મગફળીના ભૂસા નીચે સંતાડેલી દારૂની 673 બોટલ ઝડપાઇ

​​​​​​​ગોંડલ રોડ, નુરાનીપરામાં વિદેશી દારૂ ભરેલું વાહન ઊભું હોવાની ક્રાઇમ બ્રાંચને માહિતી મળી હતી. જેના આધારે પીએસઆઇ એચ.બી.ધાંધલ્યા સહિતના કાફલાએ મંગળવારે વહેલી સવારે દરોડો પાડ્યો હતો. સવારના સમયે ધુમ્મસ હોવાને કારણે પોલીસ કાફલાને જોઇ ચાલક તકનો લાભ લઇ નાસી ગયો હતો. બાદમાં પોલીસે જૂનાગઢ પાસિંગની બોલેરોમાં તપાસ કરતા પાછળના ભાગે મગફળીના ભૂસા ભરેલા બાચકા જોવા મળ્યા હતા. વિદેશી દારૂની માહિતી ચોક્કસ હોય ભૂસાના બાચકા ખસેડતા નીચેથી વિદેશી દારૂની બોટલો ભરેલા બોક્સ મળી આવ્યા હતા. બોક્સમાં તપાસ કરતા વિદેશી દારૂની જુદી જુદી બ્રાન્ડની કુલ 673 બોટલ મળી આવી હતી.