ગૌતમ અદાણી ભારત જ નહીં પરંતુ એશિયાના સૌથી મોટા અમીર બિઝનેસમેન
2017માં 5.8 અબજ ડોલર સંપત્તિ વધીને 121.7 અબજ ડોલર પર પહોંચી ગઈ
અદાણી ગ્રૂપના ચેરમેન ગૌતમ અદાણી અત્યારે ભારત જ નહીં બલકે એશિયાના સૌથી મોટા અમીર બિઝનેસમેન છે. એમની સંપત્તિ 2020 થી 2022 વચ્ચે બે વર્ષના ગાળામાં 14 ગણી વધી ગઈ છે. ઐતિહાસિક સંપત્તિનો ઉછાળો એમની કેરિયરમાં પ્રથમવાર જોવા મળ્યો છે. એક રિપોર્ટમાં જણાવ્યા મુજબ ગૌતમ અદાણીની કંપનીઓના શેર ના ભાવ આકાશ તરફ જઈ રહ્યા છે અને તેની સાથોસાથ તેમની સંપત્તિમાં વિક્રમ જનક વધારો નોંધાઈ રહ્યો છે. ફોબ્ર્સના અહેવાલમાં જણાવ્યા મુજબ 2017માં ગૌતમ અદાણીની કુલ સંપત્તિ 5.8 અબજ ડોલર હતી જે હવે 121.7 અબજ ડોલર જેટલી થઇ ગઇ છે. લોકોના ઘરના કરીયાણા થી લઈને કોલસાની ખાણ તેમજ એરપોર્ટ રેલવે અને બંદરગાહ થી લઈને વીજળી બનાવવા સુધી એમના સેંકડો કારોબાર ધમધમી રહ્યા છે.
અહેવાલમાં એવી માહિતી આપવામાં આવી છે કે 1981થી અદાણી કિસ્મત ચમકવાની શરૂઆત થઇ હતી અને એમના મોટાભાઈ એ ગૌતમ અદાણીને અમદાવાદમાં બોલાવી લીધા હતા. તેમના ભાઈએ ચીજવસ્તુઓને સંભાળવા માટે પ્લાસ્ટિકની એક કંપની ખરીદી હતી પરંતુ તે વ્યવસ્થિત રીતે ચાલતી નહોતી અને કાચા માલનો પુરવઠો મળતો ન હતો. ત્યારબાદ આ પરિસ્થિતિને અવસર માં બદલીને અદાણીએ કંડલા પોર્ટ પર પ્લાસ્ટિક ગ્રેન્યુઅલની આયાત શરૂ કરી દીધી હતી અને 1988માં અદાણી એન્ટરપ્રાઇઝ લિમિટેડ બનાવવામાં આવી હતી.
