SOG ટીમે બાતમીને આધારે એકને પકડીને કાર્યવાહી કરી
ખાસ-ખબર સંવાદદાતા
મોરબી શહેરના વીસીપરા મેઈન રોડ પરથી સ્પેશિયલ ઓપરેશન ગ્રુપની ટીમે બાતમીને આધારે એક શખ્સને પિસ્તોલ અને જીવતા કારતુસ સાથે ઝડપી પાડીને આર્મ્સ એકટ મુજબ બી ડિવિઝન પોલીસ મથકે ગુન્હો દાખલ કરાવ્યો હતો. મોરબી જિલ્લામાં કાયદો અને વ્યવસ્થાની પરિસ્થિતિ જળવાય રહે તે માટે એસઓજી ટીમ ગેરકાયદેસર હથિયારો રાખતા શખ્સોને પકડી પાડવા કાર્યરત હોય તે દરમિયાન બાતમીને આધારે મોરબીના વીસીપરા મેઈન રોડ પર ગર્લ્સ હાઈસ્કૂલ પાસે દરોડો પાડીને એસઓજી ટીમે આરોપી અહેમદભાઈ જુસબભાઈ કટિયા (રહે. અયોધ્યાપુરી રોડ, મચ્છુ માતાજીની જગ્યા સામે, મોરબી) ને દેશી બનાવટની ગેરકાયદેસર એક પિસ્તોલ અને એક જીવતા કારતુસ (કિં.રૂ. 10,100) સાથે ઝડપી પાડીને સિટી બી ડિવિઝન પોલીસ મથકે આરોપી વિરુદ્ધ આર્મ્સ એકટ અન્વયે ગુન્હો નોંધાવીને ધોરણસરની કાર્યવાહી હાથ ધરી હતી.
