્રિક્સમાં સામેલ થવા માટે દક્ષિણ આફ્રિકા (સાઉથ આફ્રિકા) જવા માટે રવાના થઈ ચૂક્યા છે. આ દરમિયાન બંને નેતાઓ વચ્ચે મુલાકાત પણ થઈ શકે છે. તો રશિયાના રાષ્ટ્રપતિ વ્લાદિમીર પુતિન પહેલાથી જ આ બેઠકમાં આવવાની ના પાડી ચૂક્યા છે.
- Advertisement -
#WATCH | Delhi: Prime Minister Narendra Modi departs for Johannesburg, South Africa.
He is visiting South Africa from 22-24 August at the invitation of President Cyril Ramaphosa to attend the 15th BRICS Summit being held in Johannesburg under the South African Chairmanship. pic.twitter.com/EubiEHkKDa
— ANI (@ANI) August 22, 2023
- Advertisement -
વડાપ્રધાન મોદીએ ટ્વીટ કરીને આપી માહિતી
જોહાનિસબર્ગ (Johannesburg) જતા પહેલા વડાપ્રધાન મોદીએ ટ્વીટ કર્યું કે, “દક્ષિણ આફ્રિકાની અધ્યક્ષતામાં જોહાનિસબર્ગમાં યોજાનારી 15મી બ્રિક્સ સમિટમાં ભાગ લેવા માટે રાષ્ટ્રપતિ સિરિલ રામાફોસાના આમંત્રણ પર હું 22-24 ઓગસ્ટ 2023 સુધી દક્ષિણ આફ્રિકાનો પ્રવાસ કરી રહ્યો છું.”
સોશિયલ મીડિયા પર પોસ્ટ કરી
સાઉથ આફ્રિકા(દક્ષિણ આફ્રિકા) જવા રવાના થતાં પહેલાં વડાપ્રધાન મોદીએ સોશિયલ મીડિયા પર પોસ્ટ કરીને કહ્યું કે, “જોહાનિસબર્ગમાં આયોજિત બ્રિક્સ સમિટમાં ભાગ લેવા માટે સાઉથ આફ્રિકા જવા રવાના. હું બ્રિક્સ-આફ્રિકા આઉટરીચ અને બ્રિક્સ પ્લસ ડાયલોગ ઇવેન્ટ્સમાં પણ ભાગ લઈશ. સમિટ ગ્લોબલ સાઉથ અને વિકાસના અન્ય ક્ષેત્રો માટે ચિંતાના મુદ્દાઓ પર ચર્ચા કરવા માટે પ્લેટફોર્મ આપશે.”
Leaving for South Africa to take part in the BRICS Summit being held in Johannesburg. I will also take part in the BRICS-Africa Outreach and BRICS Plus Dialogue events. The Summit will give the platform to discuss issues of concern for the Global South and other areas of…
— Narendra Modi (@narendramodi) August 22, 2023
25 ઓગસ્ટે ગ્રીસ જશે વડાપ્રધાન મોદી
આપને જણાવી દઈએ કે, સાઉથ આફ્રિકાના પ્રવાસ દરમિયાન તેઓ બ્રિક્સ ઉપરાંત દ્વિપક્ષીય વાટાઘાટોમાં પણ ભાગ લેશે. આ દરમિયાન ચીનના રાષ્ટ્રપતિ શી જિનપિંગ પણ પીએમ મોદી સાથે મુલાકાત કરી શકે છે. દક્ષિણ આફ્રિકા બાદ વડાપ્રધાન મોદી 25 ઓગસ્ટે ગ્રીસ જવા રવાના થશે. નિવેદનમાં કહેવામાં આવ્યું છે કે, “ગ્રીસના પ્રધાનમંત્રી કિરિયાકોસ મિત્સોટાકિસના આમંત્રણ પર 25 ઓગસ્ટે એથેન્સની મુલાકાત લઈશ. આ પ્રાચીન ભૂમિની આ મારી પ્રથમ યાત્રા હશે. 40 વર્ષ પછી ગ્રીસનો પ્રવાસ કરનાર પ્રથમ ભારતીય વડાપ્રધાન હોવાનું મને સન્માન પ્રાપ્ત થયું છે.”
BRICS શું છે?
BRICS એ વિશ્વની પાંચ સૌથી ઝડપી અર્થવ્યવસ્થાઓનું ગ્રુપ છે. વિશ્વના જીડીપીમાં આ દેશોનો હિસ્સો 31.5% છે. BRICSમાં B એટલે બ્રાઝિલ, R એટલે રશિયા, I એટલે ઇન્ડિયા, C એટલે ચીન અને S એટલે સાઉથ આફ્રિકા. આ દેશોમાં વિશ્વની 41 ટકાથી વધુ વસ્તી રહે છે. વૈશ્વિક કારોબારમાં તેમનો હિસ્સો 16 ટકા છે.
