2.44 કરોડ અપાત્ર લાભાર્થીઓ મળ્યાં, સરકારને 5,800 કરોડની બચત થશેઃ હવે વાસ્તવિક જરૂરિયાતમંદોને મળશે અનાજ
ડેટા તપાસમાં ખૂલ્યો સમગ્ર ગેરરીતિનો ખેલ
- Advertisement -
દેશની સૌથી મોટી કલ્યાણકારી યોજના ‘રાષ્ટ્રીય ખાદ્ય સુરક્ષા’ (ગન)માં ગેરરીતિનો એક ચોંકાવનારો કિસ્સો સામે આવ્યો છે. જે સરકારી અનાજ પર દેશનાં ગરીબ અને વંચિત લોકોનો હક છે, તેને સંપન્ન લોકો, ટેક્સ ભરનારા વેપારીઓ અને કંપનીઓનાં બોર્ડમાં સામેલ મોટા અધિકારીઓ મેળવી રહ્યાં હતા. ઉપભોક્તા બાબતો, ખાદ્ય અને સાર્વજનિક વિતરણ મંત્રાલયે ડેટા ઇન્ટિગ્રેશન અને ઊંડાણપૂર્વકની તપાસ બાદ દેશભરમાં ૨.૪૪ કરોડ એવા અપાત્ર લાભાર્થીઓની ઓળખ કરી છે, જેઓ વર્ષોથી ગરીબોનું મફત રાશન મેળવતા હતા. સરકાર હવે તેમને આ યોજનામાંથી બહાર કરવા જઈ રહી છે, જેનાથી ચાલુ નાણાકીય વર્ષમાં સરકારી તિજોરીને લગભગ રૂા.૫,૮૦૦ કરોડની સીધી બચત થશે. સરકાર પ્રત્યેક વ્યક્તિને દર મહિને સરેરાશ રૂા. ૨૦૦નું રાશન (વાર્ષિક વ્યક્તિ દીઠ રૂા.૨,૪૦૦) પૂરું પાડે છે. ૨.૪૪ કરોડ અપાત્ર લાભાર્થીઓને હટાવવાથી વાર્ષિક લગભગ રૂા.૫,૮૫૬ કરોડની ખાદ્ય સબસીડીની બચત થશે. છેલ્લાં નાણાકીય વર્ષમાં પણ ૨.૭૭ કરોડ બોગસ અને અપાત્ર લાભાર્થીઓને બહાર કરીને રૂા.૬,૭૦૦ કરોડ બચાવવામાં આવ્યા હતા.
આનાથી સૌથી મોટો ફાયદો એ થશે કે રાશન કાર્ડના કોટામાં જગ્યા ખાલી થશે, જેનાથી વર્ષોથી લાઈનમાં ઊભેલાં વાસ્તવિક જરૂરિયાતમંદ અને ગરીબ પરિવારોને આ યોજના સાથે જોડી શકાશે. સરકાર રાષ્ટ્રીય ખાદ્ય સુરક્ષા કાયદા હેઠળ દેશભરમાં લગભગ ૭૮ કરોડ લોકોને મફત રાશન પૂરું પાડી રહી છે.
મંત્રાલયે શંકાસ્પદ જણાતાં લગભગ ૪.૫ કરોડ લાભાર્થીઓના ડેટાને ઇનકમ ટેક્સ, જા નેટવર્ક, કોર્પોરેટ બાબતોનાં મંત્રાલય અને પરિવહન વિભાગનાં ડેટાબેઝ સાથે ક્રોસ-વેરિફાય કર્યો હતો. આ તપાસ બાદ ર.૪૪ કરોડ લાભાર્થીઓ સીધા ધોરણે અપાત્ર મળી આવ્યા છે.
આ યાદી હવે સંબંધિત રાજ્ય સરકારોને સોંપવામાં આવી રહી છે. રાજ્યો દ્વારા સ્થાનિક સ્તરે અંતિમ તપાસ (ફીલ્ડ વેરિફિકેશન) નો રિપોર્ટ મળતા જ આ તમામના રાશન કાર્ડ રદ કરવામાં આવશે.
કોણ લઈ રહ્યું હતું ગરીબોનું રાશન?
” બે અલગ-અલગ રાશન કાર્ડ ધરાવનાર : 10,77,631
– GST ભરનારા : 7.21,343
ઇનકમ ટેક્સ ભરનારા : 56,22,619
કંપનીઓના ડિરેક્ટર્સ : 2,42,313
સરકારી કર્મચારીઓ : 2,76,544
– ૧૦૦ વર્ષથી વધુ ઉંમર
ધરાવનાર : 3,01,978
મહિનાઓથી રાશન ન લેનારા : 1,58,16,217
૧૮ વર્ષથી ઓછી ઉંમરના : 1,13,094
ચાર-પૈડા વાહનના માલિકો : 2,07,970
