ગોવા શિપયાર્ડ દ્વારા બનાવવામાં આવેલ પાંચમું ફાસ્ટ પેટ્રોલ જહાજ ‘અચલ’ ICG માટે લોન્ચ કરવામાં આવ્યું

ગોવા શિપયાર્ડ લિમિટેડએ ભારતીય કોસ્ટ ગાર્ડ માટે બનાવવામાં આવી રહેલા આઠ ફાસ્ટ પેટ્રોલ જહાજોમાંથી એકનું સફળતાપૂર્વક લોન્ચિંગ કર્યું હતું. આ જહાજનું નામ ‘અચલ’ રાખવામાં આવ્યું છે. આ જહાજ કવિતા હરબોલાએ પરંપરાગત વૈદિક મંત્રોચ્ચાર વચ્ચે સમુદ્રમાં લોન્ચ કર્યું હતું. આ પ્રસંગે કોસ્ટ ગાર્ડના અધિક મહાનિર્દેશક અનિલ કુમાર હરબોલા સહિત ઘણા વરિષ્ઠ અધિકારીઓ હાજર રહ્યા હતા.

GSL ખાતે ભારતીય કોસ્ટ ગાર્ડ માટે આઠ ઝડપી પેટ્રોલ જહાજો બનાવવામાં આવી રહ્યા છે. આ કરાર 2022 માં કરવામાં આવ્યો હતો. તે 60 ટકાથી વધુ સ્વદેશી સામગ્રી સાથે બનાવવામાં આવી રહ્યું છે. સ્વદેશી સામગ્રીથી રચાયેલ આ જહાજ દરિયાઈ દેખરેખ, સુરક્ષા અને પેટ્રોલિંગમાં મદદ કરશે. તેનું નિર્માણ આત્મનિર્ભરતા તરફ એક મજબૂત પગલું છે.

વિશેષતા
આ જહાજ ભારતમાં જ ડિઝાઇન કરાયું છે અને બનાવવામાં આવ્યું છે.
તેના 60% થી વધુ ભાગો દેશમાં બનાવવામાં આવે છે, જેના કારણે તેને આત્મનિર્ભર ભારત તરફ એક મોટું પગલું માનવામાં આવી રહ્યું છે.
આ જહાજ 52 મીટર લાંબુ છે અને 27 નોટ (લગભગ 50 કિમી પ્રતિ કલાક) ની ઝડપે મુસાફરી કરી શકે છે.
આનાથી કોસ્ટ ગાર્ડને દરિયાઈ દેખરેખ, સુરક્ષા અને પેટ્રોલિંગમાં મદદ મળશે.
આ પ્રોજેક્ટથી સ્થાનિક ઉદ્યોગો, ખજખઊ કંપનીઓ અને મજૂરોને રોજગાર મળ્યો છે.
‘અચલ’નું લોન્ચિંગ ભારતની દરિયાઈ સુરક્ષા અને આત્મનિર્ભરતા તરફ એક મજબૂત પગલું છે.