રાજકોટના વિદ્યાર્થીઓની કમાલ: માત્ર 7 કલાકમાં તૈયાર થયેલી અઢી મિનિટની ફિલ્મે આપ્યો મોટો સંદેશ: ‘ગ્લોસન પ્રોડક્શન’ યૂટ્યુબ ચેનલ પર થઈ રહી છે વાયરલ
ખાસ-ખબર ન્યૂઝ રાજકોટ
- Advertisement -
આજના યુગમાં મોબાઈલ ફોન સુવિધાને બદલે એક જીવલેણ વ્યસન બની રહ્યો છે, ત્યારે સૌરાષ્ટ્ર યુનિવર્સિટીના પત્રકારત્વ ભવનના વિદ્યાર્થીઓએ આ ગંભીર વિષય પર એક ચોટદાર શોર્ટ ફિલ્મ બનાવીને રાજ્યકક્ષાએ મેદાન માર્યું છે. ફોન તો સ્માર્ટ થઈ ગયા, પણ માણસો ન થઈ શક્યા ના મધ્યવર્તી વિચાર સાથે બનેલી શોર્ટ ફિલ્મ ’ફોન સ્માર્ટ, નોટ મેન’ (ઙવજ્ઞક્ષય જળફિિ,ં ગજ્ઞિં ખફક્ષ) ને સેમિનારમાં પ્રથમ પુરસ્કાર એનાયત કરવામાં આવ્યો છે.
ટીમ લીડર ભાર્ગવ પરમાર અને એકતા કડાવલા સહિતની 10 સભ્યોની ટીમે આ ફિલ્મને માત્ર 7 કલાકમાં સ્ક્રિપ્ટિંગથી લઈને એડિટિંગ સુધીની પ્રક્રિયા પૂર્ણ કરી તૈયાર કરી હતી. જાણીતા ફિલ્મ નિર્માતા કમલેશ ઉદાસીના માર્ગદર્શન હેઠળ બનેલી આ ફિલ્મમાં 1990ના દાયકાનો પારિવારિક પ્રેમ અને વર્તમાન સમયમાં મોબાઈલના કારણે આવતી ઉગ્રતા, માનસિક તણાવ અને એકલતાને ખૂબ જ બખૂબી રીતે દર્શાવવામાં આવી છે. ફિલ્મમાં દાદા-દાદી દ્વારા સ્માર્ટફોનનો સાચો ઉપયોગ કેવી રીતે કરવો તેની શીખ આપવામાં આવી છે. ભારતમાં હાલ 90 કરોડથી વધુ લોકો સ્માર્ટફોન વાપરે છે. આ આદત એટલી હદે વધી ગઈ છે કે હવે માણસ મોબાઈલને નહીં, પણ મોબાઈલ માણસને ચલાવે છે. રીલ્સ અને ગેમિંગના અતિરેકને કારણે મુંબઈ-દિલ્હી જેવા શહેરોમાં 25થી વધુ મોબાઈલ એડિક્શન સેન્ટરો ખોલવાની નોબત આવી છે. ગુજરાત અને દેશના યુવાનોને આ લતથી બચાવવા માટે જનજાગૃતિ ફેલાવવાના ઉમદા હેતુથી આ ફિલ્મનું નિર્માણ કરવામાં આવ્યું છે, જે ‘GLOWSUN PRODUCTIONS’ નામની યૂટ્યુબ ચેનલ પર નિહાળી શકાય છે.
