દક્ષ એન્ટપ્રાઈઝનાં બિલ્ડરો સમીર હાંસલિયા, સોનલ હાંસલિયા, તરલ પટેલ, મગનભાઈ ચોવટીયા
હલકી ગુણવત્તાના બાંધકામથી અને ખંધા બિલ્ડરોથી ફ્લેટધારકો કંટાળ્યા
- Advertisement -
રાજકોટ શહેરમાં સતત વિકાસ થઈ રહ્યો છે નવા નવા વિસ્તારો શહેરમાં ભળી રહ્યા છે. ત્યારે શહેરમાં હાઈરાઈઝ બિલ્ડિંગો પણ બની રહી છે. જ્યાં જુઓ ત્યાં નવું બાંધકામ થઈ રહ્યું છે અને ફ્લેટ, મકાનો પણ એટલા પ્રમાણમાં વેચાઈ રહ્યા છે. સ્વપ્નનું ઘર કોને ન ગમે? લોકો પણ ઊંચા દામે બિલ્ડરોનો ભરોસો કરી પ્રોપર્ટી ખરીદી રહ્યા છે પરંતુ કેટલાક બિલ્ડરો એવા છે કે જે લોકોને વધુ એમેનિટીઝનું કહી અને મોટી મોટી વાતો કરી પોતાનો ફ્લેટ વેચી રહ્યા છે. અમુક બિલ્ડરો મસમોટા વચનો આપી અને કાચિંડાની જેમ રંગ બદલતા બિલ્ડરોથી ચેતીનું રહેવા જેવું છે. આજે ફરીથી એવા બિલ્ડરોની વાત કરીશું જેણે ફરીથી વધુ એક બિલ્ડરે લોકોને ફ્લેટ વેંચીને પૂરતી સુવિધા નથી આપી.
લિફ્ટ ટેરેસ અને બેઝમેન્ટ પર નથી આપી: ઉપ પ્રમુખ મનસુખભાઈ
સિલ્વર વૂડના ઉપ પ્રમુખ મનસુખભાઈએ જણાવ્યું કે, બેઝમેન્ટ અને ટેરેસ પર લિફ્ટની સુવિધા નથી આપી. જ્યારે લિફ્ટ રૂમ પણ ન આપતા લિફ્ટનું સમારકામ પણ થઈ શકતું નથી. અને લિફ્ટ પણ નબળી ગુણવત્તાની ફીટ કરી છે વારંવાર ખોટકાઈ જાય છે.
સોલાર એવી જગ્યાએ રાખ્યું જ્યાં પડછાયો પડે છે તેથી પાણી ગરમ નથી થતું, ફાયરના ટાંકા આપ્યા નથી
- Advertisement -
દક્ષ એન્ટરપ્રાઈઝનાં અન્ય પ્રોજેક્ટ સિલ્વર એવન્યુ અને જૈન ગાર્ડનમાં ફ્લેટ લેતાં પહેલાં વિચારજો
રાજકોટના વિકસીત એરીયા અંબિકા ટાઉનશીપ પાસે અને સ્પીડવેલ પાર્ટી પ્લોટથી આગળ જતા મોટા મવાના રેવન્યુ સર્વે નંબર 177માં બનેલા સિલ્વર વૂડ ફ્લેટની જો વાત કરીએ તો બિલ્ડરોએ મસમોટા વચનો આપી ફ્લેટધારકોને છેતર્યા છે. સિલ્વર વૂડ ફ્લેટમાં એ અને બી વિંગ આવેલી છે એ વિંગમાં ટુ બીએચકે અને બીમાં થ્રી બીએચકે ફ્લેટ આવેલા છે. બિલ્ડરોએ રેરાના પ્લાનમાં બતાવ્યા મુજબ લિફ્ટ નથી આપી અને સિક્યોરીટી રૂમ પણ અલગ દિશામાં બનાવાતા અવર જવર માટે સમસ્યા થાય છે. ખાસ ખબરની ટીમને સિલ્વર વૂડ ફ્લેટની મુલાકાત લીધી હતી. સિલ્વર વૂડ ફ્લેટના પ્રમુખ બિપીનભાઈ ભલાણી, ઉપ પ્રમુખ મનસુખભાઈ મારવાણિયા, સેક્રેટરી સંજયભાઈ ગોંઢાએ બિલ્ડરોએ ફ્લેટમાં રાખેલી ખામીઓ વિશે ટીમને અવગત કર્યા હતા. સિલ્વર વૂડની બન્ને વિંગમાં 92 ફ્લેટ આવેલા છે જેમાં કુલ 290 જેટલા લોકો વસવાટ કરે છે. પ્રમુખ-ઉપ પ્રમુખ સહિત ફ્લેટધારકોએ બિલ્ડર સમીર હાંસલિયા અને જીનલ ખાનપરા વિરુદ્ધ આક્ષેપો કર્યા હતા કેક્લબ હાઉસ આપ્યું છે પરંતુ તેનું પણ ગેરકાયદે બાંધકામ કર્યું છે. ફાયરની ગાડી બેઝમેન્ટમાંથી પાછી વળી શકે તેમ નથી. કેટલાક ફ્લેટમાંથી પાણી ટપકે છે. જ્યારે બેઝમેન્ટમાં લિફ્ટ આપી નથી અને ટેરેસ પર પણ લિફ્ટ નથી. જ્યારે સોલાર એવી જગ્યાએ રાખ્યું જ્યાં પડછાયો પડે છે તેથી પાણી ગરમ નથી થતું, ફાયરના ટાંકા આપ્યા નથી બિલ્ડરોએ હલકી ગુણવત્તાનું બાંધકામ કર્યું છે. ફ્લેટધારકો પાસેથી જાણવા મળ્યું કે, 2 બીએચકેના 35 લાખ અને 3 બીએચકેના ભાવ 50 લાખ રૂપિયા છે. પરંતુ પૈસા મુજબ એમેનિટીઝ અને બાંધકામ અપાયું નથી.
હલકી ગુણવત્તાની લાદી ફીટ કરી: ફ્લેટ નં-1203 રીટાબેન
ફ્લેટ નં-1203માં રહેતા રીટાબેને જણાવ્યું હતું કે, હલકી ગુણવત્તાની લાદી ફીટ કરી છે. ફ્લોરનું ફિનીશીંગ કર્યું નથી. તીરાડો પડતી જાય છે. બદલાવવાનું કહ્યું છે પરંતુ બિલ્ડરો બદલી આપતા નથી.
છતમાંથી ભેજ પડે છે : ફ્લેટ નં-201ના રહીશ
બિલ્ડરોએ ફ્લેટધારકોને ગરમ પાણી આપવાનો વાયદો કર્યો હતો. જે પ્રમાણે બાથરૂમમાં ગરમ પાણી આવતું નથી. જ્યારે અન્ય એક બેડરૂમમાં ગરમ પાણીનું નળ કનેક્શન નથી આપ્યું. જ્યારે દીવાલોમાંથી ભેજ પણ ઉતરે છે.
1101 અને 1102ના લાઈટ મીટરના કનેક્શન આડાઅવળા આપ્યા
1101ના ફ્લેટધારકે ખાસ ખબરને જણાવ્યું કે, 1101 અને 1102ના લાઈટ મીટરનું વાયર કનેક્શન આડું અવળું આપી દીધું છે જેથી અમારે 1102ની લાઈટ વપરાશનું બિલ આવ્યું જ્યારે 1102માં 2 વ્યક્તિઓ રહે છે તો તેને 1101નું 5 વ્યક્તિના વપરાશનું બિલ આવ્યું.
વીજ અને ગેસની લાઈનનાં 40 હજાર લઈ લીધાં!
ફ્લેટધારકોએ બિલ્ડરો પર આક્ષેપો કરતા જણાવ્યું હતું કે, ઙૠટઈક-ૠજઙઈની લાઈનમાં ફ્લેટ દીઠ 40 હજાર ઉઘરાવી લીધા જ્યારે તેનો ખર્ચ 15 હજાર જેટલો થાય છે.
‘ખાસ-ખબર’નાં ગ્રાઉન્ડ રિપોર્ટમાં સિલ્વર વૂડનાં રહીશોએ પોતાની વ્યથાઓ વર્ણવી તેનો વિડીયો જોવા અહીં ક્લિક કરો…