બાર એસો.ની ચૂંટણીમાં સમરસ પેનલના ઉમેદવારનો જંગી બહુમતીથી જીતવાનો દાવો

ખાસ-ખબર સંવાદદાતા
રાજકોટ બાર એસો.ની ચૂંટણીમાં સમરસ પેનલને ઠેર-ઠેરથી સમર્થન મળી રહ્યું છે. આવતીકાલે યોજાનાર પૂર્વે આજે ખાસા-ખબરની મુલાકાત દરમ્યાન સમરસ પેનલના હોદેદારોએ પોતાનો પરિયચ આપ્યો હતો અને જંગી જીતનો દાવો કર્યો હતો.

સમરસ પેનલને જીત એ અભયભાઈને ઉત્તમ શ્રદ્ધાંજલિ ગણાશે
સ્વર્ગસ્થ અભય ભારદ્વાજની કલ્પના હતી કે, સમરસ પેનલ એવી હોવી જોઈએ કે, જેમાં દરેક વર્ગનાં- દરેક જ્ઞાતિનાં વકીલોને પ્રતિનિધિત્વ મળે. કોઈ ભેદભાવ વગર વકીલોનાં પ્રશ્ર્નો હલ થાય એ જ તેમની ભાવના હતી. સમરસ પેનલનો વિજય એ અભય ભારદ્વાજને સાચી શ્રદ્ધાંજલિ જ ગણાય. અભયભાઈનું સૂત્ર હતું, ‘હું જીતું છું, અમે જીતીએ છીએ, આપણે જીતીએ છીએ!’ આ સૂત્ર સાર્થક કરવા સમરસ પેનલ મેદાને પડી છે.

સમરસ પેનલના પાટીદાર વકીલોને જીતાડવા પાટીદારોનો કાલે હાંજા ગગડાવતી સંખ્યા પાટીદાર સંમેલનમાં
રાજકોટ શહેરમાં આવતી કાલે બાર એસો.ની ચૂંટણી યોજાઈ રહેલ છે ત્યારે પૂર્વસંધ્યાએ સમરસ પેનલના પાટીદાર વકીલોના સમર્થનમાં સાડા પાંચસોથી વધુ પટેલ વકીલ ભાઈ-બહેનો હાજર રહેલ અને આ મીટીંગમાં સમરસ પેનલના બાર કાઉન્સીલના મેમ્બર દિલીપભાઈ પટેલ, જો. સેક્રેટરીના ઉમેદવાર ધર્મેશભાઈ સખીયા, લાઈબ્રેરી સેક્રેટરી સુમીતભાઈ વોરા, કારોબારી અજય પીપળીયા તથા નૈમિષ પટેલે તેમને અને તેમની પેનલને જીતાડવા અપીલ કરેલ હતી. સમરસ પેનલના ઉમેદવારે પ્રમુખ અમીત ભગત, ઉપપ્રમુખ સિદ્ધરાજસિંહ જાડેજા, સેક્રેટરી દિલીપ મહેતા, ખજાનચી જીતેન્દ્ર પારેખ તથા કારોબારી મેમ્બર નૃપેન ભાવસાર, સરજુદાસ દૂધરેજીયા, મનિષ પંડયા, કેતન મંડ, કિશન રાજાણી, વિવેક સાતા, કિશન વાલ્વાના સમર્થનમાં મતદાન કરવા સાડા છસોથી વધુ વકીલોએ સમર્થન આપેલ હતું.

સમરસ પેનલને જંગી બહુમતીથી જીતાડવા રેવન્યુ બાર એસો. મેદાને આગામી તા. 17-12-2021ના રાજકોટ બાર એસોસીએશનની કોરોના કાળ પછી ઘણી લાંબા સમય બાદ યોજાતી પ્રતિષ્ઠાસમી વકીલોની ચૂંટણીમાં બે પેનલો સામસામે લડી રહી છે ત્યારે બંને પેનલો આ પ્રતિષ્ઠાભરી ચૂંટણી જીતવા એડીચોટીનું જોર લગાવી રહી છે ત્યારે સમરસ પેનલને પ્રતિષ્ઠિત રાજકોટ રેવન્યુ બાર એસોસીએશને ટેકો જાહેર કરેલ છે અને સમરસ પેનલને જંગી લીડથી જીતાડવા માટે રાજકોટ રેવન્યુ બાર એસોસીએશનના હોદેદારો તથા સભ્યો મેદાને પડી ગયેલ છે અને સમરસ પેનલના ઉમેદવારોમાં પ્રમુખ તરીકે અમીતભાઈ ભગત, ઉપપ્રમુખ તરીકે સિદ્ધરાજસિંહ જાડેજા, સેક્રેટરી તરીકે દિલીપભાઈ મહેતા, જોઈન્ટ સેક્રેટરી તરીકે ધર્મેશભાઈ સખીયા, ટ્રેઝરર તરીકે જીતેન્દ્રભાઈ પારેખ તથા લાઈબ્રેરી સેક્રેટરી તરીકે સુમીતભાઈ વોરાએ ઉમેદવારી નોંધાવેલ છે તથા કારોબારી સભ્યો નૃપેનભાઈ ભાવસાર, સરજુદાસ દુધરેજીયા, કેતનભાઈ મંડ, મનીષભાઈ પંડ્યા, નૈમિષભાઈ પટેલ, અજયભાઈ પીપળીયા, કિશનભાઈ રાજાણી, વિવેકભાઈ સાતા તથા કિશનભાઈ વાલવાને જંગી લીડથી જીતાડવા તનતોડ મહેનત કરી રહ્યા છે અને સમરસ પેનલના ઉમેદવારો સાથે રેવન્યુ બાર એસોસીએશનના પ્રમુખ સી. એચ. પટેલ, ઉપપ્રમુખ એન. વી. પટેલ, નલીનભાઈ આહિયા, સેક્રેટરી ડી. ડી. મહેતા, જોઈન્ટ સેક્રેટરી વિરેનભાઈ વ્યાસ, ટ્રેઝરર જયેશભાઈ બોઘરા, સંગઠન મંત્રી આનંદભાઈ પરમાર, સહસંગઠન મંત્રી દિવ્યેશભાઈ છગ, મિડીયા ઈન્ચાર્જ શ્યામભાઈ પરમાર તથા કારોબારી સભ્યો એન્જલ સરધારા, મહેશભાઈ ચાવડા, વિજયભાઈ રૈયાણી, રાજેશભાઈ નસીત, સત્યેનભાઈ ચાંગેલા સહિતની ટીમ વકીલોની ઓફિસે એટલે કે ડોર ટુ ડોર રૂબરૂ મળી સમરસ પેનલને ઐતિહાસિક લીડથી જીતાડવા સંપર્ક કરી રહી છે અને સાથે સાથે મીટીંગોના દોર ચલાવી રહ્યા છે અને ઐતિહાસિક લીડની પ્રતિજ્ઞા સાથે તમામ રેવન્યુ બારના સભ્યો, ઈલેકટ્રોનિક મીડિયા, સોશ્યલ મીડિયા, પત્રિકા વગેરે માધ્યમથી પ્રચાર કરી રહ્યા છે તેથી વકીલ આલમમાં સમરસ પેનલની જંગી લીડથી જીત નિશ્ર્ચિત મનાય છે.

• સમરસ પેનલનું વચન: નમૂનેદાર નવું કોર્ટ પરિસર
• સમરસ પેનલનાં પ્રમુખપદનાં ઉમેદવાર અમિતભાઈ ભગત સહિતના ઉમેદવારોએ ‘ખાસ-ખબર’ સમક્ષ પોતાનાં મેનિફેસ્ટોનાં કેટલાંક મુદ્દાઓ વિશે વાત કરી હતી, જેનો સારાંશ નીચે મુજબ છે:
• નવું કોર્ટ પરિસર એકદમ અફલાતૂન, સુવિધાસભર, નમૂનારૂપ બનાવવું.
• નવું કોર્ટ પરિસર દૂર હોવાથી શહેર-કોર્ટ વચ્ચે સિટી બસની સુવિધા શરૂ કરાવવી.
• નવી કોર્ટમાં અદ્યતન લાયબ્રેરીનું નિર્માણ.
• મહિલાઓ માટે અલગ બાર-રૂમની વ્યવસ્થા- જેમાં વોશરૂમ, શુદ્ધ પાણી વગેરેની સુવિધા હોય.
• સંતાનોને લઈને કોર્ટે આવતા મહિલા વકીલો માટે ઘોડિયાંઘરની વ્યવસ્થા.
• મીટિંગ-સીટિંગ માટે આધુનિક હોલ.
• કોર્ટ પોલીસ ચોકી.
• ટિફિન લઈને આવતાં એડવોકેટ માટે ડાઈનિંગ રૂમ.
• આધુનિક કેન્ટીન- જ્યાં વાજબી દરમાં ઉત્તમ ભોજન, નાસ્તો વગેરે મળી રહે.
• પરિસરમાં અમૂલ પાર્લર.
• હાઈકોર્ટની બેચ માટે તમામ પ્રયત્નો.

આ પણ વાંચો : સિપાઈ સમાજની વિધવા બહેનો માટે સહાય યોજનાની શરૂઆત
https://khaskhabarrajkot.com/2021/12/15/launch-of-assist…s-of-sepoy-samaj/