મિડલ ઇસ્ટમાં ચાલી રહેલા યુદ્ધ અને ગ્લોબલ ટેન્શન વચ્ચે ‘રિચ ડેડ પુઅર ડેડ’ પુસ્તકના પ્રખ્યાત લેખક રોબર્ટ કિયોસાકીએ રોકાણકારો માટે એક મોટી ચેતવણી જાહેર કરી છે. તેમણે સોશિયલ મીડિયા પ્લેટફોર્મ X પર પોસ્ટ કરીને જણાવ્યું છે કે, ઈતિહાસનો સૌથી મોટો આર્થિક ફૂગ્ગો(Financial Bubble) હવે ફૂટવાની અણી પર છે. કિયોસાકીના મતે, ગમે ત્યારે એક નાની અમથી ‘પિન’ આ ફૂગ્ગોને ફોડી શકે છે અને તેના કારણે શેરબજારોમાં મોટો કડાકો આવી શકે છે. જોકે, તેમણે આ સંકટને અમીર બનવાની એક મોટી તક તરીકે પણ ગણાવી છે.
વર્તમાન ભાવથી 7 ગણી તેજી: રોબર્ટ કિયોસાકીની મોટી ભવિષ્યવાણી
- Advertisement -
કિયોસાકીએ આગાહી કરી છે કે જ્યારે આ આર્થિક ફૂગ્ગો ફૂટશે, તેના એક વર્ષ બાદ સોનું, ચાંદી અને ક્રિપ્ટોકરન્સીના ભાવ રોકેટની ગતિએ વધીને નવા શિખરો સર કરશે. તેમના અંદાજ મુજબ, આંતરરાષ્ટ્રીય બજારમાં સોનાનો ભાવ વધીને 35,000 ડૉલર પ્રતિ ઔંસ સુધી પહોંચી શકે છે, જ્યારે ચાંદીનો ભાવ 200 ડૉલર પ્રતિ ઔંસ થવાની શક્યતા છે. અત્યારે સોનાનો ભાવ આશરે 5,000 ડૉલરની આસપાસ છે, જે જોતા તેમનો અંદાજ વર્તમાન ભાવથી સાત ગણો વધારે છે.
ગણતરી સમજવા માટે:
1 ઔંસ = 31.10 ગ્રામ
- Advertisement -
1 કિલો = 32.15 ઔંસ (અંદાજે)
ક્રિપ્ટોમાં મોટી તેજીની આગાહી
રોબર્ટ કિયોસાકીએ માત્ર કિંમતી ધાતુઓ પર જ નહીં, પરંતુ ક્રિપ્ટોકરન્સી પર પણ મોટો ભરોસો વ્યક્ત કર્યો છે. તેમણે આગાહી કરી છે કે આગામી સમયમાં બીટકોઇન(Bitcoin) 7,50,000 ડૉલર અને ઇથેરિયમ(Ethereum) 95,000 ડૉલરની સપાટી વટાવી શકે છે. કિયોસાકી લાંબા સમયથી રોકાણકારોને સોનું, ચાંદી અને બીટકોઇનમાં રોકાણ કરવા માટે પ્રોત્સાહિત કરતા રહ્યા છે. તેમની આ સોશિયલ મીડિયા પોસ્ટ અત્યારે લાખો લોકો સુધી પહોંચી છે અને રોકાણકારોમાં ભારે ચર્ચા જગાડી રહી છે.
