કોલેજોને હવેથી સોફ્ટ કોપીમાં પ્રશ્નપત્રો મોકલવા નિર્ણય કરાયો હતો
ખાસ-ખબર સંવાદદાતા
સૌરાષ્ટ્ર યુનિવર્સિટીની પરીક્ષામાં 12 ઓક્ટોબરના રોજ એકસાથે બબ્બે પેપર લીક થયાની ઘટના પર યુનિવર્સિટી અને પોલીસ તંત્રએ પડદો પાડી કોઈ કાર્યવાહી ન કર્યાનું સામે આવ્યું છે.પેપર લીકકાંડમાં ભાજપ નેતાનું નામ હોવાનો ઋજક રિપોર્ટ જાહેર થતા જ પોલીસ જાણે કોઈ કાર્યવાહી કરવા ન માગતી હોય તેમ 20 દિવસ બાદ પણ જવાબદારોને પકડ્યા નથી. જ્યારે સત્તાધિશોએ પણ મૌન સેવી પોલીસ તપાસ ચાલુ હોવાનું રટણ કરે છે.
- Advertisement -
સૌરાષ્ટ્ર યુનિવર્સિટીમાં ગત 13 ઓક્ટોબરનું ઇઇઅ અને ઇ.ભજ્ઞળ સેમ-5નું એક-એક પેપર લીક થવાની ગંભીર ઘટના પ્રકાશમાં આવતા હજારો વિદ્યાર્થીઓનું ભાવિ જોખમાયું હતું અને તેમાંથી ઇ.ભજ્ઞળનું એક પેપર છાત્રોએ બીજી વખત આપવું પડ્યું હતું. જે ઘટનામાં પેપર લીકકાંડમાં ભાજપી નેતાનું નામ હોવાનો ઋજક રિપોર્ટમાં ઘટસ્ફોટ થતા જ પોલીસે તપાસ પડતી મૂકી દીધી હોવાનું માનવામાં આવી રહ્યું છે.
આજે ઘટનાના 20 દિવસ પૂરા થવા છતાં પણ પેપર લીક કરનારા કોણ છે તે જાહેર થયું નથી. જેનાથી શિક્ષણ જગત પણ હતપ્રભ છે. પેપર લીક થતા જ સૌરાષ્ટ્ર યુનિવર્સિટી દ્વારા હવેની તમામ પરીક્ષાઓમાં ચછ કોડ સાથેનું પેપર કાઢવાનો સૌરાષ્ટ્ર યુનિવર્સિટીના કુલપતિ ગિરીશ ભીમાણીએ ત્વરીત નિર્ણય કર્યો હતો.
અગાઉ પાંચ વખત પેપર ફૂટી ચૂક્યા છે
23 ડિસેમ્બર, 2021- ઇ.ભજ્ઞળ સેમ-3નું પેપર
12 ઓક્ટોબર, 2022- ઇઇઅ સેમ-5નું પેપર
12 ઓક્ટોબર 2022- ઇ.ભજ્ઞળ સેમ-5નું પેપર
2016માં ઇતભનું કેમેસ્ટ્રીનું પેપર
2014માં ઇઈઅનું પેપર
