એન્ડિંગ પ્લાસ્ટિક પોલ્યુશન ગ્લોબલી થીમ પર વિશ્ર્વ પર્યાવરણ દિવસની ઉજવણી થશે
ખાસ-ખબર ન્યૂઝ જૂનાગઢ, તા.21
- Advertisement -
વિશ્વ પર્યાવરણ દિન નિમિત્તે જનજાગૃત્તિલક્ષી કાર્યક્રમોના આયોજન અર્થે જૂનાગઢ જિલ્લાના ઈન્ચાર્જ અધિક જિલ્લા મેજિસ્ટ્રેટ પી.એ. જાડેજાના અધ્યક્ષ સ્થાને બેઠક યોજાઇ હતી. આ વર્ષે એન્ડિંગ પ્લાસ્ટિક પોલ્યુશન ગ્લોબલી થીમ આધારિત વિશ્વ પર્યાવરણ દિનની ઉજવણી કરવામાં આવશે.
રાજ્ય સરકાર દ્વારા આગામી તા.22 મે થી 5 જૂન સુધી વિશ્વ પર્યાવરણ દિવસની ઉજવણીને લઇને પ્લાસ્ટીક મૂક્ત અભિયાન અંતર્ગત અધિક જિલ્લા મેજિસ્ટ્રેટશ્રી એ ઉપસ્થિત સંલ્ગન અધિકારીશ્રીઓને સુચારું આયોજન અંગે માર્ગદર્શન પૂરું પાડ્યું હતું. ઉલ્લેખનીય છે કે, ’વર્લ્ડ એન્વાયર્મેન્ટ ડે’ની ઉજવણીના પ્રિ-કેમ્પેઈનમાં જૂનાગઢ જિલ્લામાં પર્યાવરણને અનુલક્ષીને આગામી તા.22 મેથી 5 જૂન સુધી શાળા-કોલેજો, બસ સ્ટેશન, રેલ્વે સ્ટેશન, વિવિધ શહેરી અને ગ્રામ્યસ્તરે ’પ્લાસ્ટીક મૂક્ત અભિયાન’ અંતર્ગત અનેકવિધ કાર્યક્રમોના માધ્યમ થકી લોકોને પ્લાસ્ટીક મૂકત અંગેનો સંદેશો અપાશે. આ બેઠકમાં એસટી, ચેમ્બર ઓફ કોમર્સ, ખેતીવાડી, આઈસીડીએસ અને આરોગ્ય વિભાગ સહિતના સંલ્ગન અધિકારીઓ ઉપસ્થિત રહ્યા હતા.
