આજકાલ ઓનલાઇન ફ્રોડના કેસમાં ઝડપથી વધારો થઈ રહ્યો છે. સાયબર ઠગ હવે ફક્ત કોલ અથવા નકલી લિંક સુધી મર્યાદિત નથી રહ્યા, પરંતુ લોકોના સ્માર્ટફોન પર જ કબજો કરવાની કોશિશ કરી રહ્યા છે. આ માટે સૌથી વધુ ઉપયોગ APK Fileનો થઈ રહ્યો છે.
ઘણા લોકો વિચાર્યા વગર આવી ફાઇલ ડાઉનલોડ કરી લે છે અને પછી થોડા જ મિનિટોમાં તેમના બેંક એકાઉન્ટમાંથી પૈસા ગાયબ થવા લાગે છે. ઘણીવાર સ્કેમર્સ WhatsApp, Telegram, SMS અથવા સોશિયલ મીડિયા દ્વારા કોઈ જરૂરી અપડેટ, બેંક KYC, ઇનામ અથવા સરકારી યોજનાનો લોભ આપીને APK ફાઇલ મોકલે છે. યુઝર તેને જેવી ઇન્સ્ટોલ કરે છે કે ઠગોને ફોનની અંદર પ્રવેશવાનો રસ્તો મળી જાય છે.
- Advertisement -
APK હકીકતમાં Android Package File હોય છે. આ એન્ડ્રોઇડ ફોનમાં એપ ઇન્સ્ટોલ કરવાની ફાઇલ ફોર્મેટ છે. જેમ કમ્પ્યુટરમાં .exe ફાઇલનો ઉપયોગ સોફ્ટવેર ઇન્સ્ટોલ કરવા માટે થાય છે, તેવી જ રીતે એન્ડ્રોઇડ ડિવાઇસમાં APK ફાઇલ કામ કરે છે. આ ફાઇલોમાં એપ ચલાવવા માટે જરૂરી તમામ ડેટા અને કોડ હાજર હોય છે. સામાન્ય રીતે Google Play Store પરથી ડાઉનલોડ થતી એપ્સને પહેલાં સિક્યોરિટી માટે ચેક કરવામાં આવે છે. એમાં વાયરસ તો નથી ને તેની તપાસ બાદ યુઝરને ઇન્સ્ટોલ કરવા દે છે. જોકે ઇન્ટરનેટ અથવા મેસેજ દ્વારા મળતી APK ફાઇલો ખતરનાક હોઈ શકે છે. ઘણીવાર આ ફાઇલોમાં છુપાયેલ Malware અથવા Spyware હોય છે, જે ફોનની ખાનગી માહિતી ચોરી કરવા માટે બનાવવામાં આવ્યા હોય છે.
સ્કેમર્સ APK Fileનો ઉપયોગ કેમ કરે છે?
સાયબર ગુનેગારો APK ફાઇલ એટલા માટે મોકલે છે કે તેના દ્વારા તેઓ સીધા યુઝરના ફોનમાં નકલી એપ ઇન્સ્ટોલ કરાવી શકે. આ એપ્સ દેખાવમાં બિલકુલ અસલી બેંકિંગ એપ, સરકારી પોર્ટલ અથવા લોકપ્રિય સર્વિસ જેવી લાગે છે જેથી લોકોને શંકા ન જાય. સ્કેમર્સ ઘણીવાર એવો મેસેજ મોકલે છે કે યુઝર ગભરાઈ જાય અથવા તરત નિર્ણય લઈ લે. એમાં ‘KYC તરત અપડેટ કરો’, ‘તમારું બેંક એકાઉન્ટ બંધ થવાનું છે’ અથવા ‘ઇનામ જીતવા માટે એપ ડાઉનલોડ કરો’ જેવા મેસેજ હોય છે. આ મેસેજ વાંચીને યુઝર APK ઇન્સ્ટોલ કરે છે, ત્યારબાદ નકલી એપ અનેક પ્રકારની પરમિશન માંગે છે. લોકો વાંચ્યા વગર Allow પર ક્લિક કરી દે છે અને અહીંથી જ ખતરો શરૂ થાય છે.
- Advertisement -
કેવી રીતે બેંક એકાઉન્ટ ખાલી થઈ જાય છે?
એકવાર ખતરનાક APK ફોનમાં ઇન્સ્ટોલ થઈ જાય પછી તે Contacts, Messages, Call Logs, Notifications, Location અને અહીં સુધી કે Microphoneનો પણ એક્સેસ માંગે છે. ત્યારબાદ આ એપ ફોનમાં આવતા OTP, બેંક એલર્ટ અને પાસવર્ડ જેવી માહિતી ચુપચાપ સ્કેમર્સ સુધી પહોંચાડવા લાગે છે. ઘણા Malware રિયલ ટાઇમમાં સ્ક્રીન રેકોર્ડિંગ અથવા કીબોર્ડ ટાઇપિંગ પણ ટ્રેક કરી શકે છે. એના દ્વારા ઠગોને બેંકિંગ ડિટેલ્સ અને OTP મળે છે અને તેઓ એકાઉન્ટમાંથી પૈસા ટ્રાન્સફર કરી દે છે. ઘણા લોકોને તો બેંક બેલેન્સ ઓછું થવાનો મેસેજ આવે ત્યાં સુધી ખબર પણ નથી પડતી.
APK Scamથી કેવી રીતે બચી શકાય?
કોઈપણ અજાણી લિંક અથવા ફાઇલ પર તરત ક્લિક ન કરવું જોઈએ. જો કોઈ એપ Play Store બહારથી ડાઉનલોડ કરવા માટે કહેવામાં આવે તો પહેલા તેની સચ્ચાઈ ચોક્કસ તપાસો. ફોનમાં એપ ઇન્સ્ટોલ કરતી વખતે માંગવામાં આવતી પરમિશન ધ્યાનથી વાંચવી ખૂબ જ જરૂરી છે.
જો કોઈ સામાન્ય એપ SMS, Calls અથવા બેંકિંગ Notificationsનો એક્સેસ માંગે તો સાવધાન થઈ જવું જોઈએ. ઉપરાંત મોબાઇલમાં Antivirus અને Security Updates હંમેશા ચાલુ રાખવા સુરક્ષિત માનવામાં આવે છે.
ઝડપથી વધી રહ્યો છે નવો સાયબર ખતરો
ડિજિટલ પેમેન્ટ અને ઓનલાઇન બેંકિંગ વધતા APK Scam પણ ઝડપથી ફેલાઈ રહ્યો છે. સાયબર ગુનેગારો હવે લોકોની નાની ભૂલનો ફાયદો ઉઠાવીને તેમનો ડેટા અને પૈસા બંને ચોરી રહ્યા છે. તેથી કોઈપણ ફાઇલ ડાઉનલોડ કરતા પહેલા સાવધાન રહેવું અત્યંત જરૂરી છે, કારણ કે એક ખોટું ક્લિક યુઝર્સના બેંક એકાઉન્ટને જોખમમાં મૂકી શકે છે.
